Biblia Todo Logo
Bib sou entènèt

- Piblisite -




Sulat Pol Ebè Yó Kem Tau Hemtahu Bè Rom 11:33 - Udél Dwata: Gna Kesfasad ne Lomi Kesfasad

33 Laen kô bang gónó tekuy e hmingón du yóm alì kehyuhen yóm Dwata. Tey nelem yóm ketngónen, ne tódô ket yóm kenhulungen. Laen kô dù tau gembek tmulón du yóm kun kehedem, ne laen se dù tau gembek gmileb du yóm kun kmò.

Gade chapit la Kopi




Sulat Pol Ebè Yó Kem Tau Hemtahu Bè Rom 11:33
38 Referans Kwoze  

Là kô deng hol glileb te du he yóm tey hyu gel nmoen. Là kô gbek te msó kul yó kem hentaw ton gel nmoen.


Tey tennga, Dwata, yó kem hentaw ton gel nmoem. Tey ngelem yóm kóm kehedem.


Déke yó hendemem là kô tnafaken kóm, abay se tey hyu nawa Dwata, là mahilen tmakas, ne tey manay nawahen. Là kô yó du. Igò yó gónó Dwata hemyu kmoen ebéléem anì wen lanen mit kóm hegsel.


Okóm ni kmoen ni, hegfanen yóm tehe bunihen, hlanen bè yó kem tau hemtahu bè Krays, anì hol gfan bè kdéen mfasang wen glalen ditu bè longit yóm tey khulungen hedem Dwata bè kdê nmoen.


Deng tilob kmò Dwata du yóm kdê nmoen bè yóm kul kdaw. Deng eles suen bè nawa tau yóm óyô temngón du yóm mò kmoen elem hulin kdaw, ewenem yó, là kô tngón tau du yóm kdê nmò Dwata kewóten bè kbuten efet kól bè sónen.


Yóm kóm ktedeng, hol lómón kbegelen yó kem bulul lembang. Yóm kukum tedeng nwitem, hol lómón kngelemen mohin. Tey gel kesgifaem kul, Dwata, yóm kdéen tau kkólen bè yóm kdéen ógóf.


Lemwót bè yóm tehe fen katay Krays bélê tekuy, yó se gónó Dwata lemwà tekuy, duhen yó se yóm kmò kehlifóten yóm salà tekuy. Tey bong yóm któbóngen tekuy yó.


Kun kóyô Dwata ke hegfanen bè yó kem kun tau ni kmoen ni yóm tehe gbuni bè yó kem tau gnan, duhen yóm tey któbóngen yóm kdéen tau bè klamangen benwu. Yóm tehe bunihen yó ekni, duhen yóm knô Krays bélê ye ket kuy ne sotu. Bè yóm knóen bélê ye yó, yó se gónó ye temngón du yóm angat kegbót ye bè klaen sónen kun klowil Dwata.


Yó gónón mò du nim ni mò gónón hegfan yóm tey alì kehyu kmoen ebélê tekuy kem tau deng knoduhen, kem tau deng eles néléken mò angat megdóyón béléen.


Wen tey lobun ne kifu mget hmilol du. Yóm ktedengen ne yóm kukum tedeng nwiten yóm hembegel yóm kogoten tau.


Nifalem yóm tey mohin lamang, mlani lem blóng yóm tey lewók bong, bede laen dù mton du danà hólól tihem.


Yó gónón mò du nim ni mò gónón hegfan du bè kdéen tau yóm tey któbóngen tekuy, ne yóm tey nawahen ebélê tekuy hlanen bè Krays Jisas.


Kdê yó kem tau talak tonok, le hilu he yóm kul kegbek ke hesengedem bè yóm kun. Wen kegbeken mò du yóm kun kóyô lem blóng yó kem hógówen gu bè longit, dalang se bè kdê yó kem tau nô dini talak tonok. Laen dù gembek hemseng du ne laen kô dù mlos smólók du yóm kun nmò ke mon le, ‘Na, tedum nmoem ni du?’


Deng tey dê ne yó kem hentaw ton nmoem bélê me, Dwata. Uu se yóm Dwata gónó me mogot, laen kô dù semnged kóm. Deng tey wen kem atul knóón nmoem bélê me, là kô gbeku msó kul, tey le wen.


Lemwót bè yóm tey kegbek Dwata tmóbóng tekuy, yó hol hnihu béléen anì tendo ten-gelen nawa ye hlanen bè kun kfasang yóm kun Tulus deng nô bélê ye.


Ou se yóm hol glaan bè yóm kdéen tau Dwata, okóm deng mom sigang Dwata tahu nim tey hyu hmoen dou ni, duhen yóm kwitu du elem blóng yó kem tau là Ju le. Yó hol lemen nim Tulón Hyu ni, duhen yóm tey kehyuhen yóm tóbóng Krays, yóm kehyu là gbek tekuy hmingón du.


Yóm nô lem hendem yóm tau hol geta là kô glileb te du, lómón yóm là ketngón te du kegeta yóm longit ne knelem yóm mohin.


anì hol glileb ye snéen yóm kbong nawa Krays tekuy yóm kdê tekuy kem kun tau Dwata. Yóm nawahen tekuy yó, udì tonok ne longit.


Ne tahu se yó. Okóm moen de ke dnuónem Dwata bè yóm là kbalaen yóm gel tnalaw tau?


Tey ketngahu du yóm ketngónem do, là kô gbeku hmingón du.


Tey kegetahen yóm Dwata. Du se yóm knóón hol sendóyón. Yóm kegetahen, là gbek tau hmingón du.


Lemwót bè yóm là gotu ketngón tau du yóm kdéen, gónón megdóyón Dwata ne bud le megdóyón se yó kem tau hol geta bè khulung le mebel yóm ktahuhen ne ktedeng kukum.


Là deng tngón ye du he kô ne là deng gungol ye du? Yóm Dwata gónó tekuy mogot laen kô dù tul sónen. Du se tehe dmimun yóm klamang benwu. Là kóen na a miteg ne là se kóen na a lunog. Là gbek te hmingón du yóm tey kehedemen tekuy.


Okóm deng hetngón Dwata tekuy ne nim tehe bunihen ni, hlanen bè Tulusen. Yóm Tulus Dwata, gotu tngónen kdéen. Balù yóm atul Dwata là deng hegfanen du, tódô gotu tngónen.


Bè yóm kungol Murdikay du yóm atul le tódô kendel seben ke Boi Istér. Lemwót se ke Istér kun, kendel tulónen bè yóm tau hol geta. Ne bud tulónen bè yóm tau hol geta snéen bè Murdikay gónón temngón du yóm tulón yó.


Swiv nou:

Piblisite


Piblisite