Sulat Pol Ebè Yó Kem Tau Hemtahu Bè Rom 11:23 - Udél Dwata: Gna Kesfasad ne Lomi Kesfasad

²³ Ke là henlós kem Ju du yóm kkogol le ke Dwata, botong gbek Dwata bud hlowil kul bè yóm tehe sana lówó le.

Sulat Pol Ebè Yó Kem Tau Hemtahu Bè Rom 11:23 Referans Kwoze

2 Kurin 3:16

Okóm wen lan mkó du yóm seng yó. Hol lómón yóm tehe monen bè Sulat Dwata gbak ebè Musis, yó monen, “Tódô kóhen yóm nes sengen bè uyóhen bè yóm bud kebeklilen ebè yóm gónón mogot.”

Sikaraya 12:10

Ne suu bè yó kem sfu Dabid ne bè yóm kdéen dumu tau bè Jirusalim yóm nawa kmodu ne yóm óyô mni bè Dwata. Angat le temngel ebéléu, yóm deng tehe tenbek le ne tey sidek klangag le, lómón klangag yóm tuha ke deng matay yóm tek sotu ngà le logi, duhen ke matay yóm ngà le logi twogu.

Matyu 23:39

Tódô tulónu kuy, là kô tagad na ye bud ton dou he ke là nan kól yóm kdaw angat kmon ye du, ‘Dwata he hol tmóbóng du yóm tau deng hógówen.’ ”

Sulat Pol Ebè Yó Kem Tau Hemtahu Bè Rom 11:17

Okóm yóm koyu ulib nfun Dwata yó, deng wen hanga kenlengen du ne tugoden du bè yóm hanga koyu ulib tehe nwahen tmowok lem dlag. Yu kem tau là Ju le, hol lómón ke yu yóm koyu ulib lem dlag. Deng ye gomong lembud bè yóm koyu hyu nfun Dwata, duhen yó kem Ju.

Sulat Pol Ebè Yó Kem Tau Hemtahu Bè Rom 11:24

Yu kem tau là Ju le, lómón ke hanga koyu ulib tmowok lem dlag nwa Dwata bud hlowilen bè lówó yóm koyu huluhen. Ke gbek Dwata lembù hlowil du bè yó yóm hanga tólóng koyu, sélét là gbek bud hlowilen du bè yó yó dum sana kun hanga.

Hibru 3:19

Tahu se, laen kô dù bélê le gehlós ebè tum benwu tu lemwót bè yóm là kehtahu le.