Sulat Pol Ebè Yó Kem Tau Hemtahu Bè Rom 10:8 - Udél Dwata: Gna Kesfasad ne Lomi Kesfasad

⁸ Okóm ni se yóm hol tulónen, yóm monen, “Deng nô bélê ye ne nim tulón Dwata ni, yó sem tendo gel sentulón ye, lel ye tendo gel hemdem du snéen.” Yóm tulón Dwata monen yó, yó se gel tulón me kuy, duhen yóm kehtahu tekuy bè Krays.

Sulat Pol Ebè Yó Kem Tau Hemtahu Bè Rom 10:8 Referans Kwoze

Dwata 30:14

Okóm yó kem hlau Dwata yó deng eles nô bélê ye. Kaem gbek ye tódô mon du bè sumóng ye ne deng eles nô lem hendem ye. Yó gónóm mon, hol nimón ye.

1 Timuti 4:6

Ke hol heglalagem bè kem dumuhem hemtahu ni kem hlolou kóm ni, bong hyu kwitem du yóm deng sigang Krays Jisas tahem. Ne temnù kbegelen yóm kehtahuhem lanem hemnagì du yóm Udél Dwata deng hentahuhem, ne yóm tahu tolok deng loloem.

1 Pitér 1:25

Okóm yóm kun Udél yóm gónó tekuy mogot, laen kô dù tul sónen.” Yóm udél monen yó, yó se yóm Tulón Hyu gel hetngón le kuy yó kem tau gel tmolok bélê ye.

Glasya 3:2

Tulón ye do kun. Yó kô gónó Dwata bemlay du kuy yóm Tulusen lanen gulit klolò ye du yóm hlau Musis? Là kô yó du. Kaem yó dé gónó Dwata bemlay du kuy yóm Tulusen lemwót bè yóm deng kungol ye du yóm Tulón Hyu ne bè yóm deng kehtahu ye du.

Glasya 3:5

Deng tehe sù Dwata bélê ye yóm Tulusen, ne wen se yó kem hentaw ton gel nmoen lem blóng ye. Bè yóm kmoen du bélê ye ni kem ni, lemwót bè yóm klolò ye du yóm hlau kô? Là kô yó du. Kaem yó dé gónón lemwót bè yóm deng kungol ye du yóm Tulón Hyu ne yóm deng kehtahu ye du.

Sulat Pol Ebè Yó Kem Tau Hemtahu Bè Rom 10:17

Duhen yó, yó gónó le hemtahu yó kem tau ke deng gungol le yóm Tulón Hyu. Ne yóm Tulón Hyu monu yó, duhen yó se yóm tulón me gbak ebè Krays.

Kul Nmò 10:43

Yóm Jisas ni,” mon Pitér, “du se gónón e gbak yóm tehe gel tulón yó kem tehe tugod Dwata ekni. Yó gel mon le, nô kihu tau hemtahu béléen, gbek Dwata hmifót salà le hlanen bè yóm tey kfasang yóm boluy Jisas.”

1 Pitér 1:23

Wen lomi klowil blay Dwata tekuy hlanen bè udélen, yóm udél laen dù tul sónen. Là kóen lemwót bè kul klowil yó kem tuha tekuy yóm klowil yó, bede hol lemwót bè Dwata, yóm laen dù tul katayen.

Kul Nmò 16:31

Mon le Pol se mò du, “Hol hentahuhem Jisas, yóm hol gónó mogot, ne angati gewà, dalang se yó kem fes lówóhem.”

Isaya 57:19

Wen kenek nawa blayu kul yóm kdê le, tau moni duhen tau mayuk. Tódô kóhu bè yó kem dou tau yó kem salà le.

Ifisus 5:26

Yó gónón matay anì wen lanen hembaling tekuy tau Dwata. Hólósen tekuy hlanen bè udélen ne bè yóm kehbabtays tekuy,