Sulat Pol Ebè Yó Kem Tau Hemtahu Bè Rom 11:9 - Udél Dwata: Gna Kesfasad ne Lomi Kesfasad

⁹ Ne wen se kun udél yóm tehe Dabid ekni gbak ebélê le, monen, “Yóm kendengen genléd nawa le yó, hol henbalingem holot gónó le bkó, mò gónó le tlokob. Hol tnafakem lu.

Sulat Pol Ebè Yó Kem Tau Hemtahu Bè Rom 11:9 Referans Kwoze

Kem Lingón 28:4

Tnafakem lu lemwót bè yó kem sidek deng gel nmò le. Tnimbangem yóm kbalaem du yóm sidek gel nmò le anì hol snged keblaten bè yóm sidek deng kul nmò. Hol hegnómem kul ksideken yóm deng nmò le bè kem dumu tau.

Hibru 2:2

Tey mget yóm tehe tulón Dwata yó kem tehe fù tekuy ekni, hlanen bè yó kem gel hógówen gu bè longit. Ke wen tau mulé du, sal gel megtafak du, yóm tafak mò balà yóm sidek deng nmoen.

Kun Snulat Luk 12:20

Okóm mudél ebéléen Dwata, monen, ‘Nungeli nim uu. Són ktauhem kifu ni kdeng. Ne yó kem deng henyuhem yó, tau du de bud mfun kul?’ ”

Isaya 59:18

Bè yóm kbelesen kul, tódô tnafaken yó kem hohonen lemwót bè yó kem sidek tehe gel nmò le. Baluen he ke nô le bè benwu mayuk, sana ktafaken kul.

Kem Udél Hlalak Tehe Selumun 1:32

Yó kem tau là ngelem kehedem le matay le, lan le kembê yóm khulung hedem. Yó kem tau book meglà le se kul lemwót bè yóm là dog kehedem le du.

Dwata 32:35

Bneles Dwata lu ne tnafaken lu. Móyón kól ne yóm kdaw le btang ne deng moni ne yóm kdaw le meglà.

Matyu 16:23

Beklil se Jisas ebè Pitér, monen, “Hlayuki béléu, Seitan. Béem tô henseng yóm nógówu. Là kóen lemwót bè Dwata yóm kehedemem yó, kaem kehedem tau te tonok.”

Sulat Pol Ebè Yó Kem Tau Hemtahu Bè Rom 14:13

Duhen yó, hol bê tekuy abay bud gel setdok. Yó dé hol sen-galu tekuy ke laen dù nmò tekuy mò gónó le tlokob yó kem dumu tekuy hemtahu.