Sulat Pol Ebè Yó Kem Tau Hemtahu Bè Rom 12:5 - Udél Dwata: Gna Kesfasad ne Lomi Kesfasad

⁵ Senged snéen bélê tekuy. Deng tekuy ssotu bè kun lówó Krays, ne tódô ket sotu bélê tekuy sal tólóng kun nmò. Ne lemwót bè yóm deng kessotu tekuy bè kun lówó Krays gónóhen wen hentngón tekuy bè yó kem dumu tekuy. Ne ket sotu bélê tekuy wen mu tekuy du kem dumu tekuy.

Sulat Pol Ebè Yó Kem Tau Hemtahu Bè Rom 12:5 Referans Kwoze

1 Kurin 12:20

Bè ktahuhen tek sotu yóm lówó tau, okóm tey dê yóm sù Dwata du.

1 Kurin 10:17

Abay se tek sotu yóm mambang senkbéng tekuy yóm kdê tekuy. Bè yóm kken tekuy du yó, yó hnigaden yóm deng kessotu tekuy, balù yóm tey kwen tekuy, abay se tódô kdê tekuy gbót mken du yóm tek sotu mambang yó.

Ifisus 4:25

Duhen yó, hol bê tekuy abay bud mò kéng sen. Tódô gel tulón tekuy yóm ktahuhen bè kem dumu tekuy hemtahu, abay se deng kuy ssotu bè kun lówó Krays.

Kulasi 2:19

Là kô le mogot bè Krays, igoen du yóm hol kulu yóm kdê tekuy deng mò henged lówóhen. Lemwót bè yóm kalaken tekuy, gónóhen tilob kesgayun te, ne baling tekuy gulit, lan te lemolò yóm kun kóyô Dwata.

Ifisus 5:30

yakà deng tekuy baling hol kun lówó.

Kulasi 1:24

Ni kmoen ni, hligale du nim gónóhu glayam ni mò lanu tmóbóng kuy. Nim keglayamu ni, deng tehe olu Dwata do, ne tódô henlelu ne gemnóm du efet kdengen mò lanu tmóbóng yó kem tau hemtahu béléen, yó se kem tau mò henged lówóhen.

Ifisus 1:23

Ne yó kem tau hemtahu, hono kem kun lówó Krays, ne Krays se hket du yóm kdéen.

1 Kurin 10:33

Hol dnalang ye dé yóm dou nmò. Yó gel sen-galuhu ke gel hegnahu yó kem dumuhu tau, là kô hegnahu du yóm dou kóyô. Yó gónóhu mò du yóm yó anì wen lanu tmóbóng kul anì gewà le gu lem hatay se kul.

Sulat Pol Ebè Yó Kem Tau Hemtahu Bè Rom 12:4

Lómón yóm lówó tau, tey dê nô du. Ket yóm nô du, sal stólóng muhen.

Ifisus 5:23

Kaem yóm logi, du se kulu yóm tuha libunen. Lómón ke Krays, du se fen kulu yó kem hemtahu béléen, yó kem tau mò lówóhen, ne du se fen lemwà kul gu lem hatay.

Kun Snulat Jan 17:11

Ne ni, bude mulék ebéléem. Móyón tnagaku ne dou nim benwu ni, okóm yó kem tau deng blayem do yó, tolo le tebel bè ni lem benwu. Uu se, Mà, yóm laen dù belenen. Mnihe béléem anì hol kenlungem lu hlanem bè yóm kóm boluy alì mfasang, yóm boluy tehe blayem do. Tnóbóngem lu anì baling ssotu nawa le lómón yóm kut kessotu nawa.

1 Kurin 6:15

Deng hónô tngón ye se, yóm kuy lówó deng ssotu bè kun lówó Krays. Yó kô nmò ye, tnù ye bè kun lówó Krays yóm kun lówó yóm libun hdóyón? Hol bê tekuy abay nmò yóm yó.

Ifisus 4:12

Yó gónó Krays mò du nim ni anì kdê tekuy kem tau Dwata, gbek tekuy mò du yóm hmoen kut, ne anì sónmoen temnù yóm kehtahu tekuy yóm kdê tekuy deng baling kun lówó Krays.