Sulat Pol Ebè Yó Kem Tau Hemtahu Bè Rom 10:16 - Udél Dwata: Gna Kesfasad ne Lomi Kesfasad

¹⁶ Okóm là kô kdê le du hemtahu du yóm Tulón Hyu yó. Hol mkél bè yóm sotu tehe mon Isaya ekni, yóm monen, “Ó Dwata, là holen wen tau hemtahu du yóm gel tulón me.”Duhen yó, yó gónó le hemtahu yó kem tau ke deng gungol le yóm Tulón Hyu. Ne yóm Tulón Hyu monu yó, duhen yó se yóm tulón me gbak ebè Krays.

Sulat Pol Ebè Yó Kem Tau Hemtahu Bè Rom 10:16 Referans Kwoze

Isaya 53:1

Yó udél yó kem tau, mon le, “Tau du de tô gembek hemtahu du yóm tulón me ni koni? Tau du de tô gembek milô du yóm kfasang Dwata?

Sulat Pol Ebè Yó Kem Tau Hemtahu Bè Rom 3:3

Anien he ke wen bélê tekuy là mimón du yóm sulat yó, okóm ke Dwata, là kô tenlesen du yóm deng tehe fasaden tekuy.

Hibru 4:2

Yakà dengen gefet bélê tekuy ne yóm Tulón Hyu, hol lómón yóm tehe kgefeten bélê le se kul ekni. Okóm laen kô dù ofol le hmungol du, abay se là hentahu le du.

2 Tisalunika 1:8

Ne wen tey dilóf ofi mung du snéen mò tafaken yó kem tau kembê ke Dwata, ne là mimón du yóm Tulón Hyu gbak ebè yóm gónó tekuy mogot Jisas.

Glasya 5:7

Tehe tey tedeng klolò ye ke Krays. Tau du se hemseng kuy anì là bud lolò ye du yóm ktahuhen? Tedu se aluhen kuy du yóm tau yó?

1 Pitér 2:8

Ne wen sotu monen bè Sulat Dwata, yó monen, “Yó se yóm botu angat geslob yó kem tau, ne hlós le tlokob du.” Tahu se yóm yó. Tlokob le du lemwót bè yóm là kimón le du yóm Udél Dwata. Tu se tehe eles olu Dwata ebè yó kem tau là mimón le.

Hibru 11:8

Dalang se ke Abraham ekni. Lemwót bè yóm kehtahuhen bè Dwata, yó gónón tódô mimón yóm ktaba Dwata du ebè yóm benwu deng fasaden du. Tódô tnagaken yóm kun benwu, balù yóm là ketngónen du gónón seblà yóm benwu deng fasad Dwata du.

Hibru 5:9

Tikóng deng gotu nmoen yóm hmò Maen du, yó gónó Dwata hlan du tahen yóm kegewà tekuy gu lem hatay. Kdéen tau mimón du, gotu blayen kul yóm klowil laen dù sónen.

Sulat Pol Ebè Yó Kem Tau Hemtahu Bè Rom 6:17

Tehe ye ghesek bè yóm óyô ye mò sidek, okóm ni gónóhu hol dmóyón ke Dwata abay se deng hol nô bè nawa ye mimón du yóm ktahuhen lemwót gu bè Dwata.

Sulat Pol Ebè Yó Kem Tau Hemtahu Bè Rom 2:8

Okóm yó kem tau són ktes le kul knóyô, kenbê le yóm hyu ne són nmò le yóm sidek, angat hotu Dwata eta le yóm tey sidek kebuten kul.

1 Pitér 3:1

Senged se kuy kem libun deng myehen. Hol gel nimón ye tuha logi ye, anì yó ke wen bélê le là hemtahu du yóm Udél Dwata, angat gwit ye lu tódô hemtahu lemwót bè yóm kton le yóm hyu kmò ye, baluen ke là bud wen udél ye ebélê le.

1 Pitér 1:22

Lemwót bè yóm deng kimón ye yóm ktahuhen, deng ye baling mólós ne, ne deng wen ne yóm tahu kesbong ye nawa. Hol hewót ye lem nawa ye yóm kesbong ye nawa yó.

Glasya 3:1

Tey ye bakà, kem tau bè Glasya. Tau du de yóm deng gónó ye tawan? Igò me deng tehe hegtukul du bélê ye muhen yóm katay Jisas Krays bè kros.

Sulat Pol Ebè Yó Kem Tau Hemtahu Bè Rom 16:26

Okóm nim kmoen ni, deng hetngón Dwata hlanen bè yóm deng snulat yó kem tehe tugoden ekni. Yó hol hmò Dwata kum, hol hetngón me nim tulón ni ebè kdéen tau bè klamangen benwu anì hemtahu le, ne nimón le snéen. Ni se hol kun kóyô yóm Dwata laen dù tul katayen.

Sulat Pol Ebè Yó Kem Tau Hemtahu Bè Rom 11:17

Okóm yóm koyu ulib nfun Dwata yó, deng wen hanga kenlengen du ne tugoden du bè yóm hanga koyu ulib tehe nwahen tmowok lem dlag. Yu kem tau là Ju le, hol lómón ke yu yóm koyu ulib lem dlag. Deng ye gomong lembud bè yóm koyu hyu nfun Dwata, duhen yó kem Ju.

Sulat Pol Ebè Yó Kem Tau Hemtahu Bè Rom 1:5

Mlan bè yóm Ngaen yó, wen tey hyu hmò Dwata dou, duhen yóm gel khógówen dou elem blóng yó kem tau là Ju le anì hol megdóyón Krays. Nitu yóm Tulón Hyu lem blóng le anì gbót nimón le Jisas se kul lemwót bè yóm kehtahu le béléen.

Kul Nmò 28:24

Wen se bélê le hemtahu du yóm tulónen, ne wen se là.

Kun Snulat Jan 10:26

Okóm là kô hentahu ye dou, abay se là gomong ye bè yó kem dou ubiha sen-gyok.

Isaya 50:10

Bong bélê ye kuy, yu kem tau wen klikoen ke Dwata, yu kem gel mimón du yóm udél yóm tau tóbóng lówóhen, anien ke tey kmifu yóm lan lolò ye, hol snalig ye yóm gónó ye mogot, hol ken-gel nawa ye Dwata.

Matyu 13:14

Yó deng gónón dohò yóm tehe mon yóm sotu gna tugod Dwata ekni boluyen Isaya, ‘Anien he ke gungol le, là kô glileb le du. Anien he ke ton le, là kô dilô le du.