Sulat Pol Ebè Yó Kem Tau Hemtahu Bè Rom 1:17 - Udél Dwata: Gna Kesfasad ne Lomi Kesfasad

¹⁷ Ne bud bè yó sem Tulón Hyu yó gónó Dwata hegfan du bélê tekuy yóm gónón baling tedeng ktonen tekuy mlan bè kehtahu tekuy. Lómón yóm deng monen bè Sulat Dwata, yóm monen, “Ke deng tedeng kton Dwata du yóm tau lemwót bè kehtahuhen, du se yóm tau gmuta du yóm klowil laen dù sónen.”

Sulat Pol Ebè Yó Kem Tau Hemtahu Bè Rom 1:17 Referans Kwoze

Hbakuk 2:4

Yó snulatem, Ngem yó kem tau là tedeng kmò le, laen dù gónón e kól yóm klowil le. Okóm kul yó kem tau tedeng kmò le, lemwót bè yóm kehtahu le bè Dwata wen gónón e kól yóm klowil le.

Glasya 3:11

Deng hónô tngón tekuy, balù sotu bè yó kem tau lemolò yóm hlau Musis ke tedeng kton Dwata kul, abay se deng monen bè Sulat Dwata, monen, “Tek sotu gónón tedeng kton Dwata du yóm tau, són bè kehtahuhen. Bud bè yó snéen gónón gmuta du yóm klowil laen dù sónen.”Là kô bè kehtahu du yóm klolò tau du yóm hlau Musis. Lómón se yóm monen bè Sulat Dwata, “Song gutahen yóm klowil laen dù sónen yóm tau, ke tódô gotu loloen kdéen nô lem yóm hlau Musis.”

Hibru 10:38

Yó kem dou tau deng baling tedeng kmò le, lemwót bè yóm kehtahu le béléu gónó le hlós mowil. Okóm ke knogol le yóm kehtahu le béléu, là kô wen bud nawahu ebélê le ne.”

Flipay 3:9

ne anì hol me baling ssotu yóm lewu me. Là bud wen gónóhu tedeng ne ke lemwót bè klolou yóm hlau. Okóm ni, denge baling tedeng lemwót bè yóm kehtahuhu bè Krays. Nim ktedeng monu ni, tódô blay Dwata lemwót bè yóm kehtahuhu.

Sulat Pol Ebè Yó Kem Tau Hemtahu Bè Rom 9:30

Duhen yó, yó kem tau là Ju le, là kô ktes le du yóm ktedeng kton Dwata kul, okóm guta le lan le hemtahu bè Jisas.

Sulat Pol Ebè Yó Kem Tau Hemtahu Bè Rom 3:21

Okóm ni ne, deng mtukul kehetngón Dwata du yóm lan nmoen mò gónón baling tedeng ktonen tekuy. Là kô hlanen du bè yóm klolò tekuy yóm hlau Musis. Okóm nim lan nmò Dwata ni, deng tehe eles hsulaten ke Musis ne yó kem dumu tau tugoden ekni.

Sulat Pol Ebè Yó Kem Tau Hemtahu Bè Rom 3:3

Anien he ke wen bélê tekuy là mimón du yóm sulat yó, okóm ke Dwata, là kô tenlesen du yóm deng tehe fasaden tekuy.

Kun Snulat Jan 3:36

Yó se hemtahu bè yóm Ngà Dwata, gutahen yóm klowil laen dù tul sónen. Yó se là mimón du yóm Ngà Dwata, là se kô gutahen du yóm klowil yó, tódô hlós gbóen yóm tafak Dwata du.”

Isikél 18:9

Ne gulit kloloen du yó kem dou hlau kul ne yó kem dumu dou hlolò kul. Yóm tau mò du ni kem ni, yó se yóm tau tedeng kmoen ne angat mowil, mon yóm sana Dwata hol dandónen geta.

Sulat Pol Ebè Yó Kem Tau Hemtahu Bè Rom 3:22

Yó gónón baling tedeng kton Dwata tekuy, duhen yóm kehtahu tekuy ke Jisas Krays. Tu se nmò Dwata bè kdéen tau hemtahu bè Krays, laen kô dù mtukul néléken.

Sulat Pol Ebè Yó Kem Tau Hemtahu Bè Rom 10:3

Là kô tngón le du yóm lan nmò Dwata mò gónón tedeng ktonen kul. Mom yó tô nmò le, tódô lolò le yóm kul kehlan du. Là kô lolò le du yóm lan nmò Dwata mò gónó le tedeng.

2 Kurin 3:9

Ke wen tey keslinang yóm kfasang Dwata gfan bè yóm hlau mit hatay, milud he keslinang yóm kfasangen yóm lomi lan nmoen mò gónó le mowil.

2 Kurin 5:21

Yóm Krays, laen kô bang salaen kun. Okóm lemwót bè yóm któbóng Dwata tekuy, yó gónón fen hbô du ke Krays yó kem salà tekuy. Lemwót bè yóm deng kessotu tekuy bè Krays, deng tekuy gomong ne bè yóm kun ktedeng Dwata.

Lista 21:9

Tahu se, wen ulal tenwél Musis ne suen bè yóm hteg nmoen. Yóm tau deng nékét ulal ke temngel ebè yóm ulal hteg Musis yó, tódô mowil. Là gomongen bè nili yóm bérs 10 efet kól bè bérs 20. Hono boluy yó kem benwu tehe gónó le kmamfù yó kem tau Israél lemwót le bè Bulul Hor efet le kól bè Datal Muab.