Sulat Pol Ebè Yó Kem Tau Hemtahu Bè Rom 10:15 - Udél Dwata: Gna Kesfasad ne Lomi Kesfasad

¹⁵ Ne tedu kmò kógów le na a tmulón du ke là wen hógów kul? Lómón yóm monen bè Sulat Dwata, yó monen, “Tey bong hyu gemnóm du yóm ksut yó kem tau mit yóm Tulón Hyu.”

Sulat Pol Ebè Yó Kem Tau Hemtahu Bè Rom 10:15 Referans Kwoze

Isaya 52:7

Tey minggel mton du yóm tau hógów le hulé bulul niten yóm tulón hyu. Yó lemen, duhen yóm tulón mit kenek nawa. Gotu heglalagen yóm deng kegmò le bè kem hohon le. Ne yó udélen ebè yó kem tau bè benwu Sayun, monen, “Yóm kuy Dwata, du se hol dandónen geta mogot klamangen.”

Nahum 1:15

Tengel ye dé, wen tau sut gu lem bulul mit tulón hyu. Yó tulónen bud menek kebenwu ye kun. Ó kem tau bè Juda, bud nmò ye dé yó kem dê gel hnigal ye ne dnohò ye yó kem deng fasad ye ke Dwata, abay se yó kem tau Ninibi hmohon kuy yó, là bud nled le du ne benwu ye. Deng le gotu sulék meglà.

Ifisus 2:17

Duhen yó, yó gónón sut Krays anì hetngónen tekuy yóm Tulón Hyu mò lan tekuy mit sefyu ebè Dwata. Hetngónen kuy yu kem tau là Ju le, kem tau tehe mayuk bè Dwata. Bud hetngónen kum mi kem tau Ju, kem tau tehe moni béléen.

Isaya 61:1

Yóm Dwata hol dandónen geta gónóhu mogot, deng suen béléu yóm Tulusen. Deng néléken ou ne hógówen ou mò mit yóm tulón hyu bè yó kem tau élél ne mò hemyu nawa yó kem tau deng lebà nawa le ne mò fen heglalag du bè yó kem tau negef ne bè yó kem tau blanggù yóm kegewà le.

Ifisus 6:15

Yó henged tlumfà tekuy, duhen yóm tendo gel ktulón tekuy yóm Tulón Hyu gónó tau mit sefyu ebè Dwata.

Isaya 40:9

Ó kem tau bè Jirusalim, mneged ye eta yó kem bulul, heglalag ye bè yó yóm tulón hyu. Yu kem tau bè Sayun, hol hgel ye dé yóm udél ye, heglalag ye yóm tulón hyu. Hol tulón ye, bê ye abay hlikò. Tulón ye bè tu kem benwu lemnek bè Juda, móyónen kól ne yóm Dwata le.

Ifisus 3:8

Ou se yóm hol glaan bè yóm kdéen tau Dwata, okóm deng mom sigang Dwata tahu nim tey hyu hmoen dou ni, duhen yóm kwitu du elem blóng yó kem tau là Ju le. Yó hol lemen nim Tulón Hyu ni, duhen yóm tey kehyuhen yóm tóbóng Krays, yóm kehyu là gbek tekuy hmingón du.

Jirimaya 23:32

Hol hnungol ye yóm dou udél ebélê ye. Tey kekbéu kul yó kem tmugod gel tmulón kna kéng. Nwit le lu tlas yó kem dou tau mlan bè yóm kna kéng gel tulón le. Là kô naw e hógów kul dou yó kem tmugod yó, là kô naw e nélék kul. Laen kô dù gónó le gemtóbóng yó kem tau.” Là gomongen bè nili yóm bérs 33 kól bè bérs 40. Yó tulónen bè ni kem bérs ni yóm gel tulón yó kem tau lembù tmugod ke Dwata, yó gel mon le, “Udél lemwót bè Dwata nim udélu ni.” Anì monem là. Lemwót bè yóm tey keblat nawa Dwata bè nim nmò le ni, yó gónóhen homong kul bè yó kem dumu tau negef le ebè tólóng benwu. Tey kehyaken kul, yóm yak là mkóhen ta le efet kól bè sónen.

