Sulat Pol Ebè Yó Kem Tau Hemtahu Bè Rom 10:7 - Udél Dwata: Gna Kesfasad ne Lomi Kesfasad

⁷ Duhen ke wen mógów ebè yóm benwu gónón nô yó kem tau deng matay anì bud niten mulék ete tonok Krays.” Là kô yó du.

Sulat Pol Ebè Yó Kem Tau Hemtahu Bè Rom 10:7 Referans Kwoze

Hibru 13:20

Deng hlowil Dwata yóm gónó tekuy mogot Jisas. Lemwót bè yóm katayen bélê tekuy yó, hol lómón ke du yóm hol geta bè yó kem semgyok ubiha, ne tekuy se yóm hol sen-gyoken. Yóm litô hamaen bélê tekuy, yó se hol hemget du yóm lomi lan nmò Dwata mò lan tau ebéléen, ne laen kô sónen yóm lan nmoen yó. Yó hem Dwata gónón lemwót yóm kenek nawa tekuy hol tmóbóng kuy anì gbek ye mò du yóm kun kóyô. Ne bud du se hembaling tekuy kem tau mò hol hefligal du hlanen bè Jisas Krays. Hol bê tekuy abay nmò sónen yóm kdóyón tekuy ke Krays.

Deng Hegfan 1:18

Ou se yóm laen dù tul katayen. Denge tehe matay, okóm ni denge bud mowil, laen dù bud sónen ne yóm dou klowil. Ou se yóm wen kfasangen mogot hatay, dalang se yóm benwu gónó le nô yó kem tau deng matay, ou se yóm mogot du.

1 Pitér 3:22

Ne ni kmoen ni deng nô bè longit ne Jisas, myón fi bè kwanan Dwata mò ilô yóm kehkamal Dwata du du yóm kdéen hógów Dwata gu bè longit, ne kdê yó kem dumu mtulus wen kwalis le ne wen kfasang le bè yó bè longit.

1 Pitér 3:18

Yakà dengen tehe matay Krays lanen fen mayad salà, ne là kô bud sneefen du ne yóm yó. Deng mom fen matay yóm tau hol hyu kmoen mò leyu lówó tekuy kem tau gemsalà anì wen lanen mit tekuy ebè Dwata. Ghatay le lówóhen, okóm là yó dum lóyófen, tódô hlós mowil.

Sulat Pol Ebè Yó Kem Tau Hemtahu Bè Rom 4:25

Deng fen tódô hamà Dwata Jisas mò matay bè salà tekuy, okóm deng bud hlowilen gu lem hatay. Yó se yóm deng nmò Dwata mò gónón tedeng ktonen tekuy.

Kun Snulat Luk 8:31

Yó henkodu le bè Jisas béen tagad hulék lu elem sol leyóng, yóm kul gónó nô lem tonok.