Sulat Pol Ebè Yó Kem Tau Hemtahu Bè Rom 1:30 - Udél Dwata: Gna Kesfasad ne Lomi Kesfasad

³⁰ ne tey gel sidek kestulón le kem dumu le. Tey knutó nawa le Dwata, ne tódô gel nfà le kem dumu le. Tey kehton le salù. Hono kem tau heklabak. Sónmò le matul kmò le sidek. Sotuhen, là dog nimón le yó kem tuha le.

Sulat Pol Ebè Yó Kem Tau Hemtahu Bè Rom 1:30 Referans Kwoze

2 Timuti 3:2

Yó kmò kem tau, sbì le, ne seglom le, lel le hton salù, ne heklabak le. Yó mò kul, sidek kebkó le, ne là kô nimón le kem tuha le. Hono kem tau laen dù ledem le, là kô nadat le ke Dwata.

Sulat Jud 1:16

Yó kem tau tmolok sekban yó koni, sónmò le semlón, sónmò le dmuón kem dumu tau. Kihu knóyô lówó le, tódô nmò le. Gel le hton salù. Ne ke wen knóyô le, tey le hulung mudél anì guta le.

2 Pitér 2:18

Tey le hulung mudél, okóm laen dù lemen. Gel hegbóy le yó kem tau hanà lomi kmogol du yó kem knóyô lówó. Yóm kehegbóy le kul, hlan le bè yó kem sidek knóyô lówó le.

Sulat Jim 4:16

Okóm kuy, mo ye mom hegmón ne hton salù. Tey sidek se yóm nmò ye yó.

Sulat Jim 3:5

Lómón se yó ne yóm ksumóng tau. Balù yóm là kbongen, ewenem sana kegbeken tmulón du yóm tey dê mò gónón hton salù. Hendem ye dé yóm ngà dilóf ofi, botong gbeken mken du yóm tey dlag lamang.

Taytus 3:3

Tehe yu ekni, tehe wen se kut gel ungel, là kô te gel himón, là se dilô te du yóm ktahuhen. Tey kegfét te bè yóm sidek knóyô lówó te, ne bè yóm dê kenbeyen nawa te. Deng te gu lemen se kut yóm sdù ne yóm sélés nawa ne yóm sutó nawa.

2 Tisalunika 2:4

Nim tau ni, gotu natuen kdéen dwata kéng kkólen bè yó kem dumu gel hentahu kem tau, ne angat hegetahen knóen senta le. Balù yóm Gónô Dwata, tódô husek elemen, ne tódô myón bè yó, ne tódô monen du kun Dwata.

2 Kurin 10:15

Là kô me megsalù du kum yóm nmò deng gendeng dumu tau, yóm nmò là hmò Dwata du kum. Okóm lemwót bè yóm kgomong ye lemen yóm hmò Dwata kum, yó dé hendón me bélê ye ke hol mbegel yóm kehtahu ye, ne ke nan hol bud temnù yóm kmò me nmò lem blóng ye, syan ke là nulé me du yóm deng hmò Dwata kum.

Sulat Pol Ebè Yó Kem Tau Hemtahu Bè Rom 3:27

Yó gónóm mon, laen bang gónó tekuy hton salù. Abay se là kóen lemwót bè klolò tekuy yóm hlau Musis gónón tedeng kton Dwata tekuy, okóm tódô lemwót bè yóm kehtahu tekuy ke Jisas.

Sulat Pol Ebè Yó Kem Tau Hemtahu Bè Rom 2:23

Tey gel keheklabak ye bè yóm hlau Dwata deng tngón ye. Okóm mò ye là dog mimón du du? Bè yóm là kimón ye du, yó gónó ye hemwog ke Dwata.

Sulat Pol Ebè Yó Kem Tau Hemtahu Bè Rom 2:17

Bélê ye kuy, kem dumuhu Ju, tey ksalig ye du yóm hlau Dwata, ne gel ye heklabak lemwót bè yóm ketngón ye ke Dwata.

Kul Nmò 5:36

Là klifót ye du kô yóm sotu tau boluyen Tudas ekni. Tódô sut bè Jirusalim, ne dê monen. Du kun sotu tau wen kfasangen. Deng wen dô fat latu logi lemolò du. Timbow wen monok du, ne tódô le se gotu sekla yó kem tau tehe lemolò du, là kô wen bud sfuhen yóm tehe tô nmoen.

Kun Snulat Luk 21:16

Bè yóm kdaw yó,” monen, “mom yó angat kmamo kuy, yó kem kuy tuha ne yó kem dumu ye setwoli kkólen bè yó kem dumu ye setwoli eddoli ne yó kem wè ye. Angat wen se hfatay le bélê ye.

Matyu 16:21

Nbuten bè yó ne, tódô gel hnakang Jisas tmulón du bè yó kem gel lemolò du yóm angat keglayamen, monen, “Là gbeku du ke là mógówe ebè Jirusalim. Bè yóm kkólu bè yó, angat hnayam le o yó kem tuha gónó tekuy gel galak, ne yó kem tau geta gel demsù ebè Dwata, ne yó kem tau gel tmolok hlau. Ngang le mò du efet hfatay le ou. Okóm bè getluhen kdaw, angat bud hlowil Dwata o.”

