Sulat Pol Ebè Yó Kem Tau Hemtahu Bè Rom 1:7 - Udél Dwata: Gna Kesfasad ne Lomi Kesfasad

⁷ Ne duhen yó, smulate ebélê ye, yu kem kun kenbong nawa Dwata bè Rom. Deng tnabahen yu mò hol kun tau. Yó hem Dwata, yóm Mà tekuy, ne Jisas Krays yóm gónó tekuy mogot, hol tendo tmóbóng kuy ne tendo henek nawa ye.

Sulat Pol Ebè Yó Kem Tau Hemtahu Bè Rom 1:7 Referans Kwoze

Kulasi 1:2

Smulat me ebélê ye yu kem tau Dwata bè Kulasi, kem tau dumu me setwoli gulit bè kehtahu, kem tau deng ssotu bè Krays. Yó hem Dwata yóm Mà tekuy, tendo tmóbóng kuy ne tendo henek nawa ye.

Ifisus 1:2

Yó hem Dwata, yóm Mà tekuy, dalang se yóm gónó tekuy mogot Jisas Krays, tendo tmóbóng kuy ne tendo henek nawa ye.

1 Tisalunika 1:1

Ou se Pol gónóhen lemwót nim sulat ni, tlu me Silas ne Timuti. Smulat me ebélê ye, yu kem tau hemtahu bè yó bè Tisalunika, yó kem tau deng nfun Dwata yóm Mà tekuy, dalang se yóm gónó tekuy mogot Jisas Krays. Yó hem Dwata tendo tmóbóng kuy ne tendo henek nawa ye.

2 Kurin 13:14

Yó hem gónó tekuy mogot Jisas Krays hol tendo tmóbóng kuy, ne tendo gfan bélê ye he yóm kbong nawa Dwata kuy, ne yóm knóen bélê ye yóm Tulus Dwata.

2 Jan 1:3

Yó hem Dwata, yóm Mà tekuy ne Jisas Krays yóm Ngaen, hol tendo gel tmóbóng ne kmodu ne tendo henek nawa tekuy. Ni se uléken yóm gel klolò tekuy du yóm ktahuhen ne yóm gel kesbong tekuy nawa.

Filimun 1:3

Yó hem Dwata, yóm Mà tekuy, dalang se yóm gónó tekuy mogot Jisas Krays hol tendo tmóbóng kóm ne tendo henek nawahem.

2 Tisalunika 3:18

Yó hem gónó tekuy mogot Jisas Krays hol tendo tmóbóng kuy.

2 Tisalunika 3:16

Yó hem gónó tekuy mogot hol tendo henek nawa ye balù kihu sut bélê ye. Du se gónón lemwót yóm kenek nawa. Yó hem gónó tekuy mogot tendo nô bélê ye.

Deng Hegfan 22:21

Yó hem gónó tekuy mogot Jisas yóm hol tendo tmóbóng kuy yóm kdê ye.

Filimun 1:25

Yó ne kóó. Yó hem gónó tekuy mogot Jisas Krays hol tendo tmóbóng kuy.

1 Jan 3:1

Laen bang gónóhu e hmingón du yóm kun alì kbong nawa tekuy yóm Mà tekuy bè longit, botong tnabahen tekuy kem ngaen ne tahu se yóm deng kngaen tekuy yó. Yó gónó le là sfulung ebélê tekuy yó kem tau là hemtahuhen lem nim benwu ni, abay se là deng tngón le ke Dwata.

1 Pitér 1:15

Okóm ni, hol bê ye abay benelen sidek yóm kdê gel nmò ye, abay se là kóen gemsalà yóm Dwata deng mélék kuy. Yó gónóm mon, hol ye heskél béléen yóm klaen salaen.

Taytus 1:4

Smulate ebéléem, Taytus, yóm hol ngau lemwót bè yóm kessotu nawa te bè kehtahu te. Yó hem Dwata yóm Mà tekuy, ne Krays Jisas yóm deng lemwà kut gu lem hatay, hol tendo tmóbóng kóm, ne tendo henek nawam.

2 Timuti 4:22

Yó hem gónó tekuy mogot hol nô béléem. Dwata he hol tmóbóng kuy.

2 Timuti 1:2

Bude smulat ebéléem, Timuti, hol ngà gónón mogot nawahu. Yó hem Dwata, yóm Mà tekuy, dalang se yóm gónó tekuy mogot Krays Jisas tendo tmóbóng kóm, ne tendo kmodu kóm, ne tendo henek nawahem.

1 Timuti 1:2

Smulate ebéléem, Timuti. Lómón ke deng hol ngau uu lemwót bè yóm kehtahu te. Yó hem Dwata, yóm Mà tekuy, dalang se yóm gónó tekuy mogot Jisas Krays tendo tmóbóng kóm, ne tendo kmodu kóm, ne tendo henek nawahem.

1 Tisalunika 5:28

Yó hem gónó tekuy mogot Jisas Krays hol tmóbóng kuy.

