Sulat Pol Ebè Yó Kem Tau Hemtahu Bè Rom 1:21 - Udél Dwata: Gna Kesfasad ne Lomi Kesfasad

²¹ Deng tngón le se yóm kwen Dwata, okóm là nadat le du ne là kô dog dóyón le du bè yóm gel któbóngen kul. Yó bunguhen yóm nmò le yó, tódô kmifu lem hendem le laen kô dù nefeten.

Sulat Pol Ebè Yó Kem Tau Hemtahu Bè Rom 1:21 Referans Kwoze

2 Bok Kem Tau Hol Geta 17:15

Mom kenbê le yóm hlolò Dwata kul, dalang se yóm deng tehe senfasad le Dwata yó kem tehe fù le, ne yó kem eles hetgamahen kul. Deng mom lolò le yó kem dwata lennged laen dù mu le, ne baling le tau laen dù mu se kul. Mom lolò le yóm kul gel nmò yó kem benwu hmilol kul igò Dwata deng mon du mò kul hol bê le abay lolò lu.

Jirimaya 2:5

Yó udélen ebélê ye, “Salà du de yóm tehe ton le béléu yó kem tehe fù ye? Tedu se ton le mò gónó le hlayuk béléu? Deng le mom tmaba ebè yó kem dwata lenbù nmò laen dù muhen. Ne yó uléken baling le tau laen dù mu se kul.

Kem Lingón 50:23

Okóm ke hol tahu yóm keslamat ye béléu, henged hol tahu dsù gónó ye madat dou. Ke lolò ye yóm dou lan, hegfanu bélê ye yóm kegewà lemwót béléu.”

2 Timuti 3:2

Yó kmò kem tau, sbì le, ne seglom le, lel le hton salù, ne heklabak le. Yó mò kul, sidek kebkó le, ne là kô nimón le kem tuha le. Hono kem tau laen dù ledem le, là kô nadat le ke Dwata.

Deng Hegfan 14:7

Tódô hgelen udélen, monen, “Hol nadat ye Dwata. Hol sendóyón ye dé yóm tey kegetahen. Deng hto ne yóm butengen kmukum kem tau. Hol dóyón ye se yóm Dwata deng tehe mò yóm longit ne yóm tonok ne yóm mohin kkólen bè yóm kdéen él tembul.”

Kun Snulat Jan 3:19

Ni se hol gónó tau megtuled. Deng kól lem benwu ne yóm layag. Okóm mom yó nóyô tau yóm gónón kmifu senta yóm layag lemwót bè yóm gel kmò le sidek.

Deng Hegfan 15:4

Uu se yóm kum gónó mogot, laen kô dù tau ke là knikò le kóm, duhen ke là dóyón le kóm. Tek sónen uu yóm laen dù belenen. Angat le gotu mógów ebéléem yó kem tau bè klamangen benwu na le e dóyón uu, abay se deng gotu gfan bè kdéen tau ne yóm tey ktedengen yóm kóm nmò.”

1 Pitér 2:9

Okóm yu kem tau deng hemtahu béléen, deng nélék Dwata yu mò hol kun tau. Yu se yóm henged demsù ebéléen. Yu se kem tau hol kun nogot, kem tau hol nfunen. Deng néléken yu anì hol heglalag ye bè klamangen yóm tey hyu deng nmoen bélê ye. Deng tnabahen yu igò ye tolo nô lem gónón kmifu anì mili ye ebéléen bè tum gónón alì lemayag.

Kem Lingón 81:12

Duhen yó, tódô bayau kul ne yóm kgel kulu le yó anì lolò le yóm kul knóyô.

Sulat Pol Ebè Yó Kem Tau Hemtahu Bè Rom 11:10

Hol hbutóem lu anì là bud le mton, ne hol senflósem heblat du yóm hbóem kul.”

