Kem Udél Hlalak Tehe Selumun 9:9 - Udél Dwata: Gna Kesfasad ne Lomi Kesfasad

⁹ Ke hnauhem yóm tau hulung hedem mom temnù yóm khulungen hedem. Ke tolokem yóm tau tedeng kmoen mom bud temnù yóm kun dnalang.

Kem Udél Hlalak Tehe Selumun 9:9 Referans Kwoze

Kem Udél Hlalak Tehe Selumun 1:5

Balù yóm tau hulung hedem ne hulung temnef sok gungