Sulat Pol Ebè Yó Kem Tau Hemtahu Bè Rom 1:13 - Udél Dwata: Gna Kesfasad ne Lomi Kesfasad

¹³ Là klifót ye du kô, kem dumuhu setwoli, deng hilu duléku ne móló mógów edyó bélê ye, okóm wen gel hemseng dou. Móyóe ke tmoloke lem blóng ye anì wen bélê ye hemtahu snéen, lómón yóm kul kehtahu yó kem dumu tau là Ju le tehe gónóhu gel tmolok.

Sulat Pol Ebè Yó Kem Tau Hemtahu Bè Rom 1:13 Referans Kwoze

Kul Nmò 19:21

Kogol ni kem ni, yó hendem Pol nan bud mlan tmonok lem prubinsya Masdunya ne Akiya, ominen hlós mulék ebè Jirusalim. Yó monen, “Sok kogolu gu bè Jirusalim, là gbeku du ke là hlóse ebè syudad Rom.”

Flipay 4:17

Là kô yó du sen-galuhu ke hol gel wen blay ye dou, okóm yó hol sen-galuhu ke temnù yóm ofol blay Dwata kuy.

2 Timuti 4:17

Okóm yóm gónó tekuy mogot, là kô bayaen dou, ne du fen temgel nawahu anì hol gotu gtulónu yó kem tau là Ju le bè yó yóm mò lan le gewà gu lem hatay. Ne deng lenwà Dwata ou bè yóm tô khatay le do.

1 Tisalunika 4:13

Kem dumu me setwoli, kóyô me ke hol tngón ye yóm ktahuhen gbak ebè yó kem tau hemtahu deng matay, anì là kat ye langag, lómón yóm kul kmò yó kem tau laen dù nefet nawa le.

1 Tisalunika 2:18

Bong óyô me bud tô semfulék ebélê ye. Deng gel dê duléku ne tô lemwót, okóm sal gel wen lan Seitan hemseng kum.

2 Kurin 1:8

Wen bud hegtulón me bè nawa ye, kem dumu me setwoli, yóm tehe alì kehlayam le kum yó kem tau bè prubinsya Asya. Laen kem ofolem hmingón du yóm alì ksidek kegnóm me du bè yóm kdaw yó, ofo kum ke là bud me mowil.

1 Kurin 12:1

Ne ni, kem dumuhu setwoli, bè yóm sotu snólók ye bè yóm ksulat ye béléu bè yóm kenhulung gel blay yóm Tulus Dwata, kóyóu ke hol tngón ye yóm ktahuhen.

1 Kurin 10:1

Wen tô hegbelu bè nawa ye, kem dumuhu setwoli, lemwót bè yóm kul kmò yó kem tehe fù me nalak Musis ekni. Bè yóm tehe kógów le, gotu le hgolung bè yóm lobun hógów Dwata mò gónó le galak. Bè yóm kkól le bè yóm Mohin Hulô, gotu le se mifal du, ne laen se dù gfà le.

Kulasi 1:6

Yóm Tulón Hyu yó, tódô senflósen tmóbóng tau ne tódô senflósen se mból ebè yó kem dumu benwu. Hol lómón se yóm deng gendengen lem blóng ye lemwót bè yóm hol tanay kdaw kungol ye du yóm kun tóbóng Dwata, ne yóm kegnóm ye yóm kehyuhen bélê ye.

Sulat Pol Ebè Yó Kem Tau Hemtahu Bè Rom 11:25

Bud wen tulónu kuy, kem dumuhu setwoli, bè yóm nmò Dwata tehe là glileb kem tau du anì là hegmón ye du yóm deng nmò Dwata bélê ye. Yóm kgel kulu yó kem tau Israél, là kóen hlós. Okóm ke deng le gotu hemtahu bè Dwata yó kem tau là Ju le, yó he angat kkóhen yóm kgel kulu le yó.

Kun Snulat Jan 15:16

Là kô yu du mélék do, ou se fen mélék kuy. Yó gónóhu mélék kuy mò hógówu anì hol ye mungu, yóm kbungu laen kô dù tul sónen. Ke ni se nmò ye, balù kihu hni ye bè Mà mlan bè dou boluy, tódô blayen kuy.

Kun Snulat Jan 4:36

Yóm tau muta, wen ofol blay Dwata du. Ne yó kem nutahen, angat guta le se kul yóm klowil laen dù sónen. Yó gónóm mon, gotu le hligal yó kem tau mehek ne yó kem tau muta.

2 Tisalunika 2:7

Okóm ni kmoen ni, wen se gel nmoen bede là dengen hol gfan he. Yó he kmoen du sok lemwót bè yóm semgafas du.

2 Kurin 2:14

Okóm tey kdóyónu ke Dwata, abay se lemwót bè yóm deng kessotu me bè Krays, hol lómón ke mi se yó kem tau deng nfunen bè yóm tehe katuen. Duhen mi se yóm tau hol nfunen mò gel htonen bè dumu tau. Ne hlan Dwata bélê me yóm kehbólen du bè klamangen yóm kun kmò Krays. Yóm tulón nwit me yó, hol lómón ke yóm hboo alì minggel boohen.

1 Kurin 9:2

Balù yóm là kehtahu le du yó kem dumu tau yóm kélék Dwata dou mò hógówen, là kô henkéng ye du kuy. Lemwót bè yóm deng kessotu ye bè yóm gónó tekuy mogot, yó gónón hol gfan yóm deng khógów Dwata do.

