Sulat Pol Ebè Yó Kem Tau Hemtahu Bè Rom 13:1 - Udél Dwata: Gna Kesfasad ne Lomi Kesfasad

¹ Hol tekuy gel nimón yóm gubérno, abay se Dwata gónón gu lemwót. Kdê yó kem gubérno, bè Dwata gónón lemwót yóm kul glal.

Sulat Pol Ebè Yó Kem Tau Hemtahu Bè Rom 13:1 Referans Kwoze

Taytus 3:1

Bud heftulónem kul nawa, yó kem tau bè yó anì himón le bè yó kem tau gónó le kmulu ne yó kem dumu tau wen glal le. Yake eles le tendo htifes mò du yóm hyu.

Danyél 2:21

Sónen du gembek semtódô yóm kógów kdaw ne bulón. Sal lemwót béléen yóm kesetles le mogot benwu yó kem tau hol geta. Lemwót béléen yóm khulungen hedem yóm tau hulung hedem ne ketngón yóm tau temngón.

Kun Snulat Jan 19:11

Mon Jisas se, “Laen kô dù kwalisem béléu ke là deng blay Dwata du kóm. Yó gónóm mon, bong salaen sentahem yóm tau heted do ebéléem.”

Sulat Jud 1:8

Senged snéen yó kem tau tmolok sekban ni. Yó gel mon le wen gel kna le kun, ne lemwót bè yóm gel kna le yó, tódô henlel le ne mò samuk. Bà udì ke wen kimón le ke Dwata. Ne yó kem hógów Dwata alì mfasang gel nô bè longit, sana tey kehnê le kul.

Kem Lingón 62:11

Tey mtukul kmon Dwata du, ne deng tey dê duléku mungol du, Dwata se funen yóm kfasang.

Ifisus 5:21

Hol tekuy hfulung heglaan bè kem dumu tekuy lemwót bè kadat tekuy ke Krays.

1 Samwél 2:8

Nkayen gu lem kfung yó kem tau élél, nwahen lu gu desenfól yó kem tau laen dù kwa le. Suen lu bè gónó le myón yó kem ngà tau hol geta, bè yóm gónó le myón yó kem tau nadat. Yakà ke Dwata du funen yó kem tud blóngón tonok ne tahen gónón hyón du yóm klamang benwu.

Deng Hegfan 19:16

Wen boluy snulat bè yóm nesen ne bè hahahen snéen, monen, “Yóm Hol Geta bè kdéen tau hol geta ne yóm hol gónó le mogot yó kem kdéen mogot.”

Deng Hegfan 1:5

Ne yóm Jisas Krays, tey gsalig yóm gel tulónen. Du se yóm hol geta bè yó kem deng hlowil Dwata gu lem hatay. Bud du se kmamal yóm kentihen tau hol geta mogot benwu talak tonok. Tey kbong nawahen tekuy, gloken hamà yóm kun litô bélê tekuy mò lanen lemwà tekuy gu lem salà

Danyél 4:32

Wen tódô mlo kóm anì là budi nô lem blóng tau. Tódói nô lem bnes slomong bè yó kem ógóf lem bnes, mungi mótób bnes mkél bè safì. Hitu halayem he gembunù du yóm ni efet nam gtukul Dwata yóm hol geta bè kdéen kmamal du yóm kdê benwu nogot tau ne tles hfogoten benwu yó kem tau deng kun nélék.”

Deng Hegfan 17:14

Angat le gotu mit sfatay bè yóm Ngà Ubiha, okóm laen kô dù gmò le béléen. Ne yó kem tau mung bè yóm Ngà Ubiha, lu se yó kem tau tehe tnabahen, deng tehe néléken, tau là monol nawa le bè yóm klolò le du. Angat le matù, abay se yóm Ngà Ubiha, du se yóm hol gónó le mogot yó kem kdéen mogot, ne du se yóm Hol Geta bè yó kem kdéen tau hol geta.”

Matyu 6:13

Béem bayà mi ebè yóm tilów mgel, bede hol kenlungem mi bè Seitan.’

Kem Udél Hlalak Tehe Selumun 24:21

Ó Man, hol knikoem Dwata ne yóm tau hol geta béléem ne béi segbót bè yó kem tau hguluk bélê le.

Danyél 4:17

Nim tulónu ni hol kukum lemwót bè yó kem hógów mit tulón, kul kehedeng du yó kem alì mólós. Yó muhen nim kukum ni anì tngón kdéen tau bè klamang benwu tek són yóm Dwata hol geta bè kdéen kmamal du yóm kdê benwu nogot tau ne ket benwu wen tau néléken mò hfogoten du anien ke tau lukoten ke kun kóyô.”

Kul Nmò 2:41

Tey dê bélê le hemtahu bè yóm ktolok Pitér yó, ne hbabtays le. Bè yóm kdaw yó, wen dô tlu libu kwen le yóm bud temnù bè yó kem tau hemtahu bè Jisas.

Sulat Pol Ebè Yó Kem Tau Hemtahu Bè Rom 12:21

Ke sidek nmò kem dumu ye bélê ye, bê ye bud bnalà sidek. Bnalà ye hyu anì là gemmoen yóm sidek.

Sulat Pol Ebè Yó Kem Tau Hemtahu Bè Rom 13:2

Duhen yó, kdê yó kem tau là nimón le yóm udin lem benwu, yó se yó kem tau là móyô le mimón ke Dwata snéen. Ne lu se tendo ktes tafak.

1 Timuti 2:2

Homong hni ye béléen se yó kem tau hol geta bélê ye, ne yó kem dumu tau genlal. Yó gónó ye mutóm kul anì menek kbenwu tekuy, ne són nô bè nawa te yóm kadat te ke Dwata, ne yóm hyu kmò te bè yó kem dumu te tau.