Sulat Pol Ebè Yó Kem Tau Hemtahu Bè Rom 11:4 - Udél Dwata: Gna Kesfasad ne Lomi Kesfasad

⁴ Bnalà Dwata se, monen, “Deng wen hitu libu tau deng hetfingu mò dou tau. Là kô le tmaba ebè yóm dwata kéng boluyen Baal.”

Sulat Pol Ebè Yó Kem Tau Hemtahu Bè Rom 11:4 Referans Kwoze

1 Bok Kem Tau Hol Geta 19:18

Okóm angat hlowilu yóm hitu libu kem tau bè Israél, yó kem tau là gel le mtud bukol bè Baal, ne là gel nelek le du.”

Lista 25:3

Nbut le bè yó ne yó kem tau Israél yóm tendo kmung le tmaba ebè yóm dwata kéng boluyen Baal bè yó bè Bulul Piyor. Ya tey sidek kebut Dwata kul.

Sifanaya 1:4

“Angat tnafaku yó kem tau bè Juda dalang se yó kem tau bè Jirusalim. Nmou sónen yóm gel ktaba le ebè Baal bè yó. Ne yó kem tau gel blóng ebéléen, laen kô dù bud hemtulón kul nawa.

Husiya 2:8

Là kô dog hendemen du yóm libun yó ou se gónóhen gu lemwót yóm halayen ne tifas grépen ne hnolo uliben dalang se yó kem tey blówón bukayen ne yó kem tahu blówón gel blayen ke sok tmaba ebè Baal.

Jirimaya 19:5

Deng le mom hemdà gónó demsù ebè Baal mò gónó le hkekeb ebéléen yó kem ngà le logi. Là kô hmou du kul nim ni, ne là se kô hendemu du balù sulék.

Kmukum 2:13

Là bud le tmaba ebéléen, deng le mom tmaba ebè Baal ne bè yó kem lennged yóm dwata libun boluyen Astartis.

Husiya 13:1

Bè yóm gnan kdaw ke gel le mudél yó kem ból Ifraim, gotu le likò yó kem dumu tau Israél abay se nadat le Ifraim. Okóm yó kem ból Ifraim yó, deng le mom gemsalà lemwót bè yóm ktaba le ebè Baal ne lemwót bè yóm nmò le ni gónó le angat gotu meglà.

1 Bok Kem Tau Hol Geta 16:31

Tey mahil béléen lemolò du yóm kdê salà nmò Jirubuam ngà Nibat, ne yó sidek bud gotu nmoen yóm kyehenen ke Jisébél yóm ngà boi Itbaal yóm tau hol geta bè Sidon, ne gbót tmaba ebè yóm kul dwata kéng boluyen Baal.

Dwata 4:3

Deng tehe tódô kuy mata se mton du yóm tehe nmò Dwata bélê ye bè Bulul Piyor. Gotu hfatayen yó kem tau tmaba ebè yóm dwata kéng boluyen Baal.

1 Bok Kem Tau Hol Geta 19:10

Bnalà Ilaydya se, monen, “Ó Dwata, tey kinì nawaw mimón kóm yóm Dwata laen dù là gbeken du. Okóm yó kem tau Israél, deng nulé le yóm tehe fasad le kóm, deng gotu genbà le yó kem gónó demsù ebéléem, ne deng gotu hnatay le yóm kdê tugodem. Tek són ou dù tebel, ne tô le mebel lan anì hnatay le o.”