Sulat Pol Ebè Yó Kem Tau Hemtahu Bè Rom 1:32 - Udél Dwata: Gna Kesfasad ne Lomi Kesfasad

³² Deng hónô tngón le yóm monen bè hlau Dwata ke wen tau mò du yó kem sidek yó, sal gel tódô hnatay. Okóm là kô dog hdon le du. Tódô henlel le mò du, lel le semgduf kem dumu le mò du.

Sulat Pol Ebè Yó Kem Tau Hemtahu Bè Rom 1:32 Referans Kwoze

Sulat Pol Ebè Yó Kem Tau Hemtahu Bè Rom 1:21

Deng tngón le se yóm kwen Dwata, okóm là nadat le du ne là kô dog dóyón le du bè yóm gel któbóngen kul. Yó bunguhen yóm nmò le yó, tódô kmifu lem hendem le laen kô dù nefeten.

Sulat Pol Ebè Yó Kem Tau Hemtahu Bè Rom 6:21

Tulón ye do kun, wen kô ofol ye du yó kem sidek tehe nmò ye gónó ye myak? Yó nefeten yóm nmò ye yó, duhen hatay.

Sulat Pol Ebè Yó Kem Tau Hemtahu Bè Rom 1:18

Hegfan Dwata gu bè longit lebuten kul yó kem tau alì gel mò sidek. Yóm sidek nmò le yó, yó se gónón gseng ebélê le yóm ktahuhen lemwót gu bè Dwata.

Kun Snulat Luk 11:48

Nim nmò ye ni, ni se gónón gdilô yóm deng kessotu nawa ye mò yóm kul nmò yó kem tehe fù ye. Lu fen hmatay yó kem tehe gna tugod Dwata, ne yu se fen hemtilob yó kem lebeng le.

Kem Lingón 50:18

Deng ye mom mit swè bè yó kem tau mnagaw, ne deng ye slomong bè yó kem tau mdà yehen.

Kul Nmò 22:20

Ne sotuhen, bè yóm khatay le ke Stéfén, yóm tau tehe gel tmulón kóm, nóe bè yó, ne tey kehyu nawaw du yóm khatay le du yó. Hyu ou mentey kgal yó kem tau semtudà du botu.’

Kul Nmò 8:1

Wen se kem tau ngelem kehtahu le bè Dwata ne tilob klolò le yó kem hlau Musis, lu fen lembeng ke Stéfén ne tey klangag le du snéen. Okóm ke Sol kun, tey kehyu nawahen bè yóm khatay le ke Stéfén. Tódô kewóten bè yóm kdaw yó, sónmò le tendo hemsidek kul yó kem tau hemtahu bè Jisas bè Jirusalim. Gotu le sekla mlóy gu bè Jirusalim yó kem tau hemtahu bè Jisas, mlóy le etu bè klamangen prubinsya Judiya ne klamangen Samarya. Són yó kem sfolò lewu tehe nélék Jisas tagak bè Jirusalim.

Kem Udél Hlalak Tehe Selumun 28:4

Yó kem tau là nimón le du yóm hlau Dwata mom dóyón le yó kem tau gel mò sidek, okóm ke nimón le yóm hlau Dwata kenbê le yóm tau gel mò sidek.

Sulat Pol Ebè Yó Kem Tau Hemtahu Bè Rom 6:23

Yó bayad salà, hatay. Okóm wen yóm tódô blay Dwata, duhen yóm klowil laen dù sónen, hlanen bè yóm deng kessotu tekuy bè Krays Jisas, yóm gónó tekuy mogot.

2 Tisalunika 2:12

Yó nefeten, angat gotu megtuled yóm kdéen tau là dog hemtahu du yóm ktahuhen, mom hnigal le yóm ksidek nmò le.