Sulat Pol Ebè Yó Kem Tau Hemtahu Bè Rom 1:23 - Udél Dwata: Gna Kesfasad ne Lomi Kesfasad

²³ Là kô dog hentahu le du yóm Dwata laen dù tul katayen. Deng mom yó hentahu le yóm dwata kéng kul lenbù nmò. Wen heskél le bè tau, igoen mahil matay yóm tau. Wen se heskél le bè onuk koyu, wen se bè ógóf, wen se bè ulal.

Sulat Pol Ebè Yó Kem Tau Hemtahu Bè Rom 1:23 Referans Kwoze

Kem Lingón 106:20

Deng mom tles le yóm Dwata le alì geta yóm lennged safì tudu mótób yó kem bnes.

Jirimaya 2:11

Deng wen bélê le kô temles du yó kem kul dwata balù yóm là ktahu le? Okóm yó kem dou tau deng mom tenles le ou, yóm kul Dwata hol gónón lemwót yóm kadat le kul yó kem dumu tau. Tles le dou yó kem dwata lennged laen dù muhen.

Kul Nmò 17:29

Ne tahu se yó,” mon Pol, “kaem mkél tekuy béléen. Yó gónóhem mon, bê tekuy tô hendem yóm Dwata ke mkél bè yóm lennged nmò tau lemwót bè blówón mélél duhen ke bè blówón bukay duhen ke bè botu, yóm olo nmò tdok tau.

Sulat Pol Ebè Yó Kem Tau Hemtahu Bè Rom 1:25

Deng kenbê le yóm ktahuhen lemwót gu bè Dwata, mom hentahu le yóm kéng. Ne deng le mom tmaba ebè yóm kun deng dlimun Dwata, ne demsù le ebélê le. Là dog hentahu le du yó dum Dwata fen dmimun du yóm kentihen, igoen du he hol knóón ke là hotoken yóm kdóyón tekuy du.

1 Pitér 4:3

Geblaen ne yóm kmò ye du yó kem sidek gel nóyô yó kem tau là temngón ke Dwata. Tehe gel nmò ye yóm gel hemyak knô. Tehe nmung ye yó kem sidek knóyô lówó. Ne lel ye tehe gel hlengel, ne dê sidek nmò ye lemwót bè klengel ye. Ne dê sidek tehe nmò ye bè yóm klolò ye yó kem dwata kéng.

Dwata 5:8

Bê ye abay mò yó kem dwata lennged mkél bè yóm gel ton ye bè longit duhen ke te tonok duhen ke lemwót bè él.

Isaya 44:13

Wen se tau hulung mò du bè koyu. Nahen yóm koyu ne bentesen, ominen mò ilóen mò loloen ne nsafen. Lómón tô tau kmoen du ne tey kehtiloben du, ominen hemsù du bè gónóen.

Isaya 40:18

Duhen yó, wen kô gónó tekuy e heskél ke Dwata? Gbek tekuy hmingón du kô yóm kun kmò?

1 Kurin 12:2

Tngón ye se yóm kegen ye là deng temngón ke Dwata, tey kegtondo ye bè yóm gel kgalak ye bè yó kem dwata kéng, yó kem dwata là mowilen.

Isaya 40:26

Lengalai ebè longit dé. Tau du se mò kul yó kem blotik tonem? Yó mò kul, duhen yó sem gel mit kul hewà ke kifu yó kem tey blotik genged yó. Gotu tngónen ke hilu kwen le. Yóm ket kul na sotu, sket wen boluyen kul. Lemwót bè yóm alì kfasangen, balù sotu bélê le ke lana.

Deng Hegfan 9:20

Bong yó kem tau dù tebel, yóm là matay le bè yó kem hlayam yó koni, là se kem dog knogol le du yó kem dwata kéng gel nmò le. Ne là kô kó le du yóm kehtahu le bè yó kem busaw. Ne là se dog kó le du snéen yóm kehtahu le bè yó kem dwata lennged nmò le gu bè blówón mélél ne gu bè blówón bukay ne gu bè botu ne gu bè koyu. Ni kem hentahu le ni, là kô le mton ne là kô le mungol ne là kô le mógów.

Kul Nmò 10:12

Tey dê klasi ógóf nô lemen, wen se yó kem ógóf mógów te tonok, ne wen se yó kem mulu te tonok, ne wen se yó kem onuk koyu.