Sulat Pol Ebè Yó Kem Tau Hemtahu Bè Rom 1:11 - Udél Dwata: Gna Kesfasad ne Lomi Kesfasad

¹¹ Tey kóyóu tô hol ston kuy anì wen lanu temgel kuy anì lemnok ye bè kehtahu ye.

Sulat Pol Ebè Yó Kem Tau Hemtahu Bè Rom 1:11 Referans Kwoze

2 Pitér 1:12

Yó gónóm mon, senflósu se hegtulón du bè nawa ye ni kem ni koni, baluen ke deng tngón ye, ne deng tey mbegel kogot ye du yóm ktahuhen.

Sulat Pol Ebè Yó Kem Tau Hemtahu Bè Rom 16:25

Hol dóyón tekuy dé Dwata. Du se yóm gembek hol hbegel kuy bè kehtahu ye hlanen bè yóm Tulón Hyu gel nitu gbak ebè Jisas Krays. Nim Tulón Hyu ni, ni se yóm tehe gbuni bè yó kem tau gnan ekni.

2 Tisalunika 3:3

Okóm yóm gónó tekuy mogot, tey gsalig. Tendo ten-gelen nawa tekuy, ne tendo kenlungen tekuy bè Seitan.

Sulat Pol Ebè Yó Kem Tau Hemtahu Bè Rom 15:29

Tódô tngónu soke sut lem blóng ye, angat tey kehyuhen yóm nmò Krays bélê tekuy bè yó.

1 Pitér 5:12

Yó fen hsulatu du nim sulat ukol nii Silas. Du se sotu dumu kuy hemtahu gel genléd nawahu. Yó gónóhu smulat ebélê ye mò gónóhu gemduf kuy bè kehtahu ye, ne mò gónóhu hetngón du kuy yóm hol tahu nawa Dwata ebélê ye. Bê ye abay klifót yóm nawahen yó.

1 Pitér 5:10

Okóm ke deng legen udì yóm keglayam ye, tey któbóng Dwata kuy. Du se hol hbegel kuy ne tendo ten-gelen yu efet là buden sliwo yóm kehtahu ye. Yó gónón tehe tmaba kuy anì gbót ye bè yóm tey kegetahen ditu bè longit hlanen bè yóm deng kessotu ye bè Krays. Ne yóm kegetahen yó, laen kô dù nan e són.

Kul Nmò 19:6

Omin Pol mnok kul. Tódô sut bélê le se yóm Tulus Dwata, ne sket le mudél bè yóm udél là deng kul dnalang du, ne tódô gotu tulón le se yóm deng hetngón Dwata kul.

Kul Nmò 16:5

Tahu se, tey wen gónón temnù kehtahu le yó kem tau hemtahu. Tódô ket kdaw sónmoen tendo temnù tau hemtahu bè Jisas.

2 Tutul Israél 20:20

Hol hlafus hayahen bè yó, gotu le btik yó kem sendalù Juda, mógów le ebè yóm benwu laen hol wen tauhen bè Tikuwa. Bè yóm hanà knô le bè lan, htengen mdà Jihusafat, ne yó udélen ebè yó kem tau, monen, “Ó kem tau Juda ne kem tau bè Jirusalim, hnungol ye ou yóm kdê ye. Hentahu ye Dwata yóm Dwata hol kuy gónó mogot, anì mbegel ye. Hentahu ye yó kem tugoden anì wen gónón e kól yó kem nmò ye.”

1 Tisalunika 3:13

Ni se mò lanen hol temgel kuy anì hol ye gulit ne mólós ke mdà ye bè solu Dwata yóm Mà tekuy, bè yóm kdaw angat kesfuléken edini yóm gónó tekuy mogot, mung du yóm kdê kun tau.

