Sulat Pol Ebè Yó Kem Tau Hemtahu Bè Rom 13:2 - Udél Dwata: Gna Kesfasad ne Lomi Kesfasad

² Duhen yó, kdê yó kem tau là nimón le yóm udin lem benwu, yó se yó kem tau là móyô le mimón ke Dwata snéen. Ne lu se tendo ktes tafak.

Sulat Pol Ebè Yó Kem Tau Hemtahu Bè Rom 13:2 Referans Kwoze

1 Pitér 2:13

Lemwót bè yóm deng klolò ye yóm gónó tekuy mogot, bê ye nulé yó kem udin lem benwu ye. Hol nimón ye yóm tau hol geta bélê ye.

Taytus 3:1

Bud heftulónem kul nawa, yó kem tau bè yó anì himón le bè yó kem tau gónó le kmulu ne yó kem dumu tau wen glal le. Yake eles le tendo htifes mò du yóm hyu.

Sulat Jim 3:1

Ó kem dumuhu setwoli, béen alì wen bélê ye tô hbaling tau tmolok, abay se deng tngón ye se bong mget kkukum Dwata kul yó kem tau tmolok senta yó kem dumu tau.

Sulat Pol Ebè Yó Kem Tau Hemtahu Bè Rom 13:5

Yó gónóm mon, hol nimón tekuy yó kem tau genlal. Là són yó du gónó tekuy mimón ke mone anì là gnóm tekuy du yóm tafak Dwata, okóm yó dé hol gónó tekuy himón abay se tódô tngón tekuy yó se yóm hyu.

Mark 12:40

Lu se yó kem tau fen gel smukat yó kem libun bolu anì gfun le gónô le, lel le alì htahà kni le bè Dwata. Yó se gónó Dwata alì hemsidek du yóm angat ktafaken kul.”

Kun Snulat Luk 20:47

Lu se yó kem tau fen gel smukat yó kem libun bolu anì gfun le gónô le, lel le alì gel htahà kni le bè Dwata, hlingu le tô mò yóm hyu. Yó se angat gónó Dwata alì tmafak kul.”

Matyu 23:13

Bud mudél Jisas, monen, “Angat tey tafak ye yu kem tau tmolok hlau ne yu kem Farisi, yu kem tau gel hemtedeng knô. Lómón ke deng mom kendadu ye yóm bak dól bè yóm kogot Dwata tau. Là se kô ye dog gusek kuy, ne deng mom henseng ye yó kem tau móyô mung.

Isaya 58:2

Tey tendo gel ktaba le ebéléu ket kdaw. Yó mon le móyô le temngón du kun yóm dou lan ne mimón du yóm dou hlau. Kóyô le kun ke blayu kul yóm hlau tedeng. Ne tey hyu nawa le kun tmaba ebéléu. Okóm olo beyen mon le yóm udél le yó.”

Kehewà 16:8

Omin Musis bud mon du mò kul, “Dwata se bemlay kuy utón bè yóm móyón kkifuhen ni kdeng ne hlafus haya wen mò ken ye balù nô kbongen yóm kuy nóyô abay se deng gungolen yóm alì ktalaw ye ebéléen. Bè yóm gel ktalaw ye bélê me, kaem bè Dwata se yóm gónó ye e tmalaw.”

Sulat Pol Ebè Yó Kem Tau Hemtahu Bè Rom 9:19

Déke wen malà du yóm monu yó koni, kô monen, “Ke yó se kmò Dwata du, moen ke dnuónen kem tau igò le là gembek kembê du yóm kun kóyô?”

Sulat Pol Ebè Yó Kem Tau Hemtahu Bè Rom 13:1

Hol tekuy gel nimón yóm gubérno, abay se Dwata gónón gu lemwót. Kdê yó kem gubérno, bè Dwata gónón lemwót yóm kul glal.

Sulat Pol Ebè Yó Kem Tau Hemtahu Bè Rom 13:3

Yó kem tau mit udin, laen kô gónó tekuy likò bélê le ke hyu yóm gel nmò tekuy. Són gónón wen klikò tekuy bélê le ke wen gónó tekuy mulé udin. Anì là wen gónó ye likò bélê le, hol nmò ye sen yóm hyu anì dóyón le yu.