Sulat Pol Ebè Yó Kem Tau Hemtahu Bè Rom 11:26 - Udél Dwata: Gna Kesfasad ne Lomi Kesfasad

²⁶ Ne gotu le angat gewà gu lem hatay. Lómón yóm mon Dwata bè sulaten, monen, “Lemwót gu bè syudad Sayun yóm tau fen lemwà yó kem kun ból Jakub. Angat gotu kóhen bélê le yóm sidek gel nmò le.

Sulat Pol Ebè Yó Kem Tau Hemtahu Bè Rom 11:26 Referans Kwoze

Isaya 59:20

Yó udél Dwata ebè yó kem tauhen, monen, “Yu yóm kdê deng kmogol yó kem salà ye, angate mógów elem blóng ye bè yó bè Jirusalim naw e nofin yu ne hewau yu.

Kem Lingón 14:7

Tey gel knihu bè Dwata anì géhél hegmoen tekuy kem kun tau Israél. Lemwót gu bè kun Bulul Sayun yóm któbóngen tekuy yó. Angat tey kligal tekuy sok bud hen-gulék Dwata yóm klowil tekuy.

Husiya 3:5

Okóm kogolen bè yó angat le bud semfulék ebè yóm sana kul Dwata hol gónó mogot yó kem tau Israél. Bud le semfulék ebè yóm tau sfu Dabid mò mogot kul. Lemwót bè yóm tey klikò le ke Dwata, angat tódô setbol kkel le bè yóm bud kesfulék le ebéléen, bede angat guta le yó kem hyu angat tóbóngen kul elem hulin kdaw.

Kul Nmò 3:26

Duhen yó,” mon Pitér, “deng nélék Dwata Jisas mò hógówen. Deng gna hógówen elem blóng tekuy mò tmóbóng tekuy, yóm ket tekuy na sotu, anì knogol tekuy yó kem sidek gel nmò tekuy.”

Isaya 45:17

Okóm yó kem tau Israél deng lenwà Dwata lu kul. Yóm kegmò le bè yó kem hohon le laen kô dù tul sónen. Laen kô bang gónó le bud myak bè kem dumu le tau.’ ”

Taytus 2:14

Deng fen hamaen yóm kun klowil bélê tekuy anì lenwaen tekuy bè kdéen sidek gónó te gel geskét, ne henbalingen tekuy kem kun tau deng mólós, anì gotu nawa tekuy mò du yóm nmò hyu.

Matyu 1:21

Angat logi yóm ngaen, ne yó boluyem du Jisas, yakà du yóm lemwà yó kem kun tau gu lem salà le.”

Kem Lingón 106:47

Ó Dwata yóm hol gónó mogot, lenwaem mi. Bud sentifunem mi gu bè yó kem benwu deng gónóhem e semkla kum anì bemlay me slamat béléem, ne hligal me dmóyón kóm.

Jirimaya 31:1

Yó udél Dwata, monen, “Angat kól yóm kdawen bud ou se Dwata nulék yóm kdéen sfu Israél ne lu se yó kem dou tau.

Juwél 2:32

Yó se htóbóng bè boluy yóm sana Dwata hol gónó mogot angat gewà. Angat wen gewà bè yó kem tau nô bè Bulul Sayun bè Jirusalim, lómón yóm deng tehe mon Dwata. Yó kem tau gewà yó, lu se yó kem tau deng kun nélék Dwata.”