Sulat Pol Ebè Yó Kem Tau Hemtahu Bè Rom 1:28

Lemwót bè yóm kekbê le yóm ktahuhen gbak ebè Dwata, yó gónó Dwata tódô mayà kul. Yó gónóm mon, hono là mólósen yóm kehedem le. Ne baling le tódô galak du yó kem nmò là mólósen yó.

Sulat Pol Ebè Yó Kem Tau Hemtahu Bè Rom 1:19

Angat tey ktafak Dwata kul yó kem tau yó lemwót bè yóm là kehmóyô le du yóm deng hdilô Dwata bélê le.

Sulat Pol Ebè Yó Kem Tau Hemtahu Bè Rom 15:9

Ne sotu gónón hógów ke Krays anì wen lan le dmóyón ke Dwata yó kem tau là Ju le lemwót bè yóm kkoduhen kul. Yó se yóm deng tehe snulat bè bok Lingón, monen, “Angat tey kdóyónu kóm lem blóng yó kem tau là Ju le. Angat hlanu bè kesngalu yóm kdóyónu kóm.”

Kul Nmò 26:18

Lemwót bè yóm angat ktolokem kul,’ monen, ‘angat mkó bélê le kbutô le. Angat tnagak le yóm gónón kmifu, ne mili le elem yóm gónón lemayag. Angat le gewà gu lem tdok Seitan, ne mili le elem hólól Dwata. Lemwót bè yóm kehtahu le béléu, angat hnifót Dwata salà le, ne baling le tau Dwata se kul.’ ”

Husiya 2:8

Là kô dog hendemen du yóm libun yó ou se gónóhen gu lemwót yóm halayen ne tifas grépen ne hnolo uliben dalang se yó kem tey blówón bukayen ne yó kem tahu blówón gel blayen ke sok tmaba ebè Baal.

Isaya 60:2

Yó kem dumu benwu hmilol kóm, tey kifu mget bélê le. Okóm kóm, mnóng etahem yóm tey layag Dwata. Lemwót bè yóm eles knóen béléem, yó gónón nô béléem yóm kun keslinang.

Kem Lingón 86:9

Kdéen tau bè yó kem benwu deng nmoem, angat le gotu mógów ebéléem, ne heglaan le bè soluhem, Dwata. Angat dóyón le yóm kegetahen ne yóm klaen dù belen yóm kóm boluy.

1 Pitér 1:18

Tódô tngón ye se yóm tehe ksok Dwata kuy lem yó kem nmò laen dù muhen tehe dnalang ye bè yó kem tehe fù ye. Yóm ksoken kuy yó, là kô kem kimu wen són le yóm soken tekuy, lómón ke filak.

Dwata 28:29

Angat ye tódô mógów migóf baluen ke kemdaw, hol lómón ke yóm tau butô là kô tonen du lanen. Yóm kdê yó kem gel nmò ye laen kô dù uléken. Angat tey kehegnok le kuy yó kem dumu tau lel le mnagaw bélê ye, balù sotu tau ke wen tmóbóng kuy.

Tekang Kbuten 8:21

Yóm boo yóm dsuen yó, tey hyu nawa Dwata du ne yó hendemen, “Là kô bud genlau du ne yóm tonok ne yóm kentihen nô tahen lemwót bè sidek gel nmò tau. Tódô tngónu yóm tau, lemwót bè hanà kudien yóm kwen sidek nô lem hendemen. Là kô naw e bud genlà kul ne yóm kentihen mowil talak tonok lómón yóm deng nmou bélê le ni.

Tekang Kbuten 6:5

Bè yóm kton Dwata du yóm alì kmò le sidek yó kem tau talak tonok ne yóm là kólós yó kem gel nô lem hendem le,

Jirimaya 9:14

Mom yó nmò le, hgel le kulu le ne tmaba le ebè yó kem dwata lennged boluyen Baal, yóm deng hlolò le kul yó kem tehe fù le.

Jirimaya 17:9

Yóm kehedem tau hol gónó gsukat, tey móyô mò sidek. Tau du se gbek temnef du yóm ksideken yóm kehedem tau?