Matyu 15:4

Igò Dwata se mon du bè Sulaten, ‘Nadatem maem ne yéem.’ Ne sotuhen, ‘Yóm tau ke sidek kbaken ebè maen ne yéen, tódô hnatay kmò du.’

Kem Udél Hlalak Tehe Selumun 30:17

Yóm tau sendekaen maen ne là nimónen du yóm yéen tuha yake tódô hlagas lówóhen sok matay anì bè yó gónó wak ne kofi semsesék du.

Kem Udél Hlalak Tehe Selumun 25:23

Yóm kdohò yóm lenos nbol kulón lemwót fi gu bwak lómón se yó kdohò kebut tau du yóm tau lemnek ksumóngen.

Kem Udél Hlalak Tehe Selumun 8:36

Okóm yóm tau là tonen do hensideken knóen. Kdê yó kem kembê do kenbong nawa le yóm hatay.” Ni se koni yó kem udél yóm khulung hedem.

Kem Lingón 106:39

Deng gholu le kul knô lemwót bè yó kem sidek gel nmò le. Ne yóm alì kóyô le tmaba bè yó kem dwata lennged, bè kton Dwata du, hol lómón ke deng le mò samuk béléen.

Kem Lingón 99:8

Ó Dwata yóm sana hol kum gónô mogot, deng bnalaem lu. Uu se yóm Dwata gel hmifót salà, okóm sal gel tnafakem yóm sidek nmò le.

Kem Lingón 97:7

Yó kem tau gel tmaba ebè yó kem dwata kéng, gotu le mulék myak, lu se yó kem tau alì heklabak bè yó kem dwata laen dù muhen. Yakà kdê yó kem dwata kéng, gotu le hegdungul ebéléen.

Kem Lingón 94:4

Són udél heklabak btang bè sumóng le. Henklabak le yó kem deng nmò le.

Kem Lingón 81:15

Yó kem tau kmutó nawa ke Dwata, gotu le hegdungul bè soluhen lemwót bè klikò le, ne laen kô dù tul sónen yóm ktafaken kul.

Kem Lingón 52:1

Ó tau kemgis, moen de ke tendo hen-gmónem yóm kmoem sidek bè yó kem tau mimón ke Dwata?

Kem Lingón 49:6

Yó kem tau monu yó, yó kem tau sidek nmò le, són snalig le kendengen le, ne tey keheklabak le du yóm kegeta le.

2 Tutul Israél 25:19

Tey keheklabakem bè yóm kegmoem bè yó kem tau Idom, okóm ni se dou hlau kóm, tódói nô bè yó ne. Moen ke hegfaem knóem ne bud hegfaem yó kem tau bè Juda?”

2 Tutul Israél 19:2

Senlong Jihu yóm tau wen hton Dwata du, ngà Hanani. Yó mon Jihu mò du, “Moen du ke mom tnóbóngem yó kem tau gel mò sidek, fen kenbong nawahem yó kem tau kmutó nawa ke Dwata? Lemwót bè nim nmoem ni, gbunuem ne yóm kebut Dwata kóm.

Dwata 27:16

‘Hol tnafak Dwata yóm tau là nadaten ke maen ne yéen.’ Ne kdéen tau gotu hem-el du, mon le, ‘Tahu yó.’

Dwata 7:10

Okóm là kô gbeken du ke là géhél tnafaken kul yó kem tau kmutó nawa du.

Lista 10:35

Kesok bang le gel hewót du yóm Slungan Fasad tukô gna kul yó, yó gel udél Musis, monen, “Yó ne, Dwata, tukói gna kum. Gotu senklahem lu yó kem hohonem, gotu hlóyem lu yó kem tau kmutó nawa kóm.”

Kun Snulat Jan 7:7

Là kô knutó nawa le kuy yó kem tau lem benwu. Ou se yóm knutó nawa le, abay se tódô gel benkasu bélê le yóm sidek gel nmò le.

Kem Lingón 10:3

Yó kem tau mò sidek yó, tey henklabak le yóm sidek nô lem hendem le. Tey kdóyón le yó kem tau seglom, fen henmulà le uu, Dwata.

Kem Lingón 5:5

Yó gónóm mon, là kô le gdà bè soluhem yó kem tau heklabak. Tey keklitem kul yó kem tau gel mò sidek.

Kem Udél Hlalak Tehe Selumun 24:8

Yóm tau tendo gel matul mò sidek tótól du yóm nmoen.

2 Kurin 12:20

Wen tey tnafa nawahu bélê ye. Tnafa nawahu ke kóle dyó, déke wen tonu bélê ye yóm là nóyóu du. Ke tahu se yóm yó, déke angat wen se ton ye béléu yóm là nóyô ye du se kuy. Yó tnafa nawahu, kô tonu bélê ye yóm skuya mon, ne yóm sélés nawa, ne yóm sefebut, ne yóm seglom, ne yóm sefnê, ne yóm kenek ksumóng ye, ne yóm kehegmón ye, ne yóm kesbeweg ye.