Sulat Pol Ebè Yó Kem Tau Hemtahu Bè Rom 11:17 - Udél Dwata: Gna Kesfasad ne Lomi Kesfasad

¹⁷ Okóm yóm koyu ulib nfun Dwata yó, deng wen hanga kenlengen du ne tugoden du bè yóm hanga koyu ulib tehe nwahen tmowok lem dlag. Yu kem tau là Ju le, hol lómón ke yu yóm koyu ulib lem dlag. Deng ye gomong lembud bè yóm koyu hyu nfun Dwata, duhen yó kem Ju.

Sulat Pol Ebè Yó Kem Tau Hemtahu Bè Rom 11:17 Referans Kwoze

Ifisus 3:6

Ni se hol lemen yóm tehe bunihen yó, duhen yóm kehlan Dwata du bè yóm Tulón Hyu yóm khomongen kuy yu kem tau là Juhen bè yó kem hyu blayen bè yó kem Ju. Deng ye tahu baling kun fes lówó Dwata snéen kuy, ne wen kuy du snéen yóm tehe fasad Dwata bè yó kem Ju hlanen bè Krays Jisas.

Kun Snulat Jan 15:2

Ket hangahu là munguhen, sal ntoken. Ne ket hangahu mungu, sal gel hen-gifaten anì hol temnù kbunguhen.

Matyu 21:43

Tódô tulónu kuy,” mon Jisas, “lemwót bè yóm kekbê ye du yóm botu yó, là kô ye bud gmung ne bè yó kem tau nogot Dwata. Yó bud tles nogoten yó kem tau mò du yóm nóyóen.

Kem Lingón 52:8

Okóm dou, hol lómón ke ou yóm koyu ulib tmowok bè Gónô Dwata. Laen dù sónen yóm tendo ksaligu yóm kbong nawa Dwata là monolen.

Kulasi 2:13

Tehe yu ekni, deng ye golu elem hatay lemwót bè yóm kegsalà ye, ne bud lemwót bè yóm là deng kkó ye du yóm óyô ye mò sidek. Okóm ni, deng hlowil Dwata yu, gomong ye bè yóm tehe kehlowilen ke Krays gu lem hatay. Ne gotu hnifóten yó kem kdê salà tekuy.

Kul Nmò 2:39

Yakà deng tehe fasad Dwata du tekuy se ekni, dalang se ebè yó kem angat bud lugod tekuy, kkólen bè yó kem dumu tau bè benwu mayuk. Balù kihu tau mimón yóm ktaba Dwata du, yóm Dwata hol gónó tekuy mogot, suen béléen yóm kun Tulus.”

Deng Hegfan 11:4

Yó kem lewu tugod Dwata yó, lu se hnigad yóm lewu koyu boluyen ulib ne yóm lewu solok deng eles nô bè solu yóm gónó mogot deng kmamal yóm klamangen.

Kun Snulat Jan 15:6

Yóm tau ke là heneken béléu, lómón ke hanga ntok tódô hgasà, hlós mékéng. Gotu sentifun le lu, omin le mbot kul elem ofi, ne gotu mlób.

Sikaraya 4:3

Ominen wen tonu lewu koyu ulib sbalà yóm tukung bong.”

Juna 1:16

Bè kton le du nim ni, botong le likò ke Dwata yó kem tau gel mò nmò bè kafal. Yó nmò le, wen dsù le ebéléen ne fasad le yóm kimón le du.

Isaya 6:13

Baluen ke olon sotu dù tebel bè yóm sfolò kem tauhen, kaem senged snéen angat bud keglà le du yó kem hohon le. Hol lómón ke du yóm tuhod koyu tehe nofok le.” Bede yóm tuhoden yó sal wen uléken, hningónen yóm bud kehgulék Dwata kul yó kem kun tau.

Dwata 8:8

Tonok angat hmalay ne wen kem bungu grépen ne figen ne wen pumigriniten. Ne wen koyu uliben ne wen nuhag temneb bè yó snéen.

Glasya 2:15

Bè ktahuhen, kesfu me Ju se kum. Là kô me semfu gu bè yó kem tau là Ju le, yóm gel bnoluy me, “tau gemsalà” lemwót bè yóm là ketngón le du yóm hlau Musis.

Kun Snulat Jan 15:1

Bud mon Jisas, “Lómón ke ou yóm hol tahu hulu, ne Mà yóm fen semgyok du.

Sulat Pol Ebè Yó Kem Tau Hemtahu Bè Rom 11:24

Yu kem tau là Ju le, lómón ke hanga koyu ulib tmowok lem dlag nwa Dwata bud hlowilen bè lówó yóm koyu huluhen. Ke gbek Dwata lembù hlowil du bè yó yóm hanga tólóng koyu, sélét là gbek bud hlowilen du bè yó yó dum sana kun hanga.