Sulat Pol Ebè Yó Kem Tau Hemtahu Bè Rom 11:14 - Udél Dwata: Gna Kesfasad ne Lomi Kesfasad

¹⁴ Ke ton yó kem dou dumu Ju yóm nmò Dwata bélê ye, déke angat le mófô bélê ye, ne bè yó gónón wen bélê le gewà gu lem hatay.

Sulat Pol Ebè Yó Kem Tau Hemtahu Bè Rom 11:14 Referans Kwoze

1 Kurin 7:16

Yó gónón tódô mayà du yóm yehenen là hemtahuhen yó, abay se là kô tngónen du ke angat gbeken mit du bè solu Dwata, duhen ke là.

1 Timuti 4:16

Hol tenngelem kmoem, ne hol tenngelem se ktolokem. Hol henlelem mò du ni kem ni, abay se ke nmoem, angati gewà gu lem hatay se kóm, dalang se yó kem gel hmungol kóm.

Taytus 3:5

Là kô bè kehyu kmò du gónón lemwà kut, okóm tódô lemwót bè yóm kkoduhen kut, hlanen bè yóm Tulus Dwata. Lómón ke denyohen tu yóm Tulusen. Yóm kedyohen kut yó, yó se yóm kehbalingen kut ngà Dwata, ne blayen kut yóm lomi klowil.

2 Timuti 2:10

Kem kunen ne, kihu kem kmò le dou, syan ke gtóbóngu yó kem tau deng nélék Dwata anì gewà le gu lem hatay se kul lan le hemtahu bè Krays Jisas, ne anì guta le yóm klowil laen dù sónen.

1 Timuti 2:4

Abay se yó se kun kóyô ke kdéen tau gotu gewà, ne gotu tngón le yóm ktahuhen.

1 Kurin 1:21

Bè kun khulung hedem Dwata, là kô hlanen du bè kul ketngón kem tau tonok yóm kesetngón le ebéléen. Okóm yó gónón hlan du yóm kehewaen kul gu lem hatay, tódô lemwót bè yóm kehtahu le du yóm tulón nwit me, yóm gel mon le tulón laen dù muhen.

Sulat Pol Ebè Yó Kem Tau Hemtahu Bè Rom 11:11

Duhen yó, wen bud snólóku, yóm ketlokob yó kem Ju gehlós le kô? Là, là kô le gehlós. Bede lemwót bè kegsalà le, yó gónó Dwata hton du bè kem tau là Ju le yóm lan le gewà gu lem hatay. Atul Dwata se nim ni anì mófô yó kem Ju.

Sulat Jim 5:20

Ni mò hol hendem ye. Yóm tau tmóbóng du yóm tau hetlas yó, du se deng mò lanen gewà yóm tau yó, ne gbek Dwata hmifót du yóm kdê salaen.

Sulat Pol Ebè Yó Kem Tau Hemtahu Bè Rom 9:3

bè yó kem dou dumu Ju, yó kem tau hol dou litô. Sidek kegnómu du abay se là kô le hemtahu bè Krays. Ke yó dum gmò, mom hyu dé ke ou fen tnafak Dwata mò tles lówó le, ne ke ou fen glayuk bè Krays anì lu yóm gewà gu lem tafak.

Filimun 1:12

Ne ni bud huléku edyó ebéléem, ne tey gmung nawahu du.

Tekang Kbuten 29:14

mon Laban se, “Tahu se, hol tahu ngau uu, ssotu litô te.” Botong sbulón Jakub nô bélê le.

2 Samwél 19:12

Yu se kem dou dumu, dou unged, ne dou litô. Moen du ke yu yóm són huli hfulék dou?’ ”

Sulat Pol Ebè Yó Kem Tau Hemtahu Bè Rom 10:19

Bud wen snólóku. Là deng glileb le du kô kem tau Israél yóm tehe gel tulón le kul yó? Kaem deng glileb le ne. Ngem yóm udél Dwata tehe tulón Musis ekni gbak ebélê le, monen, “Angat le mófô yó kem dou tau Israél, sok tnóbóngu yó kem dumu tau. Angat wen gónó le lembut do yó kem dou tau sok knoduhu yó kem tau tehe là temngón dou.”

1 Kurin 10:33

Hol dnalang ye dé yóm dou nmò. Yó gel sen-galuhu ke gel hegnahu yó kem dumuhu tau, là kô hegnahu du yóm dou kóyô. Yó gónóhu mò du yóm yó anì wen lanu tmóbóng kul anì gewà le gu lem hatay se kul.

1 Timuti 1:15

Là kô olo ulóben du se nim monu mò kóm ni, Timuti, hol béen tlek wen tau hmingay du. Yó hol henduf Krays Jisas edini elem benwu anì wen lanen lemwà yóm tau gemsalà. Ne bè kdéen tau gemsalà, ou yóm tau alì gedlug salà nmoen,

2 Timuti 1:9

Deng lenwà Dwata tu gu lem hatay, ne tnabahen tu anì baling te kun tau. Sundu ke bè yóm hyu deng nmò te gónón lemwà kut, kaem tódô lemwót bè yóm kun kóyô tmóbóng kut. Yóm któbóngen kut yó, hlanen bè Krays Jisas gu laanen là deng dmimun du nim benwu ni.

Hibru 1:14

Okóm kul yó kem gel hógówen, mò kmò le se kul du? Lu se yóm mtulus tóbóng lówó Dwata. Gel dóken lu mò fen tmóbóng yó kem tau angat gmuta du yóm klowil laen dù sónen.

Hibru 2:3

Mom milud he kegtafak tekuy ke là kenmón tekuy du yóm tey hyu deng nmò Dwata bélê tekuy mò lan tekuy gewà gu lem hatay. Yó sem gónó tekuy mogot yóm tanay tmulón du yóm lan yó, ne lemwót yó kem tau mungol du, bud lu se hetngón du tekuy yóm ktahuhen.