Sulat Pol Ebè Yó Kem Tau Hemtahu Bè Rom 12:14 - Udél Dwata: Gna Kesfasad ne Lomi Kesfasad

¹⁴ Ke wen kem tau hmayam kuy, bê ye abay hni bè Dwata anì tnafaken lu. Okóm hol hni ye anì tnóbóng Dwata lu se kul.

Sulat Pol Ebè Yó Kem Tau Hemtahu Bè Rom 12:14 Referans Kwoze

1 Pitér 3:9

Bê ye abay bnalà sidek yó kem tau mò sidek bélê ye. Ke wen tau semdekà kuy, bê ye bud semdekà se kuy. Yó dé balà ye du, duhen yóm hyu bélê le. Abay se bè yóm tehe ktaba Dwata kuy, yó fasaden kuy yóm hyu bélê ye.

Matyu 5:44

Okóm ni dou tulón kuy, kenbong nawa te yó kem hmohon tekuy ne hni te lu bè Dwata yó kem hemsidek tekuy,

1 Tisalunika 5:15

Hol ten-gama ye anì laen dù malà du sidek ke wen sidek nmò le bélê ye. Yó dé hol nmò ye, henyu ye kmò ye ebè yó kem dumu ye deng hemtahu dalang se ebè kdéen tau.

Sulat Pol Ebè Yó Kem Tau Hemtahu Bè Rom 12:21

Ke sidek nmò kem dumu ye bélê ye, bê ye bud bnalà sidek. Bnalà ye hyu anì là gemmoen yóm sidek.

Kun Snulat Luk 6:28

Mom hni ye bè Dwata dé yó kem tau hemnulà kuy, ne utóm ye lu bè Dwata yó kem tau sidek nmò le bélê ye.

Sulat Jim 3:10

Tek sotu sumóng se gónón mlan yóm udél dmóyón ke Dwata ne yóm udél hemtolo dumu tau. Là kóen hyu yóm yó, kem dumuhu setwoli.

Kun Snulat Luk 23:34

Yóm igò le tmutuk ke Jisas, yó udélen, monen, “Hol hnifótem lu, Mà, abay se là tngón le du yóm nmò le.” Lemwót yó kem sendalù tmutuk ke Jisas yó, sensatù le nesen.

Kul Nmò 7:60

Tuden bukolen ne bud hgelen udélen, monen, “Ó Mà bè Longit, béem dog snolò bélê le ne yóm salà nmò le ni.” Kogol yóm kmonen du yó, ominen milot nawahen.