Sulat Pol Ebè Yó Kem Tau Hemtahu Bè Rom 12:15 - Udél Dwata: Gna Kesfasad ne Lomi Kesfasad

¹⁵ Ke hligal kem dumu ye, gbót ye hligal bélê le. Ke wen knangag le, gbót ye langag bélê le snéen.

Sulat Pol Ebè Yó Kem Tau Hemtahu Bè Rom 12:15 Referans Kwoze

1 Kurin 12:26

Ke wen des gnómen yóm sotu nô bè lówó tekuy, tódô kdê le gemnóm du snéen. Senged nóm ke dóyón le yóm sotuhen, tódô kdê le se gemnóm du yóm kligalen.

Hibru 13:3

Bê ye abay klifót tmóbóng kul yó kem dumu ye geblanggù. Hol lómón kegnóm ye du dé, lómón ke yu yóm geblanggù. Ne yó kem dumu ye deng glayam, bê ye abay klifót tmóbóng kul. Hol lómón kegnóm ye du, lómón ke yu yóm deng glayam.

Kun Snulat Luk 1:58

Gungol yó kem dumuhen sebét kkólen bè yó kem dumuhen setwoli yóm tey nawahen ebéléen yóm gónón mogot ne gotu le gbót hligal se kul.

Kul Nmò 11:23

Timbow kól bè yó, ya tey kehyu nawahen yóm ktonen yóm któbóng Dwata kul. Gel gendufen lu anì hol le teneb, ne là monol nawa le ebè yóm gónó le mogot.

Jirimaya 9:1

Hyu dé ke kokol él yóm kuluhu ne yóm matahu, hyu dé ke tbul lewok anì senflósu mkik ket kdaw ne kifu. Nkiku yóm kdê yó kem dou tau deng hnatay le.

Flipay 2:26

Yó gónóhu tô hulék du edyó, abay se tey hahù kuy, Ne mónó nawahen kuy bè yóm kungol ye du yóm le kwen desen.

2 Kurin 11:29

Ke wen bélê le lunog kehtahuhen, kéng tô ou se gemnóm du. Ke wen tau hebtang le elem salà, ya tey sidek kegnómu du se dou.

2 Kurin 2:3

Yó se gónóhu tehe smulat du yóm gna sulatu ebélê ye, abay se kóyóu ke eles kó ye yóm sidek nmò ye anì là sidek kegnómu du sok bud nauyu yu. Abay se bélê ye gónón wen kligalu. Deng eles tódô tngónu ke hligale lem blóng ye, hligal ye snéen kuy.

Kun Snulat Jan 11:19

Tey dê kem Ju lemwót bè Jirusalim deng gna kól bè yó mò na a hemyu nawa Marta ne Midi bè yóm katay logi le.

Job 2:11

Wen tlu kem tau hol dumuhen swè Job. Yó boluy le, Ilifas tau lemwót bè benwu Timan ne Bildad yóm tau lemwót bè benwu Suwa ne Sufar yóm tau lemwót bè benwu Naama. Tikóng gungol le yóm tey glumfak Job ni, tódô le lemwót bè yóm kul benwu ne slomong le mauy ke Job anì na le e henyu nawahen.

Nihimaya 1:4

Bè yóm kungolu du yóm kdéen ni, tódóe hdung myón ne tey kkiku. Botong hilu kdawu lemangag du yóm deng gungolu yó, là kóe mken. Tódô henlelu mni bè Dwata, monu mò du,

Flipay 2:28

Duhen yó, hol lemwót bè nawahu yóm khuléku du ebélê ye anì wen kligal ye se kuy sok ye bud ston du, ne bud bè yó se gónóhen lana yóm klóngónu.

Kehedem Tau Tmolok 3:4

Wen se kdaw mkik ne wen se kdaw kmuli. Wen se kdaw langag ne wen se kdaw madal.

Jirimaya 38:12

Yó udél Ibid-mélék ebè Jirimaya, monen, “Suem bè imakem nim nes ni anì là desen yóm fét.” Tahu se, nmò Jirimaya.