Sulat Pol Ebè Yó Kem Tau Hemtahu Bè Rom 12:16 - Udél Dwata: Gna Kesfasad ne Lomi Kesfasad

¹⁶ Béen mtukul henlom nawa ye. Bê tekuy abay hton salù. Bê ye abay kenyak mò du yóm nmò kem tau glaan. Bê ye abay salig yóm kuy ketngón.

Sulat Pol Ebè Yó Kem Tau Hemtahu Bè Rom 12:16 Referans Kwoze

1 Pitér 3:8

Duhen ni, hol sensotu ye nawa ye ne hol ye skodu, ne hol ye sbong nawa ne hen-ganag ye nawa ye. Hol heglaan ye knô ye bè kem dumu ye.

Kem Udél Hlalak Tehe Selumun 3:7

Béem tô hendem deng tey bong ne dou khulung hedem. Yake hol knikoem Dwata ne béi bud mò sidek.

Hibru 13:5

Béen són bè filak gónón nô nawa tekuy. Yake tódô gsengel nawa tekuy bè kihu nô bélê tekuy. Yakà deng wen tehe mon Dwata, monen, “Là kô naw e tnagak kóm. Là kô naw e tódô bayà kóm.”

Sulat Pol Ebè Yó Kem Tau Hemtahu Bè Rom 15:5

Yó hem Dwata hol gónón lemwót yóm là kili nawa tekuy ne yóm gel kegduf nawa tekuy lemolò du. Hol benlayen yu he kessotu nawa bè kem dumu ye hemtahu, hol lómón yóm deng dnalang ye bè Krays Jisas,

Sulat Pol Ebè Yó Kem Tau Hemtahu Bè Rom 12:3

Yóm deng kélék Dwata do gónón wen kwalisu mon du mò kuy yóm kdê ye, bê ye abay nmò uléhen yóm kwit ye du yóm kenhulung ye abay se Dwata yóm bemlay du kuy.

1 Kurin 3:18

Bê ye tnondo knô ye. Laen kô gónón e kól yóm tau snaligen yóm kun ketngón. Ke wen sotu bélê ye hendemen tey bong tngónen bè yóm ketngón tau te tonok, hol béen abay tódô dò yóm ketngónen yó. Mom hyu he yóm tau ke laen dù tngónen anì là gsengen ebéléen yóm tahu ketngón lemwót bè Dwata.

2 Kurin 13:11

Duhen yó, kem dumuhu setwoli, hol ye gel hgulit. Hol hnungol ye ni kem hlauhu kuy ni. Hol sensotu ye kut nawa ye. Bê ye bud hesgólól kehedem ye. Ke ni se nmò ye, beyen bélê ye Dwata. Du se gónón lemwót yóm kesbong nawa ne yóm kenek nawa.

Sulat Pol Ebè Yó Kem Tau Hemtahu Bè Rom 11:25

Bud wen tulónu kuy, kem dumuhu setwoli, bè yóm nmò Dwata tehe là glileb kem tau du anì là hegmón ye du yóm deng nmò Dwata bélê ye. Yóm kgel kulu yó kem tau Israél, là kóen hlós. Okóm ke deng le gotu hemtahu bè Dwata yó kem tau là Ju le, yó he angat kkóhen yóm kgel kulu le yó.

Kun Snulat Luk 14:13

Ke moi ken bong,” monen, “yó dé tinokem tu kem tau élél, yó kem tau hikot, yó kem tau tugô, ne yó kem tau butô.

Kem Udél Hlalak Tehe Selumun 26:12

Mom hyu he yóm tau book senta yóm tau bè kun kehedem du deng tey hulung hedem ne kun.

1 Kurin 8:2

Yóm tau ke hendemen deng wen ne tngónen, deng duhen yó se yóm tau là dengen ket du he ketngónen.

1 Kurin 6:5

Ilóem là myak ye kô? Laen dù dumu ye hemtahu hulung kmukum lem blóng ye kô ke wen dumu ye seglius?

Jirimaya 45:5

Yó kô hnebelem ke wen kegetahem? Béem nmò yóm yó. Okóm béem abay heblat nawam. Angat wen tey heglumfaku kul yóm kdéen tau bè nim benwu ni. Okóm kóm du, tendo kenlungu uu balù nô gónóm e solu, là kô wen tau hmatay kóm. Ou se Dwata nim mudél ni.” Là gomongen bè nili yóm tsaptér 46 kól bè tsaptér 51. Yó tulónen lemen yóm eles htugod Dwata ke Jirimaya gbak ebè yó kem hohon le. Eles tulón Jirimaya yó kem tau Israél yóm angat ktafak Dwata yó kem hohon le, duhen yó kem tau Idyip ne kem tau Flistin ne kem tau Muab ne kem tau Amunayt ne kem tau Idom ne kem tau bè Damaskus ne kem tau Kidar ne kem tau bè Ilam ne kem tau bè Babilun. Angat lus Dwata yó kem tau bè Babilun mò gemlà kul yó kem tau bnoluyen ni. Okóm kogolen bè yó Dwata fen gemlà kul yó kem tau Babilun. Kdê yó kem tau hohon Israél bnoluyen yó koni, wen se bélê le yóm là bud hen-gulék Dwata du, duhen yó kem tau Idom ne tau Flistin ne tau Damaskus ne tau Kidar ne tau Babilun. Lemwót bè yóm alì kehegmón le gónó Dwata là bud hemgulék kul.

