Sulat Pol Ebè Yó Kem Tau Hemtahu Bè Rom 1:14 - Udél Dwata: Gna Kesfasad ne Lomi Kesfasad

¹⁴ Là gbeku du ke là tulónu du ebè kdéen tau yóm Tulón Hyu gel nwitu. Kihu ke tau temngón duhen ke tau laen dù tngónen, ke tau mnagì duhen ke tau là mnagien.

Sulat Pol Ebè Yó Kem Tau Hemtahu Bè Rom 1:14 Referans Kwoze

Kulasi 3:11

Yó nefeten nim lomi klowil ni, laen dù bud gónón stólóng ne yóm tau Ju ne yóm tau là Juhen, yóm tau tnulì ne yóm tau là tnulien, yóm tau tólóng udélen, ne yóm tau laen dù tngónen, yóm tau klifen ne yóm tau là klifenen, abay se Krays yóm alì bong muhen bè kdéen, ne du se tendo nô bélê tekuy.

Kul Nmò 9:15

Bud mon yóm gónóhen mogot mò du, “Lemwóti etu ne, abay se deng néléku nim tau ni mò angat hógówu elem blóng yó kem tau là Juhen, ne ebè yó kem tau hol geta, ne ebè yó kem tau Israél snéen. Du se angat heglalag du yóm dou boluy lem blóng le.

Kul Nmò 22:21

Bud mon yóm gónóhu mogot mò dou, ‘Lemwóti ne, abay se mayuk gónóhu e hógów kóm elem blóng yó kem tau là Ju le.’ ”

Sulat Pol Ebè Yó Kem Tau Hemtahu Bè Rom 12:16

Béen mtukul henlom nawa ye. Bê tekuy abay hton salù. Bê ye abay kenyak mò du yóm nmò kem tau glaan. Bê ye abay salig yóm kuy ketngón.

2 Kurin 11:19

Lemwót bè yóm khulung ye hedem se kuy, gbek ye hembala du yóm tau nungel.

Sulat Pol Ebè Yó Kem Tau Hemtahu Bè Rom 16:19

Deng tey glalag ebè kem dumu ye hemtahu ne yóm là kili nawa ye du yóm Tulón Hyu. Tey bong kehyu nawahu du se do yóm nmò ye yó. Kóyóu bélê ye ke hol ye hfulung hedem anì glolò ye yóm hyu, ne là glolò ye du yóm sidek.

Sulat Pol Ebè Yó Kem Tau Hemtahu Bè Rom 13:8

Béen abay wen utóng ye là bnayad du. Olon yó dé utóng nbô ye, duhen yóm kbong nawa ye kem dumu ye. Abay se ke gotu kbong nawa ye kem dumu ye, deng gotu glolò ye ne yó kem hlau Dwata.

Sulat Pol Ebè Yó Kem Tau Hemtahu Bè Rom 8:12

Yó gónóm mon, kem dumuhu setwoli, wen se kuy snolu nmò bede sundu bè yó dum óyô lówó mò salà.

Sulat Pol Ebè Yó Kem Tau Hemtahu Bè Rom 1:22

Ofo kul ke hulung le hedem, okóm là. Lu se yó kem tau nungel.

Isaya 35:8

Bè yóm benwu yó, angat wen tey lan lamang gu lemen. Yó boluyen, “Lan Mólós.” Laen dù tau mò sidek ke gemlan bè yó. Laen dù tau nungel mit hetlas yó kem dumuhen bè yóm lan yó.

Taytus 3:3

Tehe yu ekni, tehe wen se kut gel ungel, là kô te gel himón, là se dilô te du yóm ktahuhen. Tey kegfét te bè yóm sidek knóyô lówó te, ne bè yóm dê kenbeyen nawa te. Deng te gu lemen se kut yóm sdù ne yóm sélés nawa ne yóm sutó nawa.

2 Timuti 2:10

Kem kunen ne, kihu kem kmò le dou, syan ke gtóbóngu yó kem tau deng nélék Dwata anì gewà le gu lem hatay se kul lan le hemtahu bè Krays Jisas, ne anì guta le yóm klowil laen dù sónen.

