Sulat Pol Ebè Yó Kem Tau Hemtahu Bè Rom 1:16 - Udél Dwata: Gna Kesfasad ne Lomi Kesfasad

¹⁶ Nim Tulón Hyu gel nwitu ni, laen kô bang gónóhu myak heglalag du. Kaem bè yó se gónón gfan yóm kfasang Dwata lemwà kdéen tau gu lem hatay ke hemtahu le bè Jisas, lemwót bè yó kem tau Ju kkólen bè yó kem tau là Ju le.

Sulat Pol Ebè Yó Kem Tau Hemtahu Bè Rom 1:16 Referans Kwoze

Mark 8:38

Ni kem tau kmoen ni,” mon Jisas, “deng knogol le Dwata lan le gel mò sidek. Yóm tau ke hnalaen yóm kloloen dou lem blóng kem dumuhen, dalang se ke hnalaen yóm gel toloku, angat hnalà yóm Ngà Tau snéen sok bud semfulék edini. Bè yóm bud kesfuléken yó, angat gfan béléen yóm tey kegeta Maen, ne gotu le angat mung du yó kem hógów Dwata gu bè longit.”

2 Timuti 1:8

Duhen yó, béem kenyak tmulón du yóm deng tngónem gbak ebè yóm gónó tekuy mogot. Béem kenyak se nim fen kegkukubu lanu mimón ke Krays. Ne béem hentaw ke wen gbunuem bè kwitem du yóm Tulón Hyu. Dwata he temgel kóm.

1 Pitér 4:16

Bede ke wen hmayam kuy lemwót bè yóm deng kehtahu ye ke Krays, bê ye abay kenyak. Hol dóyón ye Dwata dé, abay se yu mit du yóm kun boluy Krays.

2 Timuti 1:12

duhen nim gónóhu fen glayam ni. Okóm là kóen mili nawahu, abay se deng tngónu Dwata, yóm dou gentud nawa, ne deng tngónu se yóm kegbeken semgifà du yóm kdê deng sigangen tahu efet kól bè yóm kdaw angat kdau bè soluhen.

Kun Snulat Luk 9:26

Yóm tau ke mom hnalaen yóm kloloen do dalang se yóm gel toloku, angat hnalà yóm Ngà Tau se kun bè yóm bud kesfuléken edini na a mogot benwu. Bè yóm bud kesfuléken edini yó, angat gfan yóm kegetahen, ne yóm kun kegeta Maen, dalang se kul yó kem hógówen gu bè longit.

2 Kurin 4:4

Là hentahu le du abay se nseng Seitan kehedem le. Du se kul dwata yó kem tau là hemtahuhen. Yó gónó Seitan mseng kehedem le anì là dilô le du yóm tey layag hmilol kul, yóm layag lemwót bè yóm Tulón Hyu gbak ebè yóm tey klinggel Krays. Bè Krays se hol gónó tekuy dmilô du yóm kun kmò Dwata.

1 Kurin 2:4

Bè yóm tehe kmò ktoloku lem blóng ye, dalang se yó kem tehe gel tulónu kuy, là kô hlanu du bè khulung tau mudél. Okóm tódô lemwót bè kun kfasang yóm Tulus Dwata gónó ye dmilô du yóm hol ktahuhen yóm tulónu kuy yó.

1 Kurin 2:2

Okóm bè yóm tehe knóu lem blóng ye, tek sotu yóm tulón nwitu, són Jisas Krays ne yóm katayen bè kros.

Sulat Pol Ebè Yó Kem Tau Hemtahu Bè Rom 10:17

Duhen yó, yó gónó le hemtahu yó kem tau ke deng gungol le yóm Tulón Hyu. Ne yóm Tulón Hyu monu yó, duhen yó se yóm tulón me gbak ebè Krays.

Hibru 4:12

Yóm Udél Dwata, tey mlan, ne tey gembek. Ke hningón tekuy yóm udél Dwata, hol lómón ke sudeng, tey gembon ke wen tenbeken. Milud he kegbonen yóm udél Dwata, abay se tódô gotu tngón Dwata yóm kmò tekuy ne yóm knawa tekuy. Ne gotu henklolen yóm nô lem nawa tekuy ne yóm nô lem hendem tekuy.

1 Kurin 15:2

Bè ni sem Tulón Hyu deng hetngónu kuy gónó ye gewà gu lem hatay ke hol mbegel yóm kehtahu ye. Okóm ke hnuda ye, olon dô nô te kulit yóm kehtahu ye du bè kbuten.

Jirimaya 23:29

Yóm dou udél,” mon Dwata, “hol lómón ke ofi gotu kenen kdéen. Ne sotuhen, hol lómón ke bakbak gbeken bemtù botu.

Glasya 1:7

Bè ktahuhen, là kô wen dumu “tulón hyu.” Yó gónóhu mon du mò kuy nim ni, abay se tngónu wen tau tendo gel sembeweg kuy bè yó. Tô tenles le yóm Tulón Hyu gbak ebè Krays.