Flipay 4:2

Ni wen udélu ebè yó kem lewu libun Iyudiya ne Sintika. Yó hol kóyóu bélê ye ke géhél ye sotun lemwót bè yóm kesetwoli ye bè yóm gónó tekuy mogot.

1 Kurin 4:10

Lemwót bè yóm klolò me ke Krays, gel boluy kem dumu tau kum, tau nungel. Okóm kuy kun, hono tau temngón lemwót bè yóm kessotu ye bè Krays. Gel mon le mò kum, tau laen dù genbek. Okóm kuy kun, wen genbek ye. Tey gel kehnê le kum, okóm fen gel nadat le yu kuy.

Kun Snulat Luk 6:20

Ne omin Jisas smolu ebè yó kem tau gel lemolò du, ne yó udélen ebélê le, monen, “Tey kehyuhen bélê ye kuy, yu kem tau élél, abay se deng ye sana gmung ne bè yó kem tau nogot Dwata.

Matyu 26:11

Hyu he kul yó kem tau élél, eles le tendo nô lem blóng ye. Là dou.

Matyu 11:5

Yóm tau butô tódô bud mton, yóm tau hikot bud gógów, yóm tau wen des mifù gnómen gotu mkó, yóm tau bokong bud mungol, yóm tau matay bud mowil. Ne sotuhen, yóm Tulón Hyu lemwót gu bè Dwata deng gefet bè yó kem tau élél.

1 Pitér 5:3

Hol bê ye fen hdatù lem blóng le. Yu dé gónó le dmalang yóm hyu yó kem tau galak bélê ye.

Flipay 3:16

Baluen ke lómón yó kehedem le, syan ke hol henkteng tekuy yóm deng klolò te du lemwót bè kbut yóm kehtahu te.

Flipay 1:27

Ne ni se yóm hol bong muhen bélê ye ke hol seklóón ebè yóm Tulón Hyu gbak ebè Krays yóm gel kmò ye anì yó, ke sute lem blóng ye duhen ke là, laen dù dumu gungolu gu bélê ye són yóm hol kbegel yóm kehtahu ye, ne yóm hol kessotu nawa ye hol mfi du yóm deng kehtahu ye lemwót bè yóm Tulón Hyu.

1 Kurin 1:10

Ó kem dumuhu setwoli, lemwót bè yóm kwalis deng blayen dou yóm gónó tekuy mogot Jisas Krays, wen hol hesgaluhu kuy, duhen yóm hol kessotu nawa ye anì là mesgólólen yóm kessotu kehedem ye anì segmung ke wen gel sensatul ye.

Kul Nmò 4:32

Tey tilob kessotu nawa le yó kem tau hemtahu bè Jisas. Balù yó kem kimu le, laen kô mtukul mfun du bélê le. Ke wen bélê le wen gónón élél, tódô sentóbóng le.

Jirimaya 32:39

Ne laen kô dù tul sónen yóm keblayu kul yóm kessotu nawa le anì sónmoen wen klikò le dou mò kul kehyu dalang se yó kem angat lugod le.

Kem Udél Hlalak Tehe Selumun 19:22

Yóm keseglom tau yó se yóm hemyak du ne mom hyu he yóm élél senta yóm mò kéng.

Kem Udél Hlalak Tehe Selumun 19:17

Yóm tau knoduhen yó kem tau élél lómón ke hendómen Dwata ne Dwata he hulék du yóm deng blayen.

Kem Udél Hlalak Tehe Selumun 19:7

Yóm tau élél sal gel knutó nawa yóm kdê dumun setwoli milud he yó kem ween gotu le hlayuk béléen. Baluen ke són moen lemolò hkodu bélê le là kô tonen kul.

2 Tutul Israél 30:12

Bè yóm kdaw yó, wen nmò Dwata bè yó kem tau bè Juda, benlayen lu kessotu nawa mimón du yóm udél yóm tau hol geta ne yó kem genlalen kem tau deng lemolò yó kem hlolò Dwata.

3 Jan 1:9

Deng wen sulat ukol hwitu edyó ebè yó kem tau hemtahu bè yó, okóm là kenmón Jutrifis du yóm sulatu yó. Yó hol kóyóen ke són du mò tô gónó le galak yó kem tau bè yó.

Sulat Pol Ebè Yó Kem Tau Hemtahu Bè Rom 6:2

Là kô yó du. Igò tekuy deng matay bè yóm óyô tekuy mò du yóm salà. Yó gónóhem mon, là bud tekuy gfét lemen ne yóm salà.

Kem Udél Hlalak Tehe Selumun 17:5

Yóm tau sendekaen yóm tau élél, tnondohen yóm Dwata deng tehe mò kul ne yóm tau hnigalen yóm glumfak sut bè dumun tau, là kô lugun Dwata du là tnafak.

Kem Udél Hlalak Tehe Selumun 26:5

Bnalaem yóm tau book bè yóm udél gembólów du bè yóm kbooken anì dilóen yóm là khulungen hedem.

Sulat Pol Ebè Yó Kem Tau Hemtahu Bè Rom 11:20

Tahu se yóm mon ye yó. Yó gónó Dwata mtok kul abay se lemwót bè là kehtahu le. Ne yó gónó ye tles tmowok bè yó se kuy, lan ye hemtahu. Okóm bê ye nit hegmón, eles ye temgama se kuy.