Sulat Pol Ebè Yó Kem Tau Hemtahu Bè Rom 12:13 - Udél Dwata: Gna Kesfasad ne Lomi Kesfasad

¹³ Hol gel tnóbóng ye kem dumu ye hemtahu ke wen gónó le élél se kul. Hol ye gel hmódó ke wen tau milo sut bélê ye.

Sulat Pol Ebè Yó Kem Tau Hemtahu Bè Rom 12:13 Referans Kwoze

Hibru 13:16

Ne bê tekuy abay klifót yóm ktilob kmò tekuy bè kem dumu tekuy tau ne yóm gel kestóbóng tekuy, abay se ni se mò henged dsù gónón hyu nawa Dwata.

2 Kurin 9:12

Là són yó du gónón hyu yóm keblay ye ke mò tmóbóng yó kem tau Dwata. Okóm sotu gónón hyu, angat tey dê tau hol dmóyón ke Dwata.

1 Jan 3:17

Ke wen tau bong kun kendengen, ne ke tonen yóm dumun setwoli wen gónón élél, okóm ke là kô dog tnóbóngen du, là bong nawahen ke Dwata.

Hibru 6:10

Tey tedeng knawahen yóm Dwata. Là kô klifóten du yóm hyu tehe gel nmò ye, ne yóm tey kbong nawa ye du. Yó gónón gfan yóm nawa ye ebéléen yó bè yóm gel któbóng ye yó kem dumu ye hemtahu. Balù ni kmoen ni, sana kmò ye du.

1 Pitér 4:9

Hol gel hnódó ye dumu ye ne bê ye abay gel tmalaw.

Glasya 6:10

Yó gónóm mon, ke wen lan tekuy tmóbóng kem dumu tekuy, hol tnóbóng tekuy lu, sélétem mon bè yóm hol dumu tekuy hemtahu.

Hibru 13:2

Hol gel hnódó ye ke wen tau milo sut bélê ye. Deng wen se tau mò du, bede là tngónen du yóm hnódóhen, anì monem, hógów Dwata gu bè longit.

1 Timuti 3:2

Yóm tau malak bè simbahan, hyu ke laen dù gónó le gemsanil du kem dumuhen, là demweyen, hulung hedem, hulung mafas nawan, hulung mit ktauhen, hulung hmódó, hulung tmolok,

1 Timuti 5:10

ne tótól boluyen lemwót bè yóm hyu gel nmoen, deng megtolok kem ngaen, hulung hmódó, dê lanen gel tmóbóng yó kem dumuhen hemtahu, là tlek kun temngel ke wen gónó le glayam kem dumuhen, ne gotu nawahen bè kem dumuhen.

Matyu 25:35

Abay se bè yóm tehe kbitilu, tódô henken ye ou. Ne bè yóm tehe kleengu, tódô hinum ye ou. Ne bè yóm tehe kilohu, tey khódó ye do.

Filimun 1:7

Tey kligalu, Wè, ne tey klaan nawahu lemwót bè yóm kbong nawahem kem dumuhem hemtahu. Ne tey lingas nawa le se kul yó kem kun tau Dwata lemwót bè yóm gel któbóngem kul.

Taytus 1:8

Yó dé nélékem yóm tau hulung hmódó, yóm tau són nalu nmoen, són yóm hyu. Hol nélékem yóm tau hulung mafas nawahen, yóm tau btol, yóm tau laen dù belenen yóm gel nmoen, ne megtolok.

2 Kurin 9:1

Tngónu laen hol muhu alì semsulit du bélê ye yóm kmò keblay ye ebè yó kem dumu tekuy hemtahu bè Judiya.

Kul Nmò 10:4

Ya tey sidek klikò Kurnilyus, tódô hnunuhen, monen, “Moem kut de, Sér?” Ominen bud mudél yóm hógów Dwata, monen, “Tey hyu nawa Dwata bè yóm gel knihem, ne tonen snéen yóm alì kbasahem yó kem tau wen gónó le élél. Ne ni se yóm kbalaen kóm.

Kul Nmò 4:35

blay le yó kem hógów Jisas anì lu fen gel mólól du ke wen bélê le wen gónón élél.

1 Kurin 16:15

Deng tngón ye ne yóm Stifanas ne yó kem fes lówóhen, lu se hol tanay tau hemtahu bè prubinsya Akiya. Ne ni kmoen ni sónmò le tmóbóng yó kem kun tau Dwata.

Sulat Pol Ebè Yó Kem Tau Hemtahu Bè Rom 12:8

Ne ke yó blayen khulung semgduf kem dumu tau, hol nmoem sen. Ke yó blayen kóm yóm nawa masa, hol bnasahem kem dumum sen. Ke yó blayen kóm khulung malak yó kem dumuhem tau, holi tódô hteneb mò du sen. Ne ke yó kenhulung blay Dwata kóm mò gel tmóbóng yó kem élél, hol nmoem sen mung du kligalem.

Kem Lingón 41:1

Ya tey kehligal le kul yó kem tau gel tmóbóng yó kem tau élél. Sal gel lenwà Dwata lu bè yóm gónón wen hlayam le.

2 Samwél 17:29

Wen tneben, ne tóbô, ne ubiha, ne tsis. Gotu blay le ke Dabid ne bè yó kem tauhen mò ken le. Yó mon le, “Mò ken ye yóm kdê ye, yakà tey ye miteg lel ye bitil ne meeng bè yóm tey kógów ye lem yóm benwu laen hol wen tauhen.”

2 Bok Kem Tau Hol Geta 4:10

Yake mò te béléen dfél ditu te ketef mò gónón tungô, ne nmò te lemisahen ne bangkuen ne wen soloken anì yó ke gel slob bè ni, wen gónón tungô.”

Kem Udél Hlalak Tehe Selumun 31:20

Là kóen sgafas nawahen ebè yó kem tau élél ne gel benlayen yó kem tau là deng wen gónón ma.

Taytus 3:14

Yó kem dumu te deng hemtahu bè yó, yake hol le hfulung mò du yóm hyu anì duhe kóm wen lan le gel tmóbóng yó kem dumu tau laen bang genbek le. Là hyuhen ke là wen muhen yóm klowil le.

3 Jan 1:5

Ó Wè, do dumu sogot nawa, tey gel ktenebem tmóbóng yó kem dumuhem hemtahu, baluen ke tau milo.