Sulat Pol Ebè Yó Kem Tau Hemtahu Bè Rom 2:9

Angat tey tendo keglayam le yó kem tau gel mò sidek, lenwóten bè yó kem Ju kkólen bè yó kem tau là Ju le.

Kul Nmò 3:26

Duhen yó,” mon Pitér, “deng nélék Dwata Jisas mò hógówen. Deng gna hógówen elem blóng tekuy mò tmóbóng tekuy, yóm ket tekuy na sotu, anì knogol tekuy yó kem sidek gel nmò tekuy.”

Kem Lingón 119:46

Là kóe myak tmulón du bè yó kem tau hol geta yó kem hlauhem.

1 Tisalunika 2:13

Bud sotu gónó me tendo gel dmóyón ke Dwata snéen. Bè yóm tehe kwit me ebélê ye yóm tulón lemwót bè Dwata, bè yóm kungol ye du tódô kendel henmóyô ye, ne tódô dilô ye hol tahu kun udél Dwata, là kô olo udél tau du. Ne tahu se yó. Ne lemwót bè udélen wen gel nmò Dwata bélê ye yu kem tau deng hemtahu.

Isaya 53:1

Yó udél yó kem tau, mon le, “Tau du de tô gembek hemtahu du yóm tulón me ni koni? Tau du de tô gembek milô du yóm kfasang Dwata?

1 Timuti 1:11

Yóm monu tahu tolok ni, yó sem Tulón Hyu deng sigang Dwata tahu mò hetngónu ebè yó kem tau. Nim Tulón Hyu ni, lemwót bè Dwata, yóm hol hyu bè kdéen, yóm knóón dmóyón du.

2 Kurin 9:13

Bè yóm keblay ye, yó se gónón gfan yóm kehtahu ye ke Krays. Angat tey dê tau dmóyón ke Dwata lemwót bè yóm kimón ye du yóm Tulón Hyu lemwót bè Krays. Dóyón le Dwata snéen bè yóm tey któbóng ye kul, dalang se yó kem dumu tau tnóbóng ye.

2 Kurin 2:12

Bè yóm kkólu bè syudad Truas na a tmulón du yóm Tulón Hyu gbak ebè Krays, deng sana wen lan nmò yóm gónó tekuy mogot anì nmou yóm hmoen dou bè yó.

1 Kurin 9:18

Bede wen se ofolu du. Yó ofolu, duhen yóm alì kehyu nawahu bè yóm klaen dù hnihu bè yó kem tau gónóhu tmolok du yóm Tulón Hyu yó, balù yóm kwen kwalisu hlowil bélê le.

1 Kurin 9:12

Ke wen kwalis le hlowil bélê ye yó kem dumu tau tmolok lem blóng ye, milud he yó dum kum. Okóm là dog kem ktes me du ne kum yó dum yó. Tódô hyu nawa me hembala du ne yó kem mgel gel sut bélê me anì laen dù gónón gseng yóm Tulón Hyu gel nwit me gbak ebè Krays.

Sulat Pol Ebè Yó Kem Tau Hemtahu Bè Rom 15:29

Tódô tngónu soke sut lem blóng ye, angat tey kehyuhen yóm nmò Krays bélê tekuy bè yó.

Sulat Pol Ebè Yó Kem Tau Hemtahu Bè Rom 15:19

duhen yó kem hentaw ton gel hmoen do, ne yóm tey kfasangen bélê le yóm Tulus Dwata. Tehe lemwót bè syudad Jirusalim efete kól ditu bè yóm sotu prubinsya Ilirikum, gotu hetngónu bélê le yóm Tulón Hyu gbak ebè Krays.

2 Timuti 1:16

Dwata he fen tmóbóng kul yó kem kun fes lówó Unisifurus. Deng hilu duléken ne yóm fen na a gel hemyu nawahu. Là kóen na a gseng du yóm kegkukubu,

Sulat Pol Ebè Yó Kem Tau Hemtahu Bè Rom 4:11

Deng gegna ne yóm kehtahu Abraham ke Dwata ominen yó he htulì. Hmò Dwata du yóm yó mò ilô yóm deng ktedeng ktonen du lemwót bè yóm deng kehtahu Abraham béléen. Ne duhen yó, lemwót bè yóm kehtahu Abraham ke Dwata, yó gónóhen baling mà kdéen tau hemtahu bè Dwata, baluen he ke là Ju le, ne baluen he ke là tnulì le. Tódô lemwót bè kehtahu le gónón tedeng kton Dwata kul.

Kem Lingón 110:2

Lemwót bè Sayun, angat hlamang Dwata yóm benwu nogotem. Angat uu mogot kul yó kem hohonem.

Kun Snulat Jan 7:35

Ne stulón le són lu yó kem tau wen glalen bè yó kem Ju, mon le, “Tedu gónón e tô solu tau ni du ke là bud tô ton tekuy du? Déke mógów elem blóng tu kem dumu tekuy Ju sekla menwu lem blóng tu kem Grik. Déke mom tmolok bè tu kem Grik.