Sulat Pol Ebè Yó Kem Tau Hemtahu Bè Rom 13:4 - Udél Dwata: Gna Kesfasad ne Lomi Kesfasad

⁴ Abay se yó kem tau mit udin yó, lu se deng snigang Dwata, nmò le yóm kuy kehyu. Okóm ke mulé tekuy udin, wen klikò tekuy bélê le, abay se wen kwalis le tmafak. Lu se deng snigang Dwata mò tmafak yó kem tau mulé udin.

Sulat Pol Ebè Yó Kem Tau Hemtahu Bè Rom 13:4 Referans Kwoze

Sulat Pol Ebè Yó Kem Tau Hemtahu Bè Rom 12:19

Ó kem wè, hol bê ye abay meles. Tódô bayà ye bè Dwata, abay se deng monen bè Sulat Dwata, monen, “Ou he fen gel meles. Ne ou he fen gel malà.”

Kem Udél Hlalak Tehe Selumun 20:2

Yóm klikò tau du yóm alì sidek kebut yóm tau hol geta lómón yóm klikò tau du yóm ngel yóm mon le liyun. Yóm tau hebut yóm tau hol geta hfatayen knóen.

Kem Udél Hlalak Tehe Selumun 16:14

Sok alì lembut yóm tau hol geta ayawen wen matay ne yóm tau hulung hedem eles nebelen lanen hebó yóm kebut yóm tau hol geta yó.

2 Tutul Israél 19:6

ne yó hol hloloen kul, monen, “Bè yóm gel kkukum ye, na ye hol gel hendem gu laan ye là deng hemdeng du. Hol bê ye abay klifót. Bè yóm gel kkukum ye, là kô yó du yóm gel hnebel ye ke hefligal ye tau, okóm Dwata se yóm gel hefligal ye. Angat nô bélê ye Dwata bè ket kehedeng ye du yóm kkukum ye.

1 Tisalunika 4:6

Kóyô Dwata ke là nulé ye du ni kem monu ni koni, anì laen dù gónó ye sgulé bè kem dumu ye. Deng tehe tulón me kuy se nim ni, ne deng tehe eles hetgama me kuy yóm ktafak yóm gónó tekuy mogot yó kem tau mò du.

Sulat Pol Ebè Yó Kem Tau Hemtahu Bè Rom 13:6

Bud yó snéen yóm gónó ye gel mayad bè gubérnó yó kem bwis. Yó kem tau mtuk du, kaem lemwót bè Dwata yóm nmò le yó.

Mika 3:9

Ó kem tau malak bè Israél, ni mò hol hnungol ye. Deng mom kenbê ye yóm kukum tedeng ne henbaling ye sigol yóm tedeng.

Isaya 1:17

ne hol dnalang ye mò du yóm hyu. Hotu ye gel ye mit du yóm kukum tedeng. Tnóbóng ye yó kem tau gel ndà le elaan. Ne nfi ye yó kem ngà hikit anì guta le yóm kul ólól. Senged se yó kem libun bolu, hol nfi ye lu.”

Kem Udél Hlalak Tehe Selumun 20:26

Yóm tau hol geta hulung hedem dilóen yó kem tau gel mò sidek ne bè yóm ktafaken kul laen kô bud kodu mung du.

Kem Udél Hlalak Tehe Selumun 20:8

Sok bangen kmukum yóm tau hol geta gotu dilóen yó kem tau gel mò sidek ne knukumen lu.

1 Bok Kem Tau Hol Geta 10:9

Hol megdóyón Dwata yóm sana kóm Dwata hol gónó mogot. Deng hegfanen yóm tey kehyu nawan ebéléem bè yóm kehbalingen kóm tau hol geta bè Israél. Lemwót bè yóm klaen dù sónen yóm kbong nawa Dwata yó kem tau Israél, nmoen uu mò tau hol geta bélê le anì wen kukum tedeng lem blóng le.”

1 Pitér 2:14

Dalang se yó kem gubérnor deng néléken mò fen tmafak yó kem tau gel mò sidek, ne mò fen gel dmóyón yó kem tau mò yóm hyu.