Sulat Pol Ebè Yó Kem Tau Hemtahu Bè Rom 1:10 - Udél Dwata: Gna Kesfasad ne Lomi Kesfasad

¹⁰ Yó hol hnihu bè Dwata anì wen lanu hol mauy kuy ke lemwót bè kun kóyô, abay se deng tey kegenu ne tendo móló mógów edyó.

Sulat Pol Ebè Yó Kem Tau Hemtahu Bè Rom 1:10 Referans Kwoze

Kul Nmò 18:21

“Ke kun kóyô Dwata, angate bud gemdà dini.” Ominen bud smakay kafal lemwót bè yó bè Ifisus.

Sulat Jim 4:15

Yake mon tekuy dé, “Ke kun kóyô yóm gónó tekuy mogot, nan hol hlowil tekuy anì wen gmò tekuy.”

Filimun 1:22

Ne sotuhen, elesi hemtifes do yóm dfél mò angat gónóhu nô béléem dyó, abay se sónmou hemdón du ne yóm kbalà Dwata du yóm gel kni ye béléu anì gewae edyó bélê ye.

1 Tisalunika 2:18

Bong óyô me bud tô semfulék ebélê ye. Deng gel dê duléku ne tô lemwót, okóm sal gel wen lan Seitan hemseng kum.

Hibru 13:19

Bê ye senkas gel mni béléu anì géhél wen lanu bud mulék ebélê ye.

Flipay 4:6

Béen gel tafa nawa ye balù kihu gel sut bélê ye. Okóm bè yóm gel kni ye bè Dwata, gotu hni ye béléen yóm wen mu ye du. Ne eles hmung ye du se yóm gel kdóyón ye du.

Kul Nmò 19:21

Kogol ni kem ni, yó hendem Pol nan bud mlan tmonok lem prubinsya Masdunya ne Akiya, ominen hlós mulék ebè Jirusalim. Yó monen, “Sok kogolu gu bè Jirusalim, là gbeku du ke là hlóse ebè syudad Rom.”

1 Kurin 4:19

Okóm ke mlan bè kun kóyô yóm gónó tekuy mogot, là legenen bud ton ye ou dyó. Naw e hnénég yóm kul kfasang yó kem tau alì hegmón bè yó. Hnénég tekuy ke tahu, duhen ke són bè udél le gónó le mfasang.

Kul Nmò 21:14

Timbow là gbólów me du, tódô bayà me, olo me mon du mò du, “Dwata he mò du béléem yóm kun kóyô.”

Sulat Pol Ebè Yó Kem Tau Hemtahu Bè Rom 15:29

Tódô tngónu soke sut lem blóng ye, angat tey kehyuhen yóm nmò Krays bélê tekuy bè yó.

1 Kurin 1:1

Ou se Pol gónóhen lemwót nim sulat ni. Tódô lemwót bè kun kóyô Dwata yóm tehe kéléken dou mò sotu tau gel hógów Krays Jisas. Lewu me Sustinis nim nô bè ni, yóm sotu dumu tekuy setwoli.