Sulat Pol Ebè Yó Kem Tau Hemtahu Bè Rom 12:20 - Udél Dwata: Gna Kesfasad ne Lomi Kesfasad

²⁰ Ni dii yóm kuy nmò, lómón yóm deng hsulat Dwata, yóm monen, “Ke bitil hohonem, henkenem. Ke meeng, hinumem. Ke ni se nmoem, angat tey sidek kyaken.”

Sulat Pol Ebè Yó Kem Tau Hemtahu Bè Rom 12:20 Referans Kwoze

Matyu 5:44

Okóm ni dou tulón kuy, kenbong nawa te yó kem hmohon tekuy ne hni te lu bè Dwata yó kem hemsidek tekuy,

Kun Snulat Luk 6:27

“Okóm ni monu mò kuy, yu kem tau hmungol dou,” mon Jisas. “Kenbong ye nawa yó kem hohon ye, hol henyu ye kmò ye ebè yó kem tau gel kmutó nawa kuy.

2 Bok Kem Tau Hol Geta 6:22

Bnalà Ilaysa se, monen, “Bê, béem hnatay lu. Ilóem tô hnatayem yóm tau deng gekfô bè gida? Là gi. Benlay ye lu ken dé, ne hinum ye lu, omin ye hulék kul ebè tum tau hol geta bélê le.”

1 Samwél 26:21

Ne yó mon Sol, “Denge gemsalà se ni. Ó ngau Dabid, semfuléki edini. Là bud nifis hnatayu kóm ne, yakà teyen mebtes béléem yóm dou klowil bè nim kdaw ni. Tey ungel yóm nmou béléem. Tey sidek nim nmou ni.”

Kem Lingón 140:10

Hol hebtangem eta kulu le yo kem bala ofi kemyóngón, duhen ke tódô tudaem lu elem ofi, duhen ke elem sol leyong ani là bud le gewà.

Kem Lingón 120:4

Yó angat tafaken kuy, duhen yóm hanak sendalù alì telem, ne yóm bala ofi kemyóngón.

Tekang Kbuten 42:25

Gu laan le là deng lemwót mulék yó kem twogu Jusif, wen tau dóken. Yó hmoen du, gotu hennok nlemen halay yó kem sakù yó kem twoguhen ne bud huléken elem sakù le yó kem filak tô bli le ne wen hebnotuhen kul mò ken le bè lan. Tahu se, tódô nmò yóm tau dók Jusif yóm hmoen du yó.

Sulat Pol Ebè Yó Kem Tau Hemtahu Bè Rom 12:21

Ke sidek nmò kem dumu ye bélê ye, bê ye bud bnalà sidek. Bnalà ye hyu anì là gemmoen yóm sidek.