Kul Nmò 21:19

Deng kesfódó le, gotu tulón Pol kul se yóm deng nmò Dwata bè yó kem tau là Ju le lemwót bè yóm ktoloken lem blóng le yó.

Kul Nmò 15:12

Tódô le gteg yó kem tau hmungol du yóm udél Pitér yó. Omin le mudél se kul le Barnabas lewu le Pol. Gotu tulón le yó kem tey dê hentaw ton nmò Dwata hlanen bélê le bè yóm ktolok le lem blóng yó kem tau là Ju le.

Kul Nmò 14:27

Bè yóm deng kkól le bè Antyok, gotu sentifun le yó kem tau hemtahu, ne gotu tulón le kul se yóm deng nmò Dwata hlanen bélê le. Gotu tulón le yóm nmò Dwata mò gónó le hemtahu bè Jisas se kul yó kem tau là Ju le.

Kun Snulat Jan 12:24

Tódô tulónu kuy ktahuhen,” mon Jisas, “lómón yóm sbotù bnék halay, ke là nan gebeng elem tonok ne lembóg, là kóen na a tmowok, ne là se wen bunguhen, tódô sana keblotuen. Okóm ke deng lembóg, yó he kwen towoken, ne angat tey kbunguhen.

Isaya 27:6

Angat wen kdawen tey kdolil le yó kem tau Israél, yó kem tau semfu gu bè tehe Jakub. Hol lómón tô le koyu, tey kbulók le efet lengeben klamangen benwu yó kem bungu le. Là gomongen bè nili yóm bérs 7 kól bè 13. Bè bérs 7 wen snólók Isaya. Yó snólóken, “Deng tnafak Dwata kô Israél mkél bè yóm ktafaken yó kem hohon le? Là, olon tmafak kul néen yó kem tau Israél, mò olob yó kem salà le, okóm bè yó kem hohon le gotu genlaen lu kul.” Ne angat kól yóm kdawen bud nwit Dwata lu semfulék ebè Jirusalim yó kem kun tau deng negef ebè Asirya ne ebè Idyip, angat le bud tmaba ebè Dwata ditu bè kun bulul.

Kul Nmò 1:15

Bud sotu kdaw bè yó, gotu le stifun yó kem tau hemtahu, wen dô lematu bud lewu folò kwen le.

Kul Nmò 28:14

Ne wen tau hemtahu ton me bè yó, na le nali mi anì nô me bélê le sotu fedyan. Tahu se, timbow sotu fedyan me bélê le, omin me hlós ebè Rom.

Sulat Pol Ebè Yó Kem Tau Hemtahu Bè Rom 1:12

Yó kóyóu ke hol tekuy segduf bè yóm kehtahu tekuy.

Sulat Pol Ebè Yó Kem Tau Hemtahu Bè Rom 7:1

Ó kem dumuhu setwoli, deng hónô tngón ye mò kmoen yóm hlau gnan. Són olo kwen kwalisen bè tau yóm hlau, són yóm igò le tolo mowil.

1 Kurin 1:10

Ó kem dumuhu setwoli, lemwót bè yóm kwalis deng blayen dou yóm gónó tekuy mogot Jisas Krays, wen hol hesgaluhu kuy, duhen yóm hol kessotu nawa ye anì là mesgólólen yóm kessotu kehedem ye anì segmung ke wen gel sensatul ye.

1 Kurin 14:20

Bè ni kem tulónu kuy ni koni, kem dumuhu setwoli, bê ye abay heskél yóm kuy kehedem bè knawa ngà. Yó dé dnalang ye bélê le yóm là khulung le matul mò du yóm sidek. Okóm bè yóm kmò kehedem ye du nim toloku kuy ni, yake kehedem tau tmuha dé kehedem ye du.

1 Kurin 14:26

Duhen ni, kem dumuhu setwoli, bè yóm gel ksimba ye, hyu ke wen se bélê ye fen semngal, ne wen se fen tmolok bélê ye, ne wen se tmulón du yóm deng hetngón Dwata du, ne wen se fen mudél ebè Dwata bè yóm tólóng udél, ne wen se bélê ye fen tmugod du yóm udélen yó koni. Bè ket yóm nmò ye bè yóm kestifun ye yó, yake són nmò ye yóm mò gónó ye tmóbóng kem dumu ye bè kehtahu le.

Glasya 3:15

Ó kem dumuhu setwoli, wen tulónu kuy lemwót bè yóm sana gel nmò tekuy. Ke hol hget tekuy yóm senfasad tekuy, sal gel wen gónó tekuy fema. Ne yóm senfasad deng fenma laen kô dù tau bud gembek mkó du ne temnù du.

Glasya 6:18

Yó ne kóó, kem dumuhu setwoli. Yó hem gónó tekuy mogot Jisas Krays hol tendo tmóbóng kuy se kuy.

Flipay 1:22

Bede hyu snéen ke mowile, abay se temnù yóm gendengu bè Krays. Yó gónóm mon, là tngónu du ke mahi du yóm hyu.

Kulasi 1:10

Ni bud hni me béléen anì hol gmò ye yóm kun kóyô yóm gónó tekuy mogot, ne anì hol gmò ye yóm gónón hligal bélê ye. Ke ni se kmò ye, wen tey bunguhen yóm klowil ye, ne senflósen temnù yóm ketngón ye ke Dwata.