Sulat Pol Ebè Yó Kem Tau Hemtahu Bè Rom 10:12 - Udél Dwata: Gna Kesfasad ne Lomi Kesfasad

¹² Yóm Udél Dwata yó, laen kô dù tau ke là gomongen lemen, abay se laen kô gónó le stólóng yó kem Ju bè yó kem tau là Ju le. Tek sotu se yóm gónóhen mogot yóm kdéen tau, duhen Jisas Krays. Kihu tau tmaba béléen, sal sket gel tnóbóngen lu.

Sulat Pol Ebè Yó Kem Tau Hemtahu Bè Rom 10:12 Referans Kwoze

Flipay 4:19

Ke Dwata kun, lemwót bè yóm tey kendengenen, gotu blayen kuy yóm gónó ye élél hlanen bè Krays Jisas.

Deng Hegfan 17:14

Angat le gotu mit sfatay bè yóm Ngà Ubiha, okóm laen kô dù gmò le béléen. Ne yó kem tau mung bè yóm Ngà Ubiha, lu se yó kem tau tehe tnabahen, deng tehe néléken, tau là monol nawa le bè yóm klolò le du. Angat le matù, abay se yóm Ngà Ubiha, du se yóm hol gónó le mogot yó kem kdéen mogot, ne du se yóm Hol Geta bè yó kem kdéen tau hol geta.”

Sulat Pol Ebè Yó Kem Tau Hemtahu Bè Rom 3:22

Yó gónón baling tedeng kton Dwata tekuy, duhen yóm kehtahu tekuy ke Jisas Krays. Tu se nmò Dwata bè kdéen tau hemtahu bè Krays, laen kô dù mtukul néléken.

Glasya 3:28

Duhen yó, laen kô dù gónó ye stólóng kem tau hemtahu bè Krays, tau Ju duhen tau là Ju le, tau klifen duhen tau là klifenen, logi duhen libun. Tódô gotu senged yóm kdê ye lemwót bè yóm deng kessotu ye bè Krays Jisas.

Kem Lingón 86:5

Tey kehyuhem, Dwata, ne mahil béléem hmifót salà, ne tey kbong nawam kul yó kem tau htóbóng béléem.

Kulasi 3:11

Yó nefeten nim lomi klowil ni, laen dù bud gónón stólóng ne yóm tau Ju ne yóm tau là Juhen, yóm tau tnulì ne yóm tau là tnulien, yóm tau tólóng udélen, ne yóm tau laen dù tngónen, yóm tau klifen ne yóm tau là klifenen, abay se Krays yóm alì bong muhen bè kdéen, ne du se tendo nô bélê tekuy.

Kem Lingón 145:18

Tey moni bè yó kem tau gel tmaba ebéléen, bè yó kem tau hol lemwót bè nawa le tmaba du.

1 Timuti 2:5

Yakà tek sotu du Dwata, ne tek sotu se yóm blóng tau ebè Dwata, duhen yóm tau boluyen Krays Jisas.

Flipay 2:11

Ne kdê le se angat gotu mon du, “Jisas Krays se yóm hol gónó mogot bè klamangen.” Ne bè yóm kmon le du yóm yó, yó se gónó Dwata yóm Mà tekuy hol megdóyón.

Ifisus 3:6

Ni se hol lemen yóm tehe bunihen yó, duhen yóm kehlan Dwata du bè yóm Tulón Hyu yóm khomongen kuy yu kem tau là Juhen bè yó kem hyu blayen bè yó kem Ju. Deng ye tahu baling kun fes lówó Dwata snéen kuy, ne wen kuy du snéen yóm tehe fasad Dwata bè yó kem Ju hlanen bè Krays Jisas.

Deng Hegfan 19:16

Wen boluy snulat bè yóm nesen ne bè hahahen snéen, monen, “Yóm Hol Geta bè kdéen tau hol geta ne yóm hol gónó le mogot yó kem kdéen mogot.”

Ifisus 1:7

Lemwót bè yóm tehe fen katay Krays bélê tekuy, yó se gónó Dwata lemwà tekuy, duhen yó se yóm kmò kehlifóten yóm salà tekuy. Tey bong yóm któbóngen tekuy yó.

