Sulat Pol Ebè Yó Kem Tau Hemtahu Bè Rom 11:1 - Udél Dwata: Gna Kesfasad ne Lomi Kesfasad

¹ Wen snólóku, kenbê Dwata lu ne kô yó kem kun tau Israél? Là kô yó du. Anì sem ou ni duu tau Israél, semfu gu bè yóm tehe Abraham. Ne mfue bè yóm sotu ngà Israél boluyen Bindyamin.

Sulat Pol Ebè Yó Kem Tau Hemtahu Bè Rom 11:1 Referans Kwoze

2 Kurin 11:22

Ke gel mon yó kem tau heklabak yó, tau le Hibru, bude tau Hibru se dou. Ke mon le tau le Israél, bude tau Israél se dou. Ke mon le semfu le gu bè Abraham, ou snéen fù Abraham.

1 Samwél 12:22

Yóm Dwata, là kô nan e tódô bayà kul yó kem kun tau deng nélék. Ke bayaen lu henyaken yóm kun boluy. Tey kehyu nawahen bè yóm kehbalingen kuy mò kun tau.

Flipay 3:5

Abay se nim ou, bè yóm sotu fedyanu deng sut, htulì le ou snéen. Ne ou se hol semfu gu bè Israél, lugod yóm sotu ngaen Bindyamin. Tahuhe tau Hibru se dou. Bè yóm kdê hlau me mi kem Ju, gotu lolou, yakà tauhe Farisi se dou.

Kul Nmò 26:4

Tódô gotu tngón yó kem dou dumu Ju yóm dou klowil mbut bè hanà kegenu udì, kewóten bè yóm tehe knóu bè yóm dou benwu efet yóm knóu bè Jirusalim.

Kul Nmò 22:3

“Tauhe Ju se dou, lemwóte bè syudad Tarsus, yóm benwu snakuf Silisya. Okóm mnagie bè ni bè Jirusalim, yó sem Gamaliyél yóm tehe tmolok dou. Tey mget ktoloken du dou yóm hlau Musis, yóm sana hlau yó kem fù tekuy ekni. Tey mget se yóm dou klolò ke Dwata lómón se yóm kuy yóm kdê ye mdà bè ni nii.

Kem Lingón 94:14

Yóm Dwata, là kô nan e kenbê kul yó kem kun tau, ne là kô tódô bayaen kul yó kem kun tau nfun.

Sulat Pol Ebè Yó Kem Tau Hemtahu Bè Rom 9:3

bè yó kem dou dumu Ju, yó kem tau hol dou litô. Sidek kegnómu du abay se là kô le hemtahu bè Krays. Ke yó dum gmò, mom hyu dé ke ou fen tnafak Dwata mò tles lówó le, ne ke ou fen glayuk bè Krays anì lu yóm gewà gu lem tafak.

Sulat Pol Ebè Yó Kem Tau Hemtahu Bè Rom 3:4

Baluen he ke kdéen tau lem benwu gotu mò kéng, là kun ke Dwata, hono tahu yóm kun gel mon. Lómón ni se yóm sotu monen bè sulat Dwata, yóm monen, “Bè kudélem, Dwata, hol gónón gfan yóm ktedengem. Baluen ke wen tô duón le kóm, kaem uu matù bélê le.”

2 Bok Kem Tau Hol Geta 23:27

Yakà deng mon Dwata du, “Angat genbau yóm benwu Juda lómón kegbau yóm benwu Israél. Angat kóhu lu bè soluhu. Angat kenbéu Jirusalim yóm syudad deng néléku, ne bud kenbéu snéen yóm Gónô deng monu mò gónó le madat yóm dou boluy.”

Kem Lingón 77:7

Laen dù tul sónen ne kô yóm kekbê Dwata dou? Là buden hligal béléu ne kô?

Kun Snulat Luk 20:16

Yó nmoen, tódô lemwót etu bélê le nan e gotu hnatay lu. Bud tólóng tau ne hogoten du yóm huluhen yó.” Timbow gungol yó kem tau nim tulón Jisas kul ni, botong mon le, “Bê. Là he yó.”

Sulat Pol Ebè Yó Kem Tau Hemtahu Bè Rom 11:11

Duhen yó, wen bud snólóku, yóm ketlokob yó kem Ju gehlós le kô? Là, là kô le gehlós. Bede lemwót bè kegsalà le, yó gónó Dwata hton du bè kem tau là Ju le yóm lan le gewà gu lem hatay. Atul Dwata se nim ni anì mófô yó kem Ju.