Sulat Pol Ebè Yó Kem Tau Hemtahu Bè Rom 1:9 - Udél Dwata: Gna Kesfasad ne Lomi Kesfasad

⁹ Tódô tngón Dwata là kóen skó yóm tendo gel knihu bélê ye. Nim Dwata monu ni, du se yóm Dwata hol gónóhu hmotu nawahu mit yóm Tulón Hyu gbak ebè yóm Ngaen.

Sulat Pol Ebè Yó Kem Tau Hemtahu Bè Rom 1:9 Referans Kwoze

Ifisus 6:18

Bè kdê ni kem ni koni, hol hmung ye du yóm gel kni ye bè Dwata, tódô henlel ye htóbóng béléen. Balù kihu sut bélê ye, hol ye gel mni bè Dwata, halak ye bè Tulusen. Yó gónóm mon, bê ye hlingay, ne hol bê ye abay htakas. Bè yóm gel kni ye, gel homong ye yóm kdéen tau Dwata.

2 Timuti 1:3

Béléu do, tey kdóyónu ke Dwata, ne laen kô dù bang blóngu ebéléen yóm klawihu mò du nim hmoen dou ni. Hol lómón ni se yóm tehe kul nmò yó kem tehe fuu ekni. Tey kdóyónu ke Dwata bè yóm gel kutómu kóm béléen, tódô ketu kifu ne ketu kdaw.

Sulat Pol Ebè Yó Kem Tau Hemtahu Bè Rom 9:1

Wen sotu tulónu kuy, là moe kéng bélê ye abay se ou sotu tau nfun Krays tendo galak kehedemu bè yóm Tulus Dwata.

1 Tisalunika 5:17

Bê ye senkas mni bè Dwata.

2 Kurin 1:23

Yó gónóhu là dohò slob bélê ye bè Kurin bè yóm tehe kógówu, abay se là kóyóu du ke wen gónóhu mudél kuy. Tódô ton Dwata se ke kéng nim monu ni koni. Gotu tngónen se yóm nô bè nawahu.

1 Tisalunika 3:10

Tódô ket kdaw ne ket kifu me tendo gel mni bè Dwata anì bud tekuy ston, ne anì wen gónó me tmóbóng kuy bè yóm tolo gónó ye là deng ket bè yóm kehtahu ye.

1 Tisalunika 1:2

Tey tendo gel kdóyón me ke Dwata lemwót bè yóm kehtahu ye, ne tendo gel utóm me yu bè yóm gel kni me.

Flipay 3:3

Bè ktahuhen, tekuy se yóm tau wen tahu ilóen, là kô lu du. Abay se tekuy se yó kem tau gel hloni bè Dwata hlanen bè Tulusen. Tekuy se yóm alì hligal lemwót bè yóm deng kessotu tekuy bè Krays Jisas. Là bud snalig tekuy du ne yó kem gel hlolò tau mò lan tekuy gewà gu lem hatay.

Flipay 1:4

Ne tey gel klaan nawahu bè yóm gel knihu bélê ye bè Dwata

Kul Nmò 27:23

Yó gónóhu mon du yóm monu ni, abay se ebuteng wen hógówen ebéléu gu bè longit yóm Dwata mfun dou, yóm tendo nimónu.

Kul Nmò 19:21

Kogol ni kem ni, yó hendem Pol nan bud mlan tmonok lem prubinsya Masdunya ne Akiya, ominen hlós mulék ebè Jirusalim. Yó monen, “Sok kogolu gu bè Jirusalim, là gbeku du ke là hlóse ebè syudad Rom.”

1 Timuti 2:7

Ni se gónó Dwata hógów dou mò tmolok yó kem dumu tau là Ju le anì hentahu le yóm ktahuhen. Hol tahu nim monu ni, là kô kéngu du.

Flipay 2:22

Okóm là kun ke Timuti. Tódô tngón ye se yóm tey kehyu kmoen. Yóm któbóngen do mit yóm Tulón Hyu, hol lómón ke ou hol maen.

Glasya 1:20

Ni kem snulatu ebélê ye ni, hono tahu. Ton Dwata yóm klaen dù kéngu.

2 Kurin 11:31

Tngón Dwata ke kéngu nim deng tulónu kuy ni. Du se hol Dwata yóm gónó tekuy mogot Jisas Krays, ne bud Maen snéen. Tey laen sónen yóm kdóyónu ke Dwata.

Kul Nmò 24:14

Là kóe myak tmulón du kóm, Sér, yóm klolou yóm sana Dwata lolò yó kem tehe fù me ekni, tódô lolou bè yóm kun kehlan du Jisas, yóm deng mon le tolok sekban. Okóm yóm kdê snulat bè hlau Musis, gotu hentahuhu se dou. Dalang se kdê yó kem snulat yó kem tehe gna tugod Dwata ekni, gotu hentahuhu snéen.

Kul Nmò 12:5

Yóm igò Pitér nô lem blanggù, tódô hotu le nawa le mni béléen bè Dwata yó kem dumuhen hemtahu.

Kul Nmò 3:26

Duhen yó,” mon Pitér, “deng nélék Dwata Jisas mò hógówen. Deng gna hógówen elem blóng tekuy mò tmóbóng tekuy, yóm ket tekuy na sotu, anì knogol tekuy yó kem sidek gel nmò tekuy.”

Kun Snulat Luk 18:1

Bud wen hlingón tulón Jisas yó kem gel lemolò du mò gónó le dmalang yóm là ktakas le mni bè Dwata anì là kendelen gel hlóng sidek kegnóm le du.

Mark 1:1

Ni se yóm Tulón Hyu hol gbak ebè Jisas Krays, yóm hol kun Ngà Dwata.

1 Samwél 12:23

Ke béléu do, ke là henlelu du mni bélê ye bè Dwata, salau bè Dwata se yó ne là kóe móyô mò du yóm yó. Ne henlelu tmolok du kuy yóm lan hyu ne yóm lan tedeng mò lolò ye.

Filimun 1:4

Ó Wè Filimun, sal gel utómu uu bè yóm gel knihu bè Dwata, mung du yóm tey kdóyónu du,

Flipay 1:3

Tey gel kdóyónu ke Dwata bè ket gel kehedemu kuy.