Sulat Pol Ebè Yó Kem Tau Hemtahu Bè Rom 14:9

Yó se gónón tehe matay Krays ekni, ne bud mowil, anì du gónó tekuy mogot, kihu ke tolo tekuy mowil duhen ke deng tekuy matay.

Sulat Pol Ebè Yó Kem Tau Hemtahu Bè Rom 2:4

Déke yó hendemem là kô tnafaken kóm, abay se tey hyu nawa Dwata, là mahilen tmakas, ne tey manay nawahen. Là kô yó du. Igò yó gónó Dwata hemyu kmoen ebéléem anì wen lanen mit kóm hegsel.

Isaya 55:6

Tnana ye semfulék ebè Dwata dé ne hol ye mni béléen nim igoen tolo moni bélê ye.

Kulasi 1:27

Kun kóyô Dwata ke hegfanen bè yó kem kun tau ni kmoen ni yóm tehe gbuni bè yó kem tau gnan, duhen yóm tey któbóngen yóm kdéen tau bè klamangen benwu. Yóm tehe bunihen yó ekni, duhen yóm knô Krays bélê ye ket kuy ne sotu. Bè yóm knóen bélê ye yó, yó se gónó ye temngón du yóm angat kegbót ye bè klaen sónen kun klowil Dwata.

2 Kurin 8:9

Deng tngón ye se yóm alì nawahen tekuy yóm gónó tekuy mogot Jisas Krays. Gloken gemtagak yóm tey kun kendengen bè longit na a baling tau élél te tonok. Yó gónón mò du yóm yó anì baling wen kendengen tekuy mlan béléen.

1 Kurin 15:47

Yóm tanay Adam, tau tonok, abay se nifil Dwata lemwót bè tonok. Okóm yóm sotu Adam, lemwót gu bè longit.

1 Kurin 1:2

Smulate ebélê ye, yu kem tau deng hemtahu bè Dwata bè syudad Kurin. Deng tnaba Dwata yu mò baling hol kun tau laen dù belenen. Deng nfunen yu hlanen bè yóm deng kessotu ye bè Krays Jisas. Deng ye gotu gomong ne bè yó kem kdéen tau bè dumu benwu deng gel tmaba bè yóm gónó tekuy mogot Jisas Krays.

Ifisus 2:7

Yó gónón mò du nim ni mò gónón hegfan du bè kdéen tau yóm tey któbóngen tekuy, ne yóm tey nawahen ebélê tekuy hlanen bè Krays Jisas.

Ifisus 2:4

Okóm yóm Dwata, tey kkoduhen tekuy, ne tey kbong nawahen tekuy.

Sulat Pol Ebè Yó Kem Tau Hemtahu Bè Rom 15:12

Ne bud wen se kun mon yóm sotu tehe tugod Dwata ekni boluyen Isaya, yó monen, “Angat wen semfu gu bè yóm tehe Jisi. Du se yóm angat sut mò mogot yó kem tau là Ju le. Béléen hol gónón mefet nawa le.”

Kul Nmò 9:14

Blaem yóm hol nógówen edini bè Damaskus nan e kenfô kdê yó kem tau hemtahu béléem bè ni. Hyu wen kwalisen mò du lemwót bè yó kem tau hol geta bè yó kem gel demsù ebè Dwata.”

Ifisus 3:16

Lemwót bè yóm tey kegbek Dwata tmóbóng tekuy, yó hol hnihu béléen anì tendo ten-gelen nawa ye hlanen bè kun kfasang yóm kun Tulus deng nô bélê ye.

Ifisus 3:8

Ou se yóm hol glaan bè yóm kdéen tau Dwata, okóm deng mom sigang Dwata tahu nim tey hyu hmoen dou ni, duhen yóm kwitu du elem blóng yó kem tau là Ju le. Yó hol lemen nim Tulón Hyu ni, duhen yóm tey kehyuhen yóm tóbóng Krays, yóm kehyu là gbek tekuy hmingón du.

Kul Nmò 7:59

Yóm igò le semtudà ke Stéfén botu, tmaba ebè Jisas, monen, “Ó Jisas yóm dou gónó mogot, hogotu kóm ne klowilu.”