1 Tisalunika 3:2

ne Timuti fen hógów me edyó. Nim Timuti ni, sotu dumu tekuy setwoli, gel tmóbóng kum mit du yóm Tulón Hyu gbak ebè Krays. Yó gónó me hógów du edyó mò temgel kuy ne tmóbóng kuy bè kehtahu ye

Flipay 4:1

Duhen yó, kem dumuhu setwoli, tey kogot nawahu ebélê ye, ne tey khahuu kuy. Lelen tey wen gónó ye hefligal do, ne tey kehyu nawahu du yóm gel kmò ye. Ke lolò ye ni kem tulónu kuy ni koni, kem dumuhu sogot nawa, ni se gónón mbegel yóm klolò ye du yóm gónó tekuy mogot.

Flipay 2:26

Yó gónóhu tô hulék du edyó, abay se tey hahù kuy, Ne mónó nawahen kuy bè yóm kungol ye du yóm le kwen desen.

Flipay 1:8

Tódô tngón Dwata yóm hol ktahuhen yóm nawahu ebélê ye, yóm nawa hol lemwót bè Krays Jisas.

2 Kurin 9:14

Angat tey gel kni le bélê ye bè Dwata, ne baling mogot nawa le ebélê ye lemwót bè yóm tey któbóng Dwata kul hlanen bélê ye.

2 Kurin 1:21

Dwata se yóm tendo hgel nawa tekuy bè yóm deng kessotu tekuy bè Krays. Bud Dwata se yóm deng eles hetfing tekuy,

Sulat Pol Ebè Yó Kem Tau Hemtahu Bè Rom 15:32

Duhen yó, ke kóyô Dwata angate mógów elem blóng ye. Ilóu tey kehyu kegnómu du bè yóm angat keston tekuy yó.

Sulat Pol Ebè Yó Kem Tau Hemtahu Bè Rom 15:23

Okóm ni ne bang kógówu edyó, abay se laen dù bud benwu gónóhu e solu hmilol gu bè ni. Deng dê halayen ni ne yóm tô kóyóu mauy kuy.

Kul Nmò 19:21

Kogol ni kem ni, yó hendem Pol nan bud mlan tmonok lem prubinsya Masdunya ne Akiya, ominen hlós mulék ebè Jirusalim. Yó monen, “Sok kogolu gu bè Jirusalim, là gbeku du ke là hlóse ebè syudad Rom.”

2 Samwél 13:39

Tikóng deng mkó klangag Dabid ke Amnon, yó mò du tey khahuen ke Absalum.

Hibru 13:9

Bê ye abay gmung bè yó kem tolok sekban, kô niten yu hetlas bè yóm tahu lan. Laen kô dumu hembegel du yóm kehtahu tekuy, tek són yóm kun tóbóng Dwata. Là kóen lemwót bè yóm dê hlii le tekuy bè ken. Yó kem tau lemolò du yóm yó, balù udì ke wen tóbóngen kul bè yóm kehtahu le.

2 Kurin 11:4

Yó gónóhu mon du yóm yó, abay se là kô kenbê ye du yóm tau sut lem blóng ye, ne tólóng se yóm tulónen kuy gbak ebè Jisas. Là sengeden bè yóm kum ktulón du. Ne yóm tulus kul gel tulón, tey stólóng bè yóm kun Tulus Dwata. Ne yóm kul tulón gel nwit yó, tey stólóng bè yóm Tulón Hyu kum gel nwit.

2 Samwél 23:15

Yó mon Dabid bè yóm tlu kem tauhen yó, “Tey hyu béléu ke wen él mò ninumu lemwót bè yóm kokol alì hyu élen moni bè bak tikeb bè Bitlihim.”

Tekang Kbuten 31:30

Deng eles tngónu yóm tey khahuem ke maem, okóm moen se du ke hennagawem yó kem dwata lenngedu nô lem gónô?”

Sulat Pol Ebè Yó Kem Tau Hemtahu Bè Rom 1:12

Yó kóyóu ke hol tekuy segduf bè yóm kehtahu tekuy.

2 Kurin 1:15

Bè kegnómu du, tolo wen kligal ye béléu. Yó gónóhu na gna tô slob bélê ye bè yóm kógówu ebè prubinsya Masdunya, ne bude tô slob bélê ye bè yóm kkólu gu ditu anì lewu duléku tmóbóng kuy. Ne sotuhen, anì yu fen hewót dou bè yóm kógówu ebè prubinsya Judiya.