Sulat Pol Ebè Yó Kem Tau Hemtahu Bè Rom 12:10 - Udél Dwata: Gna Kesfasad ne Lomi Kesfasad

¹⁰ Kdê ye deng hemtahu, hol ye sbong nawa. Hol ye gel sadat.

Sulat Pol Ebè Yó Kem Tau Hemtahu Bè Rom 12:10 Referans Kwoze

Flipay 2:3

Béen abay wen nmò ye ke mlan bè kehegeta knô, duhen ke mlan bè kehton dóyón. Okóm yó dé hyu ke heglaan ye bè kem dumu ye. Yó dé kmò kehedem ye kul, lu geta senta ye.

Hibru 13:1

Hol bê ye abay nmò sónen yóm kuy kesbong nawa, yakà deng ye baling setwoli ne lemwót bè kehtahu ye.

1 Jan 4:11

Ke lómón ni se yóm kbong nawa Dwata tekuy, kem weu do dumu sogot nawa, yake hol tekuy sbong nawa sen.

1 Pitér 1:22

Lemwót bè yóm deng kimón ye yóm ktahuhen, deng ye baling mólós ne, ne deng wen ne yóm tahu kesbong ye nawa. Hol hewót ye lem nawa ye yóm kesbong ye nawa yó.

1 Pitér 2:17

Hol nadat ye kdéen tau. Hol kenbong ye nawa yó kem dumu ye deng hemtahu. Hol knikò ye Dwata. Hol nadat ye yóm tau hol geta bélê ye.

1 Tisalunika 4:9

Bong bè yó dum kesbong nawa ye bè yó kem dumu ye deng hemtahu, baluen ke là bud snulatu du bélê ye ne, abay se deng tolok Dwata kuy ne yóm kmò kesbong nawa.

Glasya 5:13

Bélê ye kuy, kem dumuhu setwoli, deng tnaba Dwata yu ebéléen anì là bud ye ghesek du ne yó kem hlau Musis. Okóm baluen ke là bud ye ghesek du, hol bê ye abay tódô nmung yóm sidek knóyô lówó ye. Yó dé tles nmò ye, tnóbóng ye kem dumu ye lemwót bè kesbong ye nawa.

Glasya 5:22

Okóm ke tendo tekuy halak bè Tulus Dwata, wen bunguhen. Yó bunguhen, duhen yóm kesbong nawa, ne yóm kligal, ne yóm kenek nawa, ne yóm kanay nawa, ne yóm kganag nawa, ne yóm kehyu kmò, ne yóm kteneb nawa,

Kem Lingón 133:1

Tey minggel gemnóm du yóm kessotu nawa yó kem tau Dwata.

1 Jan 4:20

Ke yó mon yóm sotu tau, ke monen, “Bong nawahu ke Dwata dou,” okóm ke tolo knutó nawahen yóm dumuhen hemtahu, odoyen yóm monen yó. Ke là bong nawahen du yóm dumuhen hemtahu yóm hol hyu ton matahen, sélét mom tô kenbongen nawa Dwata ne, yóm là ton matahen du.

2 Pitér 1:7

Ne bè yóm kgulit ye yó, hol bud hmung ye du yóm kbong nawa ye kem dumu ye hemtahu. Ne bè yóm kbong nawa ye kem dumu ye hemtahu, hol homong ye yóm kdéen tau.

1 Pitér 5:5

Ne yu kem tau lomi lemnok, hol nimón ye yó kem tau tuha senta ye. Ni hlauhu kuy yóm kdê ye, hol dnalang ye yóm keheglaan bè kem dumu ye. Abay se wen monen bè Sulat Dwata, yóm monen, “Tey kekbê Dwata kul yó kem tau hegmón, bede tnóbóngen yó kem tau hulung heglaan.”

Kun Snulat Jan 15:17

Duhen ni, wen hlauhu kuy, hol ye sbong nawa.”

Sulat Pol Ebè Yó Kem Tau Hemtahu Bè Rom 13:7

Yóm kdê bnayad tekuy bè gubérnó, gotu bnayad tekuy lu. Ne hol nadat tekuy lu snéen yó kem tau mogot benwu.

Kul Nmò 4:32

Tey tilob kessotu nawa le yó kem tau hemtahu bè Jisas. Balù yó kem kimu le, laen kô mtukul mfun du bélê le. Ke wen bélê le wen gónón élél, tódô sentóbóng le.

Kun Snulat Luk 14:10

Yó dé hyu ke gel tinok le tekuy ebè gónô mulu, na tekuy gna myón bè sokok. Nangat tekuy ktabahen tekuy e desyung yóm tau fun gónô. Duhe kóm, dilô kadat le tekuy lem blóng yó kem dumu tau deng tinoken.

Matyu 20:26

Okóm bélê ye kuy, là kô yó du yóm hyu bélê ye. Ke wen sotu bélê ye móyô ke du baling geta bè kem dumuhen, yake hol nô béléen yóm nawa yóm tau gel tóbóng lówó.

2 Tisalunika 1:3

Ó kem dumu me setwoli, là kô gbek me du ke là tendo dóyón me ke Dwata lemwót bélê ye. Bong knóón du se ke yó gel nmò me, abay se sónmoen temnù yóm kehtahu ye, ne temnù snéen yóm kesbong ye nawa.

Kulasi 1:4

Yakà deng gungol me yóm kehtahu ye bè Krays Jisas ne yóm kbong nawa ye yó kem kun tau Dwata.

Glasya 5:6

Ke deng me ssotu bè Krays Jisas, laen kô muhen bélê me kum yóm htulì. Senged se ke wen, duhen ke là. Yó dé bong muhen bè Dwata, ke deng hol gfan bè yóm kesbong me nawa yóm kehtahu me.

Kun Snulat Jan 17:21

Hol hnihu béléem anì sensotuhem kehedem le, Mà, yóm kdê le, lómón yóm kut kessotu nawa, ne anì tódô gotu ssotu kehedem tekuy. Duhe kóm, sok ton yó kem tau là hemtahuhen yóm kessotu nawa yó, hentahu le yóm khógówem dou elem benwu.

Job 1:4

Yó gel nmò le ket halay yó kem ngà Job logi, ke gel kól yóm kun kdaw ksut yóm sotu, wen ken bong gel nmoen bè gónóen. Gotu tinoken yó kem dumun setwoli anì mung le hligal béléen.

Tekang Kbuten 13:9

Yó hyu ke slayuk te. Méléki mahi du nóyô gónóm menwu. Ke nóyóem fi bè iwóng, dou fi bè kwanan. Ke nóyóem fi bè kwanan, dou fi bè iwóng.”

Jirimaya 38:12

Yó udél Ibid-mélék ebè Jirimaya, monen, “Suem bè imakem nim nes ni anì là desen yóm fét.” Tahu se, nmò Jirimaya.