1 Tisalunika 4:7

Là kô yó du gónó Dwata tmaba te ke mò tekuy samuk, okóm yó dé hol sen-galuhen bélê tekuy ke hol te mólós.

1 Tisalunika 1:3

Bè yóm gel kni me bè Dwata yóm Mà tekuy, là kô na me e klifót du se yóm hyu gel nmò ye lemwót bè yóm kehtahu ye, ne yóm tey kmò ye nmò lemwót bè yóm kbong nawa ye kem dumu ye, ne yóm tey kbegelen yóm hendón nefet nawa ye bè yóm gónó tekuy mogot Jisas Krays.

Kulasi 3:12

Yu se yó kem tau Dwata, kem tau kenbong nawahen, kem tau deng néléken mò kun nfun. Duhen yó, hol dnalang ye yóm nawa skodu ne yóm nawa sbasa, ne yóm keheglaan ye bè kem dumu ye. Ne hol dnalang ye snéen yóm kganag nawa ne yóm khanay nawa.

Flipay 4:23

Yó hem gónó tekuy mogot Jisas Krays hol tendo tmóbóng kuy.

Flipay 4:20

Hol bê tekuy abay nmò sónen yóm kdóyón tekuy ke Dwata yóm Mà tekuy.

Ifisus 6:23

Yó hem Dwata, yóm Mà tekuy, ne yóm gónó tekuy mogot Jisas Krays hol bemlay kuy yóm kenek nawa ne yóm kesbong nawa, ne hol hembegel du yóm kehtahu ye.

Glasya 6:18

Yó ne kóó, kem dumuhu setwoli. Yó hem gónó tekuy mogot Jisas Krays hol tendo tmóbóng kuy se kuy.

1 Kurin 16:23

Yó hem gónó tekuy mogot Jisas hol semflós tmóbóng kuy.

Sulat Pol Ebè Yó Kem Tau Hemtahu Bè Rom 9:25

Nim ni koni, deng tehe hsulat Dwata bè yóm sotu tehe tugoden boluyen Husiya, yó monen, “Angat le baling dou tau yó kem tehe là dou tau du. Angat le baling dou tau kenbong nawa yó kem tau tehe là wen nawahu ebélê le.”

Sulat Pol Ebè Yó Kem Tau Hemtahu Bè Rom 5:1

Duhen ni, deng baling tedeng ne kton Dwata tekuy mlan bè yóm kehtahu tekuy. Deng tekuy sefyu ke Dwata mlan bè Jisas Krays yóm gónó tekuy mogot.

Kul Nmò 15:23

Ne wen sulat hwit le kul etu. Yó monen lem yóm sulat, monen, “Nim sulat ni, lemwót bélê me kem tau tehe nélék Jisas, ne bélê me kem tuha gel malak bè ni, hono kem kuy dumu setwoli. Hwit me ebélê ye yu kem tau là Ju le bè syudad Antyok ne bè prubinsya Sirya ne Silisya, deng tekuy baling setwoli lemwót bè kehtahu tekuy.

Kulasi 3:15

Wen yóm kenek nawa deng blay Krays. Nim kenek nawa ni mò gónó tekuy milô du yóm kun kóyô bélê tekuy Dwata. Yakà ni du gónón tmaba kut anì wen kenek nawa tekuy yóm kdê tekuy mò lówóhen. Ne hol gel dóyón tekuy dé Dwata.

Flipay 4:13

Laen dù là gbeku du lemwót bè yóm kfasang Krays béléu.

Sulat Pol Ebè Yó Kem Tau Hemtahu Bè Rom 8:39

balù yó kem htulus Seitan lemwót gu te kmawang, duhen ke lemwót gu lem tonok, ne yóm kdéen deng dlimun Dwata, laen kô gembek semkó tekuy bè yóm kbong nawa Dwata tekuy, hlanen bè yóm gónó tekuy mogot Krays Jisas.

Sulat Pol Ebè Yó Kem Tau Hemtahu Bè Rom 1:6

Gomong ye snéen kuy, yu kem tau menwu bè syudad Rom. Deng tnaba Dwata yu anì baling ye hol kun tau Jisas Krays.

Deng Hegfan 2:1

Bud monen mò do yóm mudél ebéléu yó koni, monen, “Ni smulati do ebè yóm fen gel malak yó kem tau hemtahu bè Ifisus, monem mò du, ni se udélen ebélê ye yóm mogot hitu blotik bè sigel kwananen, yóm gel mógów lem blóng yó kem hitu solok blówón sedà.”

Sulat Jim 1:1

Ou se Jim gónón gu lemwót nim sulat ni. Ou se sotu tóbóng lówó Dwata ne yóm gónó tekuy mogot Jisas Krays. Smulate ebè yóm kdéen tau Dwata deng sekla bè klamangen benwu.

Kun Snulat Jan 20:17

Ne mon Jisas mò du, “Béem tagad nogot ou he, abay se là denge mulék ebè Mà. Okóm mógówi dou ebè tu kem dumuhu setwoli, tulónem kul yóm naw kulék ebè Mà, yóm kul Mà snéen. Du se yóm dou Dwata, ne bud kul Dwata snéen.”

