Sulat Pol Ebè Yó Kem Tau Hemtahu Bè Rom 12:3 - Udél Dwata: Gna Kesfasad ne Lomi Kesfasad

³ Yóm deng kélék Dwata do gónón wen kwalisu mon du mò kuy yóm kdê ye, bê ye abay nmò uléhen yóm kwit ye du yóm kenhulung ye abay se Dwata yóm bemlay du kuy.

Sulat Pol Ebè Yó Kem Tau Hemtahu Bè Rom 12:3 Referans Kwoze

Glasya 6:3

Ke yó hendem yóm sotu tau hono hyu yóm gel nmoen, olohen mom tmundug knóen yóm tau yó.

Kem Udél Hlalak Tehe Selumun 26:12

Mom hyu he yóm tau book senta yóm tau bè kun kehedem du deng tey hulung hedem ne kun.

1 Pitér 5:5

Ne yu kem tau lomi lemnok, hol nimón ye yó kem tau tuha senta ye. Ni hlauhu kuy yóm kdê ye, hol dnalang ye yóm keheglaan bè kem dumu ye. Abay se wen monen bè Sulat Dwata, yóm monen, “Tey kekbê Dwata kul yó kem tau hegmón, bede tnóbóngen yó kem tau hulung heglaan.”

Sulat Pol Ebè Yó Kem Tau Hemtahu Bè Rom 12:16

Béen mtukul henlom nawa ye. Bê tekuy abay hton salù. Bê ye abay kenyak mò du yóm nmò kem tau glaan. Bê ye abay salig yóm kuy ketngón.

1 Pitér 5:8

Bê kuy abay gel hlingay, hol ye eles htigel. Abay se wen Seitan yóm hohon ye, sónmoen mebel yóm tau mò hensideken, lómón yóm liyun, sónmoen mebel kenfóen mò nséken.

1 Pitér 4:7

Móyón sut ne yóm hol són kdaw. Duhen yó, hol ye gel hfulung mafas nawa, bê ye gel hlingay anì laen dù gónón gseng yóm gel kni ye bè Dwata.

Sulat Jim 4:6

Okóm tey bong któbóng Dwata tekuy senta yóm óyô mò sidek. Wen bud monen bè Sulat Dwata, yóm monen, “Tey kekbê Dwata du yóm tau hegeta knô. Bede tey któbóngen du yóm tau hulung heglaan béléen.”

1 Pitér 4:11

Ke uu yóm sotu tau wen khulungen tmolok, tódô tolokem sen yóm Udél Dwata. Ke uu sotu tau wen khulungen tmóbóng, hol hlanem bè yóm kgis deng blay Dwata kóm yóm któbóngem kem dumuhem. Ke hyu kwit ye du yóm kenhulung blayen kuy, tey megdóyón Dwata mlan bè yóm któbóngen kuy Jisas Krays. Dwata se yóm hol knóón megdóyón, ne sónen du se yóm hol mfasang. Hol bê ye abay nmò sónen yóm kdóyón kuy du.

Mika 6:8

Là kem tau, là kóen na a hligal du. Deng tulón Dwata tekuy yóm hyu béléen. Yó hol nóyóen bélê tekuy ke nmò tekuy yóm tedeng ne ke hol tekuy hulung kmodu ne ke hol tekuy heglaan béléen. Là gomongen bè nili yóm bérs 9 kól bè bérs 16. Yó tulónen bè ni kem bérs ni yóm gotu bud klista Dwata salà yó kem kun tau. Tey wen kendengen le mlan bè gel ksukat le dumu le tau. Gel le tmimbang lemugì ne là tódóen ke wen bentes le, gel gnaga nwa le kimu kem dumu le ne tey dê he dumu nmò le là hyuhen. Lemwót bè yóm nmò le yó, yó gónó Dwata eles tmulón du kul yóm angat ksulék keglaen kul dalang se yóm benwu le.

