Sulat Pol Ebè Yó Kem Tau Hemtahu Bè Rom 10:17 - Udél Dwata: Gna Kesfasad ne Lomi Kesfasad

¹⁷ Duhen yó, yó gónó le hemtahu yó kem tau ke deng gungol le yóm Tulón Hyu. Ne yóm Tulón Hyu monu yó, duhen yó se yóm tulón me gbak ebè Krays.

Sulat Pol Ebè Yó Kem Tau Hemtahu Bè Rom 10:17 Referans Kwoze

Glasya 3:2

Tulón ye do kun. Yó kô gónó Dwata bemlay du kuy yóm Tulusen lanen gulit klolò ye du yóm hlau Musis? Là kô yó du. Kaem yó dé gónó Dwata bemlay du kuy yóm Tulusen lemwót bè yóm deng kungol ye du yóm Tulón Hyu ne bè yóm deng kehtahu ye du.

Glasya 3:5

Deng tehe sù Dwata bélê ye yóm Tulusen, ne wen se yó kem hentaw ton gel nmoen lem blóng ye. Bè yóm kmoen du bélê ye ni kem ni, lemwót bè yóm klolò ye du yóm hlau kô? Là kô yó du. Kaem yó dé gónón lemwót bè yóm deng kungol ye du yóm Tulón Hyu ne yóm deng kehtahu ye du.

1 Tisalunika 2:13

Bud sotu gónó me tendo gel dmóyón ke Dwata snéen. Bè yóm tehe kwit me ebélê ye yóm tulón lemwót bè Dwata, bè yóm kungol ye du tódô kendel henmóyô ye, ne tódô dilô ye hol tahu kun udél Dwata, là kô olo udél tau du. Ne tahu se yó. Ne lemwót bè udélen wen gel nmò Dwata bélê ye yu kem tau deng hemtahu.

Kulasi 3:16

Hol sù ye bè nawa ye yóm tey hyu gel dnalang ye gbak ebè Krays. Hol ye gel stolok ne seflau lemwót bè yóm khulung ye hedem. Ne gel sngal ye dé yó kem lingón nô bè bok Lingón, dalang se yó kem dumu sngal Dwata. Semngal ye ebè Dwata, hol hmung ye du snéen yóm alì kdóyón ye du.

Kun Snulat Luk 11:28

Okóm yó mom balà Jisas du, monen, “Milud he kehligalen yóm tau ke hnungolen yóm udél Dwata, ne nimónen.”

Mark 4:24

Bud mon Jisas mò kul, “Hol hentilob ye dé hmungol du ni kem gel gungol ye ni. Ke tilob khungol ye du, Dwata se heglileb du kuy yóm lanen, ne du se angat bud temnù du bélê ye yóm deng ketngón ye.

Kun Snulat Luk 8:21

Ne mom yó mon Jisas ebè yóm kdê le, monen, “Yó se tau hmungol yóm Udél Dwata ne mimón du, du se yéu ne kem twolihu.”

Sulat Pol Ebè Yó Kem Tau Hemtahu Bè Rom 1:16

Nim Tulón Hyu gel nwitu ni, laen kô bang gónóhu myak heglalag du. Kaem bè yó se gónón gfan yóm kfasang Dwata lemwà kdéen tau gu lem hatay ke hemtahu le bè Jisas, lemwót bè yó kem tau Ju kkólen bè yó kem tau là Ju le.

Sulat Pol Ebè Yó Kem Tau Hemtahu Bè Rom 10:14

Okóm tedu se kmò kehtóbóng tau béléen ke là deng hentahu le du? Ne tedu se kmò kehtahu le béléen ke là deng gungol le du yóm tulón gbak béléen? Ne tedu se kmò kungol le du boluyen ke là deng wen tau tmulón du kul?

1 Pitér 1:23

Wen lomi klowil blay Dwata tekuy hlanen bè udélen, yóm udél laen dù tul sónen. Là kóen lemwót bè kul klowil yó kem tuha tekuy yóm klowil yó, bede hol lemwót bè Dwata, yóm laen dù tul katayen.

Kun Snulat Luk 8:11

“Ni sii,” mon Jisas, “tennefen yóm hlingón yó koni. Yó kem bnék sohul yóm tau yó, duhen yóm Udél Dwata.

Deng Hegfan 1:9

Ou se Jan, yóm sotu dumu ye setwoli. Lemwót bè yóm klolou ke Jisas, denge mkél bélê ye ne bè yóm kehbala ye du yóm keglayam sut bè yó kem tau nogot Jisas. Ni deng mom htólóng le o bè ni bè Patmus, yóm sotu hungul nô talak mohin. Yó duón le do lanu tmolok yóm Udél Dwata, ne yóm ktahuhen lemwót bè Jisas.

2 Kurin 2:17

Bélê me kum, là kô me mkél bè yó kem dumu tau tmolok Udél Dwata, són filak gel hnebel le. Tey dê se kem tau mò du yóm yó. Okóm lemwót bè yóm khógów Dwata kum, tey gulit kmò me du yóm hmoen kum, hol lómón ke nô me bè soluhen bè yóm gel ktolok me, yakà deng me tóbóng lówó Krays.

Job 42:5

Tahu se, Dwata. Bè gnan olohu mungol du yó kem tulón le do lemwót gu béléem. Okóm ni, deng hol dou mata mton kóm.

Hibru 4:2

Yakà dengen gefet bélê tekuy ne yóm Tulón Hyu, hol lómón yóm tehe kgefeten bélê le se kul ekni. Okóm laen kô dù ofol le hmungol du, abay se là hentahu le du.

Kun Snulat Jan 1:37

Bè yóm kungol le du yó kem lewu gel lemolò ke Jan yóm monen yó koni, tódô le kendel mung huli ke Jisas.