Sulat Pol Ebè Yó Kem Tau Hemtahu Bè Rom 12:7 - Udél Dwata: Gna Kesfasad ne Lomi Kesfasad

⁷ Ke benlay Dwata uu khulung tmóbóng kem dumuhem tau, hol nmoem sen. Ke benlayen uu khulung tmolok, hol henktengem sen tmolok.

Sulat Pol Ebè Yó Kem Tau Hemtahu Bè Rom 12:7 Referans Kwoze

Ifisus 4:11

Bud du se koni gónón e gbak yóm tulón le yóm “kwen kenhulung blayen bè yó kem tauhen.” Wen se kem tau néléken mò aposol. Ne tólóng se tau néléken mò tugoden. Tólóng se gel hógówen mò tmolok bè yó kem tau là dengen hemtahu he. Bud tólóng se tau néléken mò malak yó kem tau hemtahu ne mò fen gel tmolok kul.

2 Timuti 4:2

Hol béem tenflok tmulón du yóm Udél Dwata. Tnanahem hból du nim kmoen ni, kihu ke hnungol le duhen ke là. Hol heglilebem kul yóm là tedengen. Bnólówem ke wen gónó le tlas, ne hol gendufem lu bè kehtahu le. Hol hanayem nawahem tmolok kul.

1 Timuti 5:17

Yóm tau tilob kesgalaken kem dumun tau bè simbahan, hol knóón béléen ke hol henyu ye keblay ye du ofolen. Hol nê yóm tau ke alì gotu nawahen tmolok du yóm Udél Dwata, ne ke hol henkimeden yóm gel ktoloken.

Kul Nmò 13:1

Bè yó kem tau hemtahu bè syudad Antyok, wen se bélê le tódô gel tmugod ke Dwata, ne wen se bélê le hulung tmolok. Ni se boluy le: Barnabas, Simyun (yóm niba le Hitem), Lusyus (lemwót bè syudad Sayrin), ne Menain (yóm tehe dumuhen senok Gubérnor Hirod), ne Sol.

2 Timuti 2:24

Yóm tau mò nmò bè yóm gónó tekuy mogot, béen abay mit sgés bè kem dumuhen. Du dé yóm hol ganag nawahen lem blóng kdéen tau, yóm fen hulung tmolok kul, ne hulung hanay nawa lem blóng le.

2 Timuti 2:2

Deng hónô gungolem ne yóm tehe gel toloku bè gónón wen, ne bud yó se hol sigangem ta yó kem tau genléd nawam anì duhe kóm, lu he fen hból du ebè kem dumu tau.

1 Timuti 4:16

Hol tenngelem kmoem, ne hol tenngelem se ktolokem. Hol henlelem mò du ni kem ni, abay se ke nmoem, angati gewà gu lem hatay se kóm, dalang se yó kem gel hmungol kóm.

1 Timuti 3:2

Yóm tau malak bè simbahan, hyu ke laen dù gónó le gemsanil du kem dumuhen, là demweyen, hulung hedem, hulung mafas nawan, hulung mit ktauhen, hulung hmódó, hulung tmolok,

1 Timuti 2:7

Ni se gónó Dwata hógów dou mò tmolok yó kem dumu tau là Ju le anì hentahu le yóm ktahuhen. Hol tahu nim monu ni, là kô kéngu du.

Kulasi 4:17

Ne tulón ye do ke Arkipus, mon ye mò du, “Hol hendengem yóm deng sigangen tahem yóm gónó tekuy mogot.”

Glasya 6:6

Sotuhen, ke wen tau tmolok udél Dwata bélê ye, bong knóón ke gel benlay ye ke gel wen ton ye.

