Sulat Pol Ebè Yó Kem Tau Hemtahu Bè Rom 1:29 - Udél Dwata: Gna Kesfasad ne Lomi Kesfasad

²⁹ Tódô kdéen kay sidek gotu meskel lem hendem le. Alì le móyô hemsidek kem dumu le tau. Kóyô le ke són lu gónón e skok yóm kdéen. Tey dê ukô nmò le. Mahil le mófô. Són nawa monok nô bélê le. Sónmò le mit sfatay bè kem dumu le. Tey le hulung smukat. Sónmò le gel sutó nawa. Tey lemnek ksumóng le,

Sulat Pol Ebè Yó Kem Tau Hemtahu Bè Rom 1:29 Referans Kwoze

2 Kurin 12:20

Wen tey tnafa nawahu bélê ye. Tnafa nawahu ke kóle dyó, déke wen tonu bélê ye yóm là nóyóu du. Ke tahu se yóm yó, déke angat wen se ton ye béléu yóm là nóyô ye du se kuy. Yó tnafa nawahu, kô tonu bélê ye yóm skuya mon, ne yóm sélés nawa, ne yóm sefebut, ne yóm seglom, ne yóm sefnê, ne yóm kenek ksumóng ye, ne yóm kehegmón ye, ne yóm kesbeweg ye.

Kem Udél Hlalak Tehe Selumun 16:28

Yóm tau seblékê kestulónen són moen mit sbólów ne yóm tau lemnek ksumóngen senklahen yó kem tau swè.

Kem Udél Hlalak Tehe Selumun 26:20

Matay yóm ofi ke laen dù snuken lómón se yó yóm keteflok yóm kesbólów ke laen dù tau lemnek ksumóngen.

Kem Lingón 41:7

Tódô kdê yó kem tau kmutó nawa dou, gotu le sboyong gbak béléu, tey sidek kehedem le dou.

Sulat Pol Ebè Yó Kem Tau Hemtahu Bè Rom 3:10

Lómón yóm deng monen bè Sulat Dwata, monen, “Laen kô dù tau tódô tedeng kmoen, balù sotu.

Matyu 5:32

Okóm yóm dou tulón kuy, là hyuhen yóm logi ke tódô kóhen yóm yehenen igoen là mdà du. Ke bud myehen dumu logi yóm libun yó, deng mdà yehen se kun, okóm yóm logi gna yehenen, du buten yóm kegsalaen. Ne yóm logi bud myehen du yóm libun yó, bud salaen bè Dwata se kun.”

1 Timuti 3:11

Kólen bè yó kem yehen le, hol sneb kul snéen ke libun hyu kmò le, ne ke là gel sentulón le kem dumu le, ne ke là hlengel le, ne ke laen dù kéng nmò le.

Taytus 3:3

Tehe yu ekni, tehe wen se kut gel ungel, là kô te gel himón, là se dilô te du yóm ktahuhen. Tey kegfét te bè yóm sidek knóyô lówó te, ne bè yóm dê kenbeyen nawa te. Deng te gu lemen se kut yóm sdù ne yóm sélés nawa ne yóm sutó nawa.