1 Kurin 7:17

Yóm ket sotu bélê tekuy, tódô henek bè yóm tehe sana kun kmò klowil snolu bè yóm tehe ktaba Dwata tekuy mò ngaen, yóm klowil tehe sigangen ta tekuy yóm gónó tekuy mogot. Nim monu ni, gel hlolou yó kem tau hemtahu bè ket benwu gónóhu gel tmolok snéen.

Taytus 2:12

Lemwót bè yóm tey nawahen yó, bê kuy bud nmò yóm kun kenbê bélê tekuy. Bê te abay geskét du yó kem gel kenbeyen nawa lem nim benwu ni. Hfulung te mit yóm kut ktau, hebtol te knawa te, ne nmò te yóm gónó te gulit ebè Dwata.

Taytus 2:2

Yó hol hloloem kul yó kem logi deng malay knawa le, bê le abay hlengel, yake hfulung le mit ktau le, ne hfulung le mafas nawa le. Yake hgemel le kehtahu le, ne hfulung le kembong nawa kem dumu le, ne hfulung le hbala ke wen gónó le glayam.

2 Kurin 12:7

Okóm kogol tu kem tey dê tonu tu koni, wen tey tenduk hegnóm Dwata do anì là nitu du hegmón yóm dê deng htonen do. Ya tey sidek kegnómu du yóm tenduku yó, lómón ke wen dók Seitan tendo tembek do. Yó muhen anì là balinge tau hegmón du.

Sulat Pol Ebè Yó Kem Tau Hemtahu Bè Rom 11:20

Tahu se yóm mon ye yó. Yó gónó Dwata mtok kul abay se lemwót bè là kehtahu le. Ne yó gónó ye tles tmowok bè yó se kuy, lan ye hemtahu. Okóm bê ye nit hegmón, eles ye temgama se kuy.

Sulat Pol Ebè Yó Kem Tau Hemtahu Bè Rom 1:5

Mlan bè yóm Ngaen yó, wen tey hyu hmò Dwata dou, duhen yóm gel khógówen dou elem blóng yó kem tau là Ju le anì hol megdóyón Krays. Nitu yóm Tulón Hyu lem blóng le anì gbót nimón le Jisas se kul lemwót bè yóm kehtahu le béléen.

1 Pitér 1:13

Duhen yó, hol sù ye bè nawa ye sen yóm kimón ye ke Dwata. Bê ye hningay. Hol ken-gel ye nawa yóm hyu angat blay Dwata kuy bè yóm kdaw kesfulék Jisas Krays edini.

Taytus 2:4

Yó dnalang le bélê le yóm kbong nawa le kem tuha logi le dalang se yó kem ngà le.

1 Kurin 15:10

Okóm yó gónóhu baling tau hógówen, tódô lemwót bè yóm tey nawa Dwata dou. Ne yóm nawahen dou yó, tey wen uléken. Bè ktahuhen, bè kdê yó kem dumu tau gel hógówen, là kô gesenged le du se yóm dou kteneb mò nmò bè Jisas. Okóm là kóen na a lemwót bè dou kgis yóm kmou du, tódô lemwót bè yóm któbóng Dwata dou.

Kun Snulat Jan 3:34

Yóm tau hógów Dwata yó, udél Dwata tulónen, abay se tódô sù Dwata béléen yóm kun Tulus.

Ifisus 4:16

Lemwót bè yóm kalaken tekuy yóm kdê tekuy mò lówóhen, yó se gónón hol ssotu nawa tekuy mò du yóm kun nmò. Ne hlós baling setgel yóm lówóhen lemwót bè yóm kestóbóng tekuy. Ke tilob kmò tekuy du yóm hmoen tekuy yóm ket tekuy na sotu, tendo lemnok yóm lówóhen yó, ne baling mbegel lemwót bè yóm kesbong tekuy nawa.

Kun Snulat Luk 18:11

Tódô mdà yóm Farisi yó tek sotuhen, ne mni bè Dwata, monen, ‘Tey hyu nawahu dou, Dwata, abay se là mkéle bè yó kem dumu tau, lómón yó kem tau sbì, ne yó kem tau mò kéng, ne yó kem tau mdà yehen. Ne tey hyu nawahu abay se là mkéle bè yóm tau fen gel mtuk bwis yóó.

