Sulat Pol Ebè Yó Kem Tau Hemtahu Bè Rom 1:12 - Udél Dwata: Gna Kesfasad ne Lomi Kesfasad

¹² Yó kóyóu ke hol tekuy segduf bè yóm kehtahu tekuy.

Sulat Pol Ebè Yó Kem Tau Hemtahu Bè Rom 1:12 Referans Kwoze

2 Pitér 1:1

Bud ou se Simun Pitér gónón lemwót nim sulat ni, yóm sotu gel tóbóng lówó Jisas Krays, yóm gel hógówen. Bude smulat ebélê ye yu kem tau deng hemtahu bè Jisas Krays, yóm Dwata tekuy, yóm deng lemwà tekuy gu lem hatay. Lemwót bè yóm ktedeng nawahen, yó gónón hembaling kuy tau hemtahu béléen hol lómón yóm tehe kehbalingen kum tau hemtahu béléen.

Taytus 1:4

Smulate ebéléem, Taytus, yóm hol ngau lemwót bè yóm kessotu nawa te bè kehtahu te. Yó hem Dwata yóm Mà tekuy, ne Krays Jisas yóm deng lemwà kut gu lem hatay, hol tendo tmóbóng kóm, ne tendo henek nawam.

2 Kurin 7:13

Yó gónóm mon, bong hyu nawa me ne nim kmoen ni. Lel me gbót hligal bè yóm kun kligal Taytus, abay se là bud tnafa nawahen kuy se kun.

Sulat Pol Ebè Yó Kem Tau Hemtahu Bè Rom 15:32

Duhen yó, ke kóyô Dwata angate mógów elem blóng ye. Ilóu tey kehyu kegnómu du bè yóm angat keston tekuy yó.

Kul Nmò 11:23

Timbow kól bè yó, ya tey kehyu nawahen yóm ktonen yóm któbóng Dwata kul. Gel gendufen lu anì hol le teneb, ne là monol nawa le ebè yóm gónó le mogot.

Sulat Jud 1:3

Ó kem weu do dumu sogot nawa, deng tey kehedemu du ne yóm tô ksulatu ebélê ye gbak bè yóm deng kegewà tekuy gu lem hatay. Okóm là. Tódô gnómu yóm bong muhen bélê ye ke géhél gendufu yu hol mfi du yóm tahu tolok deng tehe blay Dwata bè yó kem tauhen, yóm tolok là hyu temles du.

2 Jan 1:4

Tey kligalu bè yóm kungolu du deng wen bè yó kem ngaem deng gel mimón du yóm ktahuhen. Ni se deng hloloen tekuy yóm Mà tekuy.

2 Timuti 1:4

Là kóen mkó bè nawahu yóm ktonu kosok lewokem bè yóm tehe ktagaku kóm. Hol kóyóu ke yó dum géhél bud tonu uu anì hol wen kligalu.

Ifisus 4:5

Tek sotu se yóm gónó tekuy mogot, ne tek sotu yóm hentahu tekuy, ne tek sotu se yóm gónó tekuy hbabtays.

Sulat Pol Ebè Yó Kem Tau Hemtahu Bè Rom 15:24

Tóe hlós ebè Spén, yóm benwu kem Kestilà, okóm naw hlun slob bélê ye bè yó bè Rom. Sok deng malù gsengel kegnómu du bè yóm kesegbótu bélê ye, yó he kehewót ye do.

Sulat Pol Ebè Yó Kem Tau Hemtahu Bè Rom 1:11

Tey kóyóu tô hol ston kuy anì wen lanu temgel kuy anì lemnok ye bè kehtahu ye.

Sulat Pol Ebè Yó Kem Tau Hemtahu Bè Rom 1:13

Là klifót ye du kô, kem dumuhu setwoli, deng hilu duléku ne móló mógów edyó bélê ye, okóm wen gel hemseng dou. Móyóe ke tmoloke lem blóng ye anì wen bélê ye hemtahu snéen, lómón yóm kul kehtahu yó kem dumu tau là Ju le tehe gónóhu gel tmolok.