Sulat Pol Ebè Yó Kem Tau Hemtahu Bè Rom 12:18 - Udél Dwata: Gna Kesfasad ne Lomi Kesfasad

¹⁸ Hol tilów ye són gel ye anì laen dù gónó ye mit sfatay bè kem dumu ye tau.

Sulat Pol Ebè Yó Kem Tau Hemtahu Bè Rom 12:18 Referans Kwoze

Hibru 12:14

Hol tilów ye són gel ye mit kenek nawa bè kem dumu ye. Hotu ye nawa ye mò du yóm hyu anì laen dù belenen yóm gel nmò ye. Ke tlek wen belenen yóm gel kmò tekuy, sélét mom tô angat ton tekuy ne yóm gónó tekuy mogot.

Sulat Pol Ebè Yó Kem Tau Hemtahu Bè Rom 14:19

Duhen yó, hol sen-galu tekuy mò yóm gónón menek nawa tekuy bè kem dumu tekuy, ne yóm mò gónó tekuy setgel bè kehtahu tekuy.

Matyu 5:9

Tey kehyuhen bélê le kul yó kem tau ke hulung le semfyu kem dumu le, abay se angat bnoluy Dwata lu kem kun ngà.

2 Kurin 13:11

Duhen yó, kem dumuhu setwoli, hol ye gel hgulit. Hol hnungol ye ni kem hlauhu kuy ni. Hol sensotu ye kut nawa ye. Bê ye bud hesgólól kehedem ye. Ke ni se nmò ye, beyen bélê ye Dwata. Du se gónón lemwót yóm kesbong nawa ne yóm kenek nawa.

Glasya 5:22

Okóm ke tendo tekuy halak bè Tulus Dwata, wen bunguhen. Yó bunguhen, duhen yóm kesbong nawa, ne yóm kligal, ne yóm kenek nawa, ne yóm kanay nawa, ne yóm kganag nawa, ne yóm kehyu kmò, ne yóm kteneb nawa,

Mark 9:50

Tey hyu yóm kahì. Okóm ke deng mkó yóm nómen, laen kô bud lanem hulék du edu. Senged se bélê ye,” mon Jisas, “hol ten-gama ye anì là mkóhen yóm nóm yóm kuy kahì, duhen yóm kessadat ye ne yóm kessotu nawa ye.”

Kem Udél Hlalak Tehe Selumun 12:20

Són ksukat nô lem hendem le yó kem tau gel matul mò sidek, okóm yó kem tau matul yóm hyu bè kem dumu le wen kligal le se kul.

1 Pitér 3:11

Yake hol knogolen yóm sidek, ne tles nmoen yóm hyu. Ne hotuhen gelen mò du bè kem dumuhen tau yóm gónón menek nawa le.

2 Timuti 2:22

Holi hlayuk bè yóm dô tngónem gónóm gemsalà, yakà hanai lomi lemnok. Hol sen-galuhem yóm nawa btol, ne yóm ketnù yóm kehtahuhem bè Dwata, ne yóm kbong nawam kem dumuhem. Hol nmoem yóm gónón menek nawahem bè kem dumum tau, yakà ni du kul kmò yó kem tau gel htóbóng bè yóm gónó tekuy mogot, yó kem tau laen dù belenen yóm kehedem le.

Sulat Pol Ebè Yó Kem Tau Hemtahu Bè Rom 14:17

Bè yóm kogot Dwata tau, là mlanen bè yóm gel ken ne ninum tekuy. Okóm mlan bè ktedeng nawa, ne kenek nawa, ne yóm kligal blayen tekuy yóm Tulus Dwata.

Kem Lingón 34:14

Knogol ye yóm sidek, ne nmò ye yóm hyu. Hol tilów ye són gel ye mit kenek nawa bè kem dumu ye.

1 Tisalunika 5:13

Hol nadat ye lu dé, ne hol hotu ye nawa ye kul lemwót bè yóm kmò le nmò lem blóng ye. Hol nmò ye yóm gónón menek nawa ye yóm kdê ye.

Ifisus 4:3

Hotu ye gel ye anì laen dù sembeweg du yóm kessotu nawa deng blayen kuy yóm Tulus Dwata. Hol tendo nmò ye sen yóm gónón wen kenek nawa ye.

Matyu 5:5

Tey kehyuhen bélê le kul yó kem tau ke là hegeta le knô le bè kem dumu le, abay se angat guta le yóm deng fasad Dwata kul.

1 Kurin 7:15

Okóm yóm tau là hemtahuhen monu yó koni, ke tódô lemwót bè kun kóyô skó bè yóm yehenen deng hemtahu, tódô bayà du ne. Là buden gfét du ne yóm yehenen là hemtahuhen yó. Abay se hol kóyô Dwata bè yó kem tau syehen ke wen kessotu nawa le.

2 Samwél 20:19

Ou se sotu mit kenek kbenwu bè Israél, ne tenebe bè ni. Mom tô genbaem yóm hol yê yó kem syudad bè Israél. Moen ke genbaem yóm nfun Dwata?”

Kem Udél Hlalak Tehe Selumun 3:30

Béem nit segled yóm dumum ke laen dù duónem du.

Matyu 5:24

nam na hlun tebel bè yó yóm dsuem, kendeli lemwót, mnihi seflifót bè yóm dumuhem seglius yó. Sok deng, ominem yó mulék nam e henfu demsù ebè Dwata.

Sulat Pol Ebè Yó Kem Tau Hemtahu Bè Rom 1:15

Yó gónóm mon, tey tô ódódu tmolok yóm Tulón Hyu bélê ye snéen yu kem tau menwu bè Rom.

Tekang Kbuten 21:24

Mon Abraham se, “El. Smafae béléem.”