Sulat Pol Ebè Yó Kem Tau Hemtahu Bè Rom 1:19 - Udél Dwata: Gna Kesfasad ne Lomi Kesfasad

¹⁹ Angat tey ktafak Dwata kul yó kem tau yó lemwót bè yóm là kehmóyô le du yóm deng hdilô Dwata bélê le.

Sulat Pol Ebè Yó Kem Tau Hemtahu Bè Rom 1:19 Referans Kwoze

Sulat Pol Ebè Yó Kem Tau Hemtahu Bè Rom 1:20

Lemwót bè yóm tehe kedlimun Dwata benwu efet nim kmoen ni, deng eles wen ne lan tau gmileb du yóm Dwata, balù yóm là kton le du lem uyóhen. Yó gónó le gmileb du, duhen bè yó se kem deng dlimunen. Bè yó gónó le mton du yóm tey kegbek laen kô dù tul sónen, ne yóm hol keDwatahen. Yó gónóm mon, laen kô dù lasun tau là temngón ke Dwata.

Isaya 40:26

Lengalai ebè longit dé. Tau du se mò kul yó kem blotik tonem? Yó mò kul, duhen yó sem gel mit kul hewà ke kifu yó kem tey blotik genged yó. Gotu tngónen ke hilu kwen le. Yóm ket kul na sotu, sket wen boluyen kul. Lemwót bè yóm alì kfasangen, balù sotu bélê le ke lana.

Kun Snulat Jan 1:9

Yóm layag tulónen yó, yó se yóm hol tahu layag gdek lem benwu mò hlayag kdéen tau te tonok.

Isaya 40:21

Là deng tngónem du kô kóm yóm kmò kbut benwu? Là deng wen tehe tmulón du kóm kô yóm mò kmoen? Là deng gungolem du he kô?

Sulat Pol Ebè Yó Kem Tau Hemtahu Bè Rom 2:14

Balù yóm là knóen bè yó kem tau là Ju le yóm hlau Dwata, ewenem sana kul klolò du lemwót bè yóm kdilô le du lem hendem le yóm hyu lemolò du segtón bè yóm hlau.