Matyu 5:16

Yake lómón yó se gel kmò ye bè yóm kuy layag. Hol nmò ye yóm hyu anì ton kem dumu tau, ne anì dóyón le yóm Mà tekuy bè longit.”

Kem Lingón 60:5

Hol lenwaem mi mlan bè yóm sigel kwananem, ne lenwaem yó kem kóm tau kenbong nawa.

Dwata 33:12

Yó udél Musis gbak ebè yó kem sfu Bindyamin, monen, “Yó kem sfu Bindyamin, lu se yó kem tau kenbong nawa Dwata, kem tau tendo kenlungen. Tendo bnenteyen lu ket kdaw ne tendo hlós nô lem blóng le.”

Deng Hegfan 3:22

Duhen yó, yóm tau wen klinguhen, hol hnungolen dé yóm tulón yóm Tulus Dwata bè yó kem tau bè ket simbahan.”

Deng Hegfan 3:14

“Budi smulat do ebè yóm fen gel malak yó kem tau hemtahu bè Ludisya, monem mò du, ni se udélen ebélê ye yóm hol dohò tulónen. Du se yóm hol gulit, yóm hol gsalig, yóm tehe hedlimun Dwata yóm kentihen.”

Deng Hegfan 3:7

“Budi smulat do ebè yóm fen gel malak yó kem tau hemtahu bè Filadélfya, monem mò du, ni se udélen ebélê ye yóm laen dù belenen yóm kun kmò, yóm hono tahu yóm gel tulónen. Du se tles mogot du yóm kunsì tehe nogot yóm tehe fuen Dabid. Ke wen lenungkaen, là kô wen gembek bud tmikeb du. Ne ke wen tnikeben, là kô wen gembek bud lemungkà du.”

Deng Hegfan 2:29

Duhen yó, yóm tau wen klinguhen, hol hnungolen dé yóm tulón yóm Tulus Dwata bè yó kem tau bè ket simbahan.”

Deng Hegfan 2:18

“Budi smulat do ebè yóm fen gel malak yó kem tau hemtahu bè Tiyatira, monem mò du, ni se udélen ebélê ye yóm Ngà Dwata, yóm lómón ke dilóf ofi lem matahen, ne yóm tihen lómón keslinangen yóm blówón.” Yó monen,

Deng Hegfan 2:12

“Budi smulat do ebè yóm fen gel malak yó kem tau hemtahu bè Pirgamum, monem mò du, ni se udélen ebélê ye yóm wen sudeng telemen.” Yó monen,

Deng Hegfan 2:8

“Budi smulat do ebè yóm fen gel malak yó kem tau hemtahu bè Smirna, monem mò du, ni se udél yóm hol buten ne hol sónen, yóm deng tehe matay, okóm deng bud mowil.” Yó monen,

1 Timuti 6:2

Hol néen ke hemtahu bè Dwata yóm mfun kul, là hyuhen ke là nimón le du, yakà deng le setwoli bè Krays. Mom monem yó ne hol keged le mò nmò bélê le, abay se yóm tau gmuta du yóm len-ged le, kul dumu hemtahu kenbong nawa. Hol henkimedem tmolok du kul ni kem ni, ne hol gendufem lu mò du.

Lista 6:25

Dwata he tendo tmóbóng kuy ne hegfan du bélê ye yóm tey kehyu nawahen.

Kul Nmò 9:13

Mon Ananiyas se kun, “Ê, Sér. Deng hónô gungolu yóm tau yó, yóm alì kehsideken yó kem tauhem bè Jirusalim.

Sulat Pol Ebè Yó Kem Tau Hemtahu Bè Rom 5:5

Angat dohò kguta tekuy du yóm hendón tekuy yó, abay se deng gotu gnóm tekuy ne yóm kbong nawa Dwata tekuy, hlanen bè yóm Tulusen deng basahen tekuy.

Sulat Pol Ebè Yó Kem Tau Hemtahu Bè Rom 8:28

Deng tngón tekuy se, balù kihu sut bè klowil tau, sal gel nmò Dwata gónón hyu bè yó kem tau kembong nawa du. Lu se yó kem tau deng tnabahen, yakà wen muhen kul.

1 Kurin 1:24

Okóm bè kdê yó kem tau deng tnaba Dwata, tau Ju duhen ke tau là Ju le, tódô dilô le se kul nim Krays gel tulón me ni, béléen se hol gónón gfan yóm kun kfasang Dwata ne yóm khulungen hedem.

Flipay 1:2

Yó hem Dwata yóm Mà tekuy, dalang se yóm gónó tekuy mogot Jisas Krays tendo tmóbóng kuy ne tendo henek nawa ye.

1 Tisalunika 1:4

Deng tngón me se, kem dumu me setwoli, yóm kbong nawa Dwata kuy, ne yóm deng kéléken kuy mò kun tau.

2 Tisalunika 1:2

Yó hem Dwata, yóm Mà tekuy, dalang se yóm gónó tekuy mogot Jisas Krays tendo tmóbóng kuy ne tendo henek nawa ye.