1 Kurin 12:28

Bè yóm kdê tekuy deng hemtahu, wen yóm hmò Dwata tekuy, yóm ket tekuy na sotu. Yóm hol tanayen, néléken yó kem tau mò gel hógówen. Gewuhen, wen se kem tau néléken mò gel tugoden. Getluhen, wen se tau néléken mò gel tmolok yóm kun udél. Ne wen se benlayen kegbek mò du yóm hentaw ton. Ne wen se benlayen ktued hkó des, ne tólóng se benlayen khulung tmóbóng kem dumun. Ne wen se benlayen khulung malak kem dumun. Ne tólóng se benlayen khulung tódô mudél ebéléen bè tólóng udél là deng kun tngón du.

Kul Nmò 20:28

Hol ten-gama ye mò kmò ye, ne hol tenngel ye se yó kem dumu ye hemtahu deng hesegyoken kuy yóm Tulus Dwata. Hol sen-gyok ye yó kem tau deng hemtahu bè Dwata, yakà deng benli Dwata kul bè litô yóm Ngaen deng dsuen bélê tekuy.

Kul Nmò 20:20

Deng hónô tngón ye bè yóm gel ktoloku bélê ye, là kóe lenngayà tmulón du kuy yóm ktahuhen, senged se ke tmoloke bè gónón wen, duhen ke bè gónô ye.

Kul Nmò 6:1

Bè yóm kdaw yó, sónmoen temnù yó kem tau hemtahu bè Jisas. Okóm wen kenbê yó kem tau mudél udél Grik bè yó kem tau mudél udél Hibru, abay se là kóen mdengen yóm gel blay le ket kdaw bè yó kem libun bolu bélê le.

Kun Snulat Jan 3:2

Sotu kifu, mógów ebè Jisas nim Nikudimus ni, monen mò du, “Ó Sér, tódô tngón me uu se sotu tau tmolok hógów Dwata. Laen kô tau gembek mò du yó kem hentaw ton gel nmoem ke là nóen béléen Dwata.”

Matyu 28:19

Yó gónóm mon, mógów ye do ebè kdéen but tau bè klamangen benwu anì baling le tau lemolò do. Bnabtays ye lu hlan ye bè boluy Dwata, yóm Mà tekuy, ne bè boluy yóm Ngaen ne bè boluy yóm Tulusen.

Kehedem Tau Tmolok 12:9

Lemwót bè yóm khulungen hedem yóm tau tmolok du nim ni, gotu toloken bè yó kem tau kdê yó kem deng tngónen. Gotu hennagien yóm lan yóm kdéen udél hlalak, ne gotu sentifesen lu.

Kem Lingón 51:13

Ke yó se nmoem béléu, angat toloku yó kem kóm hlau bè yó kem tau gemsalà. Nénégem kà angat le semfulék ebéléem.

Kem Lingón 34:11

Ó kem weu lomi lemnok, hol hnungol ye ou. Wen toloku kuy anì wen klikò ye ke Dwata.

1 Samwél 12:23

Ke béléu do, ke là henlelu du mni bélê ye bè Dwata, salau bè Dwata se yó ne là kóe móyô mò du yóm yó. Ne henlelu tmolok du kuy yóm lan hyu ne yóm lan tedeng mò lolò ye.

Dwata 33:10

Angat lu fen tmolok yó kem kóm tau anì nimón le yó kem hlauhem kul. Bud lu snéen demsù bè yóm gónó gel demsù ebéléem.

1 Kurin 12:5

Tey dê kayen yóm nmò hmoen tekuy, okóm tek sotu se gónó tekuy e mò du, són ebè yóm gónó tekuy mogot.

1 Kurin 14:26

Duhen ni, kem dumuhu setwoli, bè yóm gel ksimba ye, hyu ke wen se bélê ye fen semngal, ne wen se fen tmolok bélê ye, ne wen se tmulón du yóm deng hetngón Dwata du, ne wen se fen mudél ebè Dwata bè yóm tólóng udél, ne wen se bélê ye fen tmugod du yóm udélen yó koni. Bè ket yóm nmò ye bè yóm kestifun ye yó, yake són nmò ye yóm mò gónó ye tmóbóng kem dumu ye bè kehtahu le.