Sulat Pol Ebè Yó Kem Tau Hemtahu Bè Rom 11:32 - Udél Dwata: Gna Kesfasad ne Lomi Kesfasad

³² Hol kóyô Dwata ke dilô kdéen tau yóm là kimón le du anì hol dilô le snéen yóm kkoduhen kul.

Sulat Pol Ebè Yó Kem Tau Hemtahu Bè Rom 11:32 Referans Kwoze

Glasya 3:22

Deng monen bè Sulat Dwata, tódô kdéen tau bè klamangen benwu, gotu le gmung bè yóm óyô le mò sidek. Yó gónóm mon, tek sotu gónó tekuy gmuta du yóm klowil tehe fasad Dwata tekuy, són bè kehtahu tekuy bè Jisas Krays.

Sulat Pol Ebè Yó Kem Tau Hemtahu Bè Rom 3:9

Duhen yó, tekuy kem tau Ju, lemyu tekuy kô senta yó kem tau là Ju le? Là kô yó du. Deng tulónu kuy se koni, tódô kdéen tau gotu gemsalà, tau Ju duhen tau là Ju le.

Sulat Pol Ebè Yó Kem Tau Hemtahu Bè Rom 3:22

Yó gónón baling tedeng kton Dwata tekuy, duhen yóm kehtahu tekuy ke Jisas Krays. Tu se nmò Dwata bè kdéen tau hemtahu bè Krays, laen kô dù mtukul néléken.

Kun Snulat Jan 12:32

Ke deng hdà le ou eta bè yóm kros,” mon Jisas, “yó se mò lanu mit kdéen tau mò lemolò do.”

Kun Snulat Jan 1:7

Yó gónó Dwata hógów du anì nan e hetngón bè yó kem tau yóm layag yó koni anì kdéen tau hmungol du yóm tulónen ne hemtahu du.

Sulat Pol Ebè Yó Kem Tau Hemtahu Bè Rom 5:19

Lemwót bè yóm là kimón Adam gónón baling gemsalà kdéen tau. Ne lemwót bè kimón Jisas, yó gónón tedeng kton Dwata kul.

Sulat Pol Ebè Yó Kem Tau Hemtahu Bè Rom 11:31

Senged se yó kem Ju nim kmoen ni, là nimón le ke Dwata. Okóm angat wen lan Dwata kmodu kul se kul lómón yóm deng kkoduhen kuy.

Glasya 3:23

Gu laan tekuy là deng hemtahu he, hol lómón ke bnangguen tekuy yóm hlau. Là kô tekuy gewà du efet deng tngón tekuy yóm lan tekuy hemtahu bè Krays.