Sulat Pol Ebè Yó Kem Tau Hemtahu Bè Rom 10:1 - Udél Dwata: Gna Kesfasad ne Lomi Kesfasad

¹ Ó kem dumuhu setwoli, yó alì gel sen-galuhu ne hnihu bè Dwata ke gotu le gewà gu lem hatay yó kem dumuhu Ju.

Sulat Pol Ebè Yó Kem Tau Hemtahu Bè Rom 10:1 Referans Kwoze

Kun Snulat Jan 5:34

Anien he ke laen dù tau gemtanud dou, okóm yó gónóhu mon du nim ni anì wen lan ye gewà gu lem salà ye.

Jirimaya 18:20

Deng mom bnalà le sidek yóm hyu gel nmou bélê le. Deng wen holot nmò le anì ghatay le ou igoen ou se yóm tehe hkodu béléem anì mkó ta le yóm tey kebutem kul.

Kehewà 32:13

Hendemem dé yóm tehe fasad mget nmoem bè yó kem tau tehe tóbóng lówóhem ekni le Abraham ne Isak ne Jakub. Yó tehe fasadem kul, laen dù tul sónen yóm keblayem kul ból lómó kwen le blotik bè longit ne yóm angat keblayem du bè yó kem ból le yóm tonok mò hlós nfun le.”

Kun Snulat Luk 13:34

Yu kem tau menwu bè Jirusalim, sal gel hnatay ye yó kem tau tugod Dwata, ne gel hnatay sentudà ye botu yó kem gel hógów Dwata ebélê ye. Deng hilu duléku ne tô móyô sembung kuy, lómón tô kmou kuy, lómón yóm mlon gel kenleken elaan hafaken yó kem ngaen, okóm là kô ye dog móyô.

Jirimaya 17:16

Ó Dwata, là kô bayau du yóm hmoem dou ni. Lómón ke ou yóm tau semgyok ubiha, sen-gyoku yó kem tauhem. Là kô nubugu kóm se anì wen hlayam hwitem ebélê le. Kaem kóm udél se yóm tendo tulónu kul, là kô dou udél du.

1 Samwél 12:23

Ke béléu do, ke là henlelu du mni bélê ye bè Dwata, salau bè Dwata se yó ne là kóe móyô mò du yóm yó. Ne henlelu tmolok du kuy yóm lan hyu ne yóm lan tedeng mò lolò ye.

1 Samwél 15:35

Kewóten bè yó ne là kóen bud mógów ebè Sol Samwél efet katayen, okóm sana tendo klangag Samwél du. Tey keblat nawa Dwata bè yóm kmoen ke Sol tau hol geta bè Israél.

1 Samwél 15:11

“Tey kegselu yóm kmou ke Sol tau hol geta bélê ye. Deng knogolen o ne là bud nimónen du yó kem hlolou du.” Tey sidek kegnóm Samwél du ne tódô suloyen buteng hkodu mni bè Dwata.

Kehewà 32:10

Ne ni béem henseng o, tey kebutu kul ne gotu genlau lu. Ne yó tles nmou angat tey kehbólu kóm ne yó kem angat semfu gu béléem. Nmou yu sotu bung tau alì mbegel.”

Sulat Pol Ebè Yó Kem Tau Hemtahu Bè Rom 9:33

yóm tehe tulónen bè sulaten, yóm monen, “Ngem deng wen botu suu lem blóng le bè syudad Sayun. Yó se yóm botu geslob yó kem tau, ne hlós le glokob du. Okóm yóm tau hemtahu béléen, là kô wen gónón gsel du.”

Sulat Pol Ebè Yó Kem Tau Hemtahu Bè Rom 10:2

Tngónu tey le móyô lemolò ke Dwata, okóm là deng glileb le du he yóm hol kun kóyô Dwata bélê le bè klolò le du.