Taytus 2:6

Dalang se bè yó kem sawang logi, hol le hfulung mafas nawa le.

1 Timuti 2:15

Okóm yó kem libun, tey gel któbóng Dwata kul bè yóm gel ksut blutut le. Ne gewà le lem yóm tafak Dwata ke tódô henlós le yóm kehtahu le, ne ke hol kenbong nawa le kem dumu le, ne ke laen dù belenen yóm gel kmò le, mung du yóm là kehton le dóyón.

1 Timuti 2:9

Ne yó kem libun, kóyóu ke lesek le yóm nes là móngóhen, yóm hol knóón bélê le. Yake béen són bè kbong wek le ne kem ngom le ne bè kem nes mebtes le gónóhen nô nawa le.

1 Timuti 1:14

Okóm tey któbóngen dou yóm gónó tekuy mogot, tódô henbalingen ou tau hemtahu, ne blayen do yóm kbong nawahu kem dumuhu. Yó se nefeten yóm deng kessotu tekuy bè Krays Jisas.

Ifisus 3:4

Ke senfala ye, tngón ye snéen kuy yóm deng glilebu gbak ebè Krays, yóm tehe buni Dwata ekni.

2 Kurin 12:13

Bè yóm któbóngu kuy, laen kô dù gónón stólóng se bè yóm gel któbóngu yó kem dumu tau hemtahu bè kem dumu benwu. Tek sotu gónón stólóng, són bè yóm là dog kehlowilu bélê ye. Ke yó yóm salau bélê ye, hol hnifót ye ou kóó.

1 Kurin 3:10

Lemwót bè yóm kenhulung blay Dwata dou, gónóhen mbegel kehdau du yó kem heheken. Bede tólóng tau fen hemdeng du. Ket tau semtóbóng hemdà du yóm gónô yó, yake hol ten-gamahen yóm kmò kehdaen du.

Sulat Pol Ebè Yó Kem Tau Hemtahu Bè Rom 11:25

Bud wen tulónu kuy, kem dumuhu setwoli, bè yóm nmò Dwata tehe là glileb kem tau du anì là hegmón ye du yóm deng nmò Dwata bélê ye. Yóm kgel kulu yó kem tau Israél, là kóen hlós. Okóm ke deng le gotu hemtahu bè Dwata yó kem tau là Ju le, yó he angat kkóhen yóm kgel kulu le yó.

Kem Udél Hlalak Tehe Selumun 25:27

Là kóen hyu ke gedlug kkenem tneb, senged se là kehyu yóm kesgaluhem kegsalù kem tau kóm.

3 Jan 1:9

Deng wen sulat ukol hwitu edyó ebè yó kem tau hemtahu bè yó, okóm là kenmón Jutrifis du yóm sulatu yó. Yó hol kóyóen ke són du mò tô gónó le galak yó kem tau bè yó.

Kulasi 2:13

Tehe yu ekni, deng ye golu elem hatay lemwót bè yóm kegsalà ye, ne bud lemwót bè yóm là deng kkó ye du yóm óyô ye mò sidek. Okóm ni, deng hlowil Dwata yu, gomong ye bè yóm tehe kehlowilen ke Krays gu lem hatay. Ne gotu hnifóten yó kem kdê salà tekuy.

Kulasi 1:29

Hol hotuhu gelu mò du nim nmou ni hlanu bè yóm tey kegbek Krays béléu.

Ifisus 3:2

Déke deng gungol ye ne yóm deng ksigang Dwata du tahu nim nmò ni mò gónóhen tmóbóng kuy.

2 Kurin 10:13

Okóm bélê me kum du, là kô na me e nmò du uléhen yóm gel tulón me kuy, són gel tulón me yóm deng hmò Dwata kum, gomong lemen yóm deng nmò me lem blóng ye.

Flipay 2:13

abay se ke Dwata kun, wen tendo nmoen bélê ye anì wen óyô ye mò du yóm kun kóyô, ne anì wen kegbek ye mò du snéen.