Sulat Pol Ebè Yó Kem Tau Hemtahu Bè Rom 1:28 - Udél Dwata: Gna Kesfasad ne Lomi Kesfasad

²⁸ Lemwót bè yóm kekbê le yóm ktahuhen gbak ebè Dwata, yó gónó Dwata tódô mayà kul. Yó gónóm mon, hono là mólósen yóm kehedem le. Ne baling le tódô galak du yó kem nmò là mólósen yó.

Sulat Pol Ebè Yó Kem Tau Hemtahu Bè Rom 1:28 Referans Kwoze

Sulat Pol Ebè Yó Kem Tau Hemtahu Bè Rom 1:21

Deng tngón le se yóm kwen Dwata, okóm là nadat le du ne là kô dog dóyón le du bè yóm gel któbóngen kul. Yó bunguhen yóm nmò le yó, tódô kmifu lem hendem le laen kô dù nefeten.

Taytus 1:16

Ya mo kmon le du tngón le Dwata, okóm tódô dilóem bè yóm nmò le yóm là ktahuhen. Kem tau alì sidek nmò le, ne là hdon le. Là kô gbek le mò du yóm hyu.

Jirimaya 9:6

Sónmoen temnù yóm kéng gel tulón le. Là kô le bud móyô mulék ebéléu,” mon Dwata.

Sulat Pol Ebè Yó Kem Tau Hemtahu Bè Rom 1:24

Yó gónóm mon, tódô bayà Dwata lu. Là bud hensengen du balù kihu sidek kul knóyô lówó, ne nmò le bè kem dumu le yóm nmò alì kenyak.

2 Timuti 3:8

Ni kem tau sekban ktolok le ni, mkél le bè tehe Janis ne Jambris, kem tau tehe tô matù ke Musis ekni. Senged se bè ni kem tau sekban ktolok le ni, mom natù le yóm ktahuhen. Deng semyat kehedem le, sekban yóm kehtahu le.

Jirimaya 6:30

Yó boluyu kul, ‘Blówón Bukay Kenbê’ abay se ou yóm sana Dwata hol gónó mogot kembê kul.”

2 Tisalunika 1:8

Ne wen tey dilóf ofi mung du snéen mò tafaken yó kem tau kembê ke Dwata, ne là mimón du yóm Tulón Hyu gbak ebè yóm gónó tekuy mogot Jisas.

Husiya 4:6

Yó gónó le gotu meglà yó kem tauhu abay se là kô tngón le do. Kuy salà se yó yu kem tau gel blóng ebéléu, abay se deng mom yu kembê do. Duhen ni, kenbéu yu se kuy ke tô ye bud semblóng tau ebéléu. Lemwót bè yóm deng kekbê ye yó kem hlauhu kuy, angat bud kenbéu lu se do yó kem ngà ye.

Kem Udél Hlalak Tehe Selumun 1:29

Yakà yó duónen, laen dù óyô ye du yóm dou ketngón ne mom kenbê ye madat ke Dwata.

Kem Udél Hlalak Tehe Selumun 1:22

Ni se udélen, “Yu kem tau là ngelem kehedem ye, mò kegenen de duen yóm óyô ye du yóm là ketngón ye? Yu kem tau gel semdekà, mò kegenen de duen yóm kbeyen ye yóm kesedkà ye? Ne yu kem tau book, mò kegenen de duen yóm keklit ye du yóm ketngón?

Kem Udél Hlalak Tehe Selumun 1:7

Yóm klikò tau ke Dwata hol but gónón temngón, okóm yó kem tau book mom hennê le yóm khulung hedem ne là kô le móyô htolok.

1 Kurin 15:34

Hol nulék nawa ye dé yóm hyu deng dnalang ye, ne hol tenflok ye yóm kmò ye sidek. Tódô tulónu kuy, tolo wen he bélê ye yóm là deng temngón ke Dwata. Là kenyak ye du kô yó?

Sulat Pol Ebè Yó Kem Tau Hemtahu Bè Rom 1:18

Hegfan Dwata gu bè longit lebuten kul yó kem tau alì gel mò sidek. Yóm sidek nmò le yó, yó se gónón gseng ebélê le yóm ktahuhen lemwót gu bè Dwata.

Ifisus 5:4

Ne là kóen knóón bè kun tau Dwata ke là mólós ksumóngen. Bê tekuy nmò yóm kudél là madat, ne yóm hlowon sidek. Yake yóm udél gónón megdóyón Dwata yóm gel btang bè sumóng tekuy.

Sulat Pol Ebè Yó Kem Tau Hemtahu Bè Rom 1:26

Bè yóm kekbê le ke Dwata, yó gónó Dwata tódô mayà kul ebè yó kem knóyô lówó alì hemyak kul. Balù yó kem libun, deng mom heswì le yóm hol tahu klanen bè kesyehen tau. Deng mom yó nmò le, ssamuk hono libun.

Kem Udél Hlalak Tehe Selumun 17:16

Yóm tau book laen dù ofolen mamà filak bè yóm knagien yakem wen se óyóen dmalang.

2 Pitér 3:5

Okóm yó kem tau mon du yóm yó koni, deng tódô klifót le yóm tehe kedlimun Dwata yóm longit ne tonok mlan bè udélen. Yóm tonok tehe nmoen, tódô lemwót gu lem él, ne bè él snéen gónón lemwót mowil yóm kdéen mowil te tonok.

Filimun 1:8

Yó gónóm mon, wen hol henkoduhu béléem. Bè nim henkoduhu béléem ni, gbeku tódô mdók kóm mò du lemwót bè yóm kesdumu te bè Krays.

2 Kurin 10:5

Dalang se yó kem tau hegmón hemkéng ke Dwata, gbek me malà kul anì laen dù gmò le. Bè yóm kbalà me kul yó, botong tenles le kehedem le, ne baling le tau mimón ke Krays.

Kul Nmò 17:32

Timbow gungol le yóm mon Pol mowil, wen se bélê le mom kmuli du. Okóm yó mon kem dumu, “Móyô me bud hmungol du he sotu kdaw yóm kóm tulón ni.”

Kul Nmò 17:23

Denge bliwel gu lem nim syudad ye, gotu tonu yó kem gónô gónó ye gel tmaba ebè yó kem kuy dwata. Ne hyu tonu se yóm sotu gónó ye gel demsù, ne wen snulat ye bè yó, yóm monen, ‘Yóm dwata laen dù temngón boluyen.’ Yóm dwata là tngón ye du boluyen yó,” mon Pol, “ni sem yóm Dwata dou tulón ni.

Tekang Kbuten 6:5

Bè yóm kton Dwata du yóm alì kmò le sidek yó kem tau talak tonok ne yóm là kólós yó kem gel nô lem hendem le,

2 Samwél 22:27

Bè yóm tau laen dù belenen, bud hegfanem béléen se yóm kóm klaen dù belen. Okóm bè yó kem tau sidek nmò le, bud sidek se nmoem bélê le.

Kem Lingón 69:27

Hol snoloem yóm kdê salà le. Béem homong lu bè yó kem tau lenwaem gu lem hatay.