Sulat Pol Ebè Yó Kem Tau Hemtahu Bè Rom 10:14 - Udél Dwata: Gna Kesfasad ne Lomi Kesfasad

¹⁴ Okóm tedu se kmò kehtóbóng tau béléen ke là deng hentahu le du? Ne tedu se kmò kehtahu le béléen ke là deng gungol le du yóm tulón gbak béléen? Ne tedu se kmò kungol le du boluyen ke là deng wen tau tmulón du kul?

Sulat Pol Ebè Yó Kem Tau Hemtahu Bè Rom 10:14 Referans Kwoze

Taytus 1:3

Deng eles bnutengen yóm keheglileben du bè kem tau yóm klowil laen dù sónen yó, hlanen bè yóm tulón lemwót béléen. Ne nim tulón ni, deng sigangen tahu, duhen yó sem tendo tulónu ebè kem tau. Ni se yóm hmò Dwata dou, yóm Dwata deng lemwà tekuy gu lem hatay.

Hibru 11:6

Ke là hemtahuhen yóm tau, là kô gbeken hefligal ke Dwata. Ke wen tau tô hloni ebéléen, là gbeken du ke là hentahuhen du yóm kwen Dwata, ne yóm kwen ofol blayen bè yó kem tau hloni ebéléen.

Kul Nmò 8:31

Mon yóm tau genlal yó koni, “Tô kmò ketngónu du se ke laen dù tau tmulón du dou.” Ne hsakayen Filip ta klisahen.

Sulat Jim 5:15

Ke hol snalig le Dwata bè yóm kni le béléen yó, mkó se yóm desen ne bud hfulék Dwata yóm kehyu klówóhen. Ke deng wen salà tehe nmoen, hnifót Dwata.

2 Timuti 4:17

Okóm yóm gónó tekuy mogot, là kô bayaen dou, ne du fen temgel nawahu anì hol gotu gtulónu yó kem tau là Ju le bè yó yóm mò lan le gewà gu lem hatay. Ne deng lenwà Dwata ou bè yóm tô khatay le do.

Ifisus 4:21

Deng gel gungol ye yóm kun kmò, ne lemwót bè yóm deng klolò ye du, deng tolok le kuy yóm hol ktahuhen lemwót bè Jisas.

Kun Snulat Jan 20:31

Ni gónóhu smulat du ni kem ni anì hentahu ye se kuy yóm Jisas, du se yóm Misaya, yóm hol Ngà Dwata. Lemwót bè yóm kehtahu ye du, yó se gónó ye gmuta yóm klowil laen dù sónen.

Kul Nmò 19:2

Ne snólóken lu, monen, “Deng kól bélê ye kô yóm Tulus Dwata bè yóm deng kehtahu ye?” Mon le se, “Là he. Là deng gungol me du he kum yóm Tulus Dwata monem yó.”

Sulat Pol Ebè Yó Kem Tau Hemtahu Bè Rom 1:5

Mlan bè yóm Ngaen yó, wen tey hyu hmò Dwata dou, duhen yóm gel khógówen dou elem blóng yó kem tau là Ju le anì hol megdóyón Krays. Nitu yóm Tulón Hyu lem blóng le anì gbót nimón le Jisas se kul lemwót bè yóm kehtahu le béléen.

Juna 1:16

Bè kton le du nim ni, botong le likò ke Dwata yó kem tau gel mò nmò bè kafal. Yó nmò le, wen dsù le ebéléen ne fasad le yóm kimón le du.

Juna 1:5

Ya tey sidek klikò yó kem tau mò nmò lemen, tódô ket tau tmaba ebè yóm kun dwata gónó hemtahu, lel le gotu mbot elem mohin yó kem dumu lulón le anì malù maan yóm kafal. Okóm ke Juna kun, mom henga tungô ditu laan lem bediga yóm kafal.

Kun Snulat Jan 9:36

Mon yó sem tau tehe butô yó, “Tmau du de yóm tau yó, Sér, anì hemtahuhe béléen?”

Ifisus 2:17

Duhen yó, yó gónón sut Krays anì hetngónen tekuy yóm Tulón Hyu mò lan tekuy mit sefyu ebè Dwata. Hetngónen kuy yu kem tau là Ju le, kem tau tehe mayuk bè Dwata. Bud hetngónen kum mi kem tau Ju, kem tau tehe moni béléen.

Dwata 30:13

Là se kóen nô sentu mohin anì wen lasun ye mon du, ‘Laen kô dù tau gembek mifal etu mò na a mit du ebélê tekuy anì gungol ne mò kut nimón.’

Matyu 20:7

Bnalà le se, mon le, ‘Laen dù tau hmò kum nmò.’ Bud monen se mò kul, ‘Mò ye nmò béléu dé bè huluhu.’ Tahu se, na le e mò nmò.