1 Pitér 1:12

Ne bud hetngón Dwata bè yó kem tehe tugoden yó, là bè kul kehyu du yóm hennagì le yó, okóm bè kuy kehyu. Ne tahu se. Yóm tehe gel tulón le yó ekni, deng gel gungol ye se kuy nim kmoen ni lemwót bè yó kem tau gel tmolok bélê ye yóm Tulón Hyu hlan le bè kfasang yóm Tulus Dwata gu bè longit. Yóm kegewà tekuy gu lem hatay, balù yó kem hógów Dwata gu bè longit, tey tô kóyô le temngón du se kul yóm kmò Dwata du.

Kun Snulat Jan 20:21

Ne bud mon Jisas mò kul, “Dwata he hol henek nawa ye. Lómón yóm tehe khógów Mà do, hol lómón yó se bud khógówu kuy.”

Kul Nmò 22:21

Bud mon yóm gónóhu mogot mò dou, ‘Lemwóti ne, abay se mayuk gónóhu e hógów kóm elem blóng yó kem tau là Ju le.’ ”

Kul Nmò 13:26

Ó kem dumuhu tau Israél,” mon Pol, “kem tau mfù bè Abraham, dalang se yu kem tau là Juhen deng hemtahu bè Dwata, ebélê tekuy se gónó Dwata e hemwit du yóm tulón mò gónó tekuy gewà gu lem hatay.

Kul Nmò 9:15

Bud mon yóm gónóhen mogot mò du, “Lemwóti etu ne, abay se deng néléku nim tau ni mò angat hógówu elem blóng yó kem tau là Juhen, ne ebè yó kem tau hol geta, ne ebè yó kem tau Israél snéen. Du se angat heglalag du yóm dou boluy lem blóng le.

Kun Snulat Luk 10:1

Kogolen bè yó, wen hitu folò lewu tau bud nélék Jisas, ket ne lewu kmò khógówen kul, hegnahen lu ebè tu kem benwu gónón angat e mógów.

Kun Snulat Luk 8:1

Timbow kogolen bè yó, omin Jisas tódô hlós ebè yó kem dumu benwu lanen tmulón du yóm Tulón Hyu gbak ebè yóm kogot Dwata tau. Ne mung du yó kem sfolò lewu tau gel lemolò du.

Kun Snulat Luk 2:14

“Hol dóyón tekuy yóm Dwata nô bè yóm hol són longit geta. Ne hol wen kenek nawa kem tau te tonok, yó kem tau gel hefligal ke Dwata.”

Kun Snulat Luk 2:10

Okóm yó mon yóm hógów Dwata mò kul, “Bê ye abay mom hlikò. Wen hyu naw e tulón kuy yóm angat hnigal kdéen tau.

Matyu 9:38

Hol ye mni bè Dwata dé yóm fun nuta anì wen tau hógówen mò na a muta.”

Isaya 57:19

Wen kenek nawa blayu kul yóm kdê le, tau moni duhen tau mayuk. Tódô kóhu bè yó kem dou tau yó kem salà le.

Kul Nmò 10:36

Deng tngón ye yóm tulón hwit Dwata ebè yó kem tau Israél, duhen yóm Tulón Hyu mò lan tau mit sefyu ebéléen hlanen bè Jisas Krays, yóm hol gónó le mogot yóm kdéen tau.

Sulat Pol Ebè Yó Kem Tau Hemtahu Bè Rom 1:15

Yó gónóm mon, tey tô ódódu tmolok yóm Tulón Hyu bélê ye snéen yu kem tau menwu bè Rom.

Sulat Pol Ebè Yó Kem Tau Hemtahu Bè Rom 15:20

Bè yóm gel ktoloku yóm Tulón Hyu, yó hol sen-galuhu ke yó gónóhu tmolok bè yó kem tau là deng mungol du yóm boluy Krays. Là kóe tmolok bè yó kem benwu deng wen tmolok du.