2 Kurin 10:12

Yó kem tau alì heklabak lem blóng ye bè yó, là kô gsenged me kul, là kô me gomong bélê le se kum. Tey le tau là hulung hedem se kul. Ofo kul mon du ke són lu temngón du yóm hyu, ne gsengel nawa le du yóm kul ktau bè yóm klolò le du yóm kul kehedem yó.

1 Kurin 14:16

Ke dóyón tekuy Dwata bè tólóng udél, là kô hen-el le du yó kem dumu tau mung bè yó ke là tngón le du lanen.

1 Kurin 14:11

Okóm ke stulón béléu yóm tau là tngónu du udélen, hol lómón ke tau milo kegnómu du yóm tau yó, là setngón me.

1 Kurin 3:18

Bê ye tnondo knô ye. Laen kô gónón e kól yóm tau snaligen yóm kun ketngón. Ke wen sotu bélê ye hendemen tey bong tngónen bè yóm ketngón tau te tonok, hol béen abay tódô dò yóm ketngónen yó. Mom hyu he yóm tau ke laen dù tngónen anì là gsengen ebéléen yóm tahu ketngón lemwót bè Dwata.

1 Kurin 2:13

Duhen yó, bè yóm gel ktolok me du kuy nim ni, là kô hlan me du bè yóm khulungen mudél tau te tonok. Okóm hlan me bè yóm khulung mudél deng dnalang me bè Tulus Dwata. Ne yóm ktahuhen lemwót béléen, yó se gel tolok me bè yó kem tau gónóhen nô yóm Tulus Dwata.

Sulat Pol Ebè Yó Kem Tau Hemtahu Bè Rom 11:25

Bud wen tulónu kuy, kem dumuhu setwoli, bè yóm nmò Dwata tehe là glileb kem tau du anì là hegmón ye du yóm deng nmò Dwata bélê ye. Yóm kgel kulu yó kem tau Israél, là kóen hlós. Okóm ke deng le gotu hemtahu bè Dwata yó kem tau là Ju le, yó he angat kkóhen yóm kgel kulu le yó.

Kul Nmò 28:4

Timbow ton yó kem tau menwu bè yó yóm kékéten ke Pol yóm ulal yó, stulón le, mon le, “Déke tehe wen dô bnonoken tau ni. Kun bagì là matayen lem mohin, okóm ni là hewuhem du.”

Kul Nmò 28:2

Tey khódó le kum yó kem tau menwu bè yó. Kendel le hbong bélê me ofi mò gónó me mnalang, bà mon tey tnaw, lel kulón.

Kun Snulat Luk 10:21

Bè yóm keseyón le yó, tey kehefligalen ke Jisas yóm Tulus Dwata, yó monen, “Ó Mà, uu se yóm mogot longit ne tonok. Bong kdóyónu kóm, abay se deng wen hegfanem bè yó kem tau laen dù hennagien, okóm bè yó kem tau wen hennagien, là kô heglilebem du bélê le. Duhen yó se, Mà, yóm deng kóm kóyô kehlan du.”

Matyu 11:25

Bè yóm keseyón le Jisas yó, tódô mni bè Dwata, monen, “Ó Mà, uu se mogot longit ne tonok. Tey kdóyónu kóm, abay se deng wen heglilebem bè yó kem tau laen dù tngónen, okóm bè yó kem tau wen tngón le, là kô heglilebem du bélê le.

Kem Udél Hlalak Tehe Selumun 8:5

Yu kem tau là dengen ngelem kehedemen hol dnalang ye yóm khulung milô. Yu kem tau book hol kenmón ye yó kem udélu.

Kem Udél Hlalak Tehe Selumun 1:22

Ni se udélen, “Yu kem tau là ngelem kehedem ye, mò kegenen de duen yóm óyô ye du yóm là ketngón ye? Yu kem tau gel semdekà, mò kegenen de duen yóm kbeyen ye yóm kesedkà ye? Ne yu kem tau book, mò kegenen de duen yóm keklit ye du yóm ketngón?