Sulat Pol Ebè Yó Kem Tau Hemtahu Bè Rom 13:11 - Udél Dwata: Gna Kesfasad ne Lomi Kesfasad

¹¹ Hol dnalang tekuy yóm kesbong nawa, abay se deng duhen ni ne yóm bang kebtik tekuy. Bè kbut yóm kehtahu tekuy, tolo mima he yóm kkól Jisas. Okóm ni, deng tey moni ne.

Sulat Pol Ebè Yó Kem Tau Hemtahu Bè Rom 13:11 Referans Kwoze

1 Pitér 4:7

Móyón sut ne yóm hol són kdaw. Duhen yó, hol ye gel hfulung mafas nawa, bê ye gel hlingay anì laen dù gónón gseng yóm gel kni ye bè Dwata.

Ifisus 5:14

Okóm ke wen hlayag kul, yó se gónó le baling layag se kul. Tahu yóm gel mon le, “Btiki ne, tau tungô. Mowili dé, tau matay. Wen Krays fen hlayag kóm.”

1 Kurin 15:34

Hol nulék nawa ye dé yóm hyu deng dnalang ye, ne hol tenflok ye yóm kmò ye sidek. Tódô tulónu kuy, tolo wen he bélê ye yóm là deng temngón ke Dwata. Là kenyak ye du kô yó?

Deng Hegfan 22:20

Yó udél Jisas, yóm fen gemtanud du ni kem ni, monen, “Bong tahu se. Móyóne bud kól.” Ne monu se mò du, “Yó sen géhéli kut, Jisas, yóm hol gónó mogot.”

Kun Snulat Luk 21:28

Ke sok nbuten sut ni kem tulónu kuy ni hol ye hbegel ne temngel ye ebè Dwata, yakà dengen móyón moni yóm kegewà yu.”

Deng Hegfan 22:12

Ne yó bud udél Jisas, monen, “Ngem móyóne bud kól ne. Wen ofol eles nwitu mò blayu yó kem tau mò balà yóm tehe kul gel nmò, yóm ket kul na sotu.

Kehedem Tau Tmolok 9:10

Nô kihu nmoem, hol hotuhem gelem mò du. Abay se kesoki kól bè benwu yó kem tau matay, laen kô dù bud nmoem, ne laen se kô dù bud natulem, ne laen se kô dù bud ketngónem, ne laen se kô dù bud khulungem hedem.

Juna 1:6

Timbow ton yóm kfitan mit kafal, monen mò du, “Tedum tlek tnungóem ni du? Btiki ne géhéli mni tóbóng bè yóm kóm dwata. Nénég ke wen koduhen tekuy ne ke hlowilen tekuy.”

1 Kurin 10:11

Yóm gbunù le yó mò gónó tekuy dmalang. Yó gónó Dwata hsulat du yóm yó mò gónó tekuy eles hol temgama, abay se móyónen hto ne yóm hol són kdaw.

Matyu 16:3

Ne ke hlafus, sal gel mon ye, ‘Angat kmulón ni kdeng, yakà hulô but longit.’ Ne tahu se. Tey ye hulung milô du yó kem gel ton ye bè longit, mon Jisas. Okóm là hulung ye temnef du yóm dê hton Dwata kuy nim kmoen ni.

Sulat Jim 5:8

Dalang se kuy, hol hanay ye nawa ye. Ne hgel ye nawa ye, yakà dengen moni ne kkólen yóm gónó tekuy mogot.

2 Pitér 3:9

Okóm bè kul kehedem du kem dumu tau, tey ganggà kmoen du yóm tehe fasaden tekuy yóm gónó tekuy mogot, okóm là. Yó gónón là géhél semfulék, abay se monem nahen hanay nawahen bélê ye. Hol kóyóen ke laen dù tau gógów elem hatay, ne ke kdê le gotu kmogol du yó kem sidek gel nmò le.

2 Pitér 3:11

Ke lómón ni se yóm angat keglà Dwata du yóm kdéen, eles ye hol temgama sen ni kmoen ni anì là gomong ye lemen. Ke wen belenen yóm gel kmò ye, eles kó ye. Eles ye hol hgulit lemolò ke Dwata

1 Jan 2:18

Ó kem ngà, deng móyónen gesón ne nim benwu ni. Deng eles gungol ye ne yóm ksut yóm hmohon ke Jisas. Balù nim kmoen ni, deng dê ne yóm sut hmohon du. Yó se mò ilô tekuy du yóm móyón kegesón nim benwu ni.

Deng Hegfan 1:3

Hligal kun yóm tau fen semfala du nim bok ni. Ne hligal le se kul yó kem tau fen hmungol du ne mimón du yóm eles tulónen ni. Là buden legen ne ksuten ni kem kdê tulónen ni.

Deng Hegfan 22:10

Ne bud monen mò do, “Béem abay buni yóm kdê eles tulónen bè nim bok ni, abay se móyónen sut ne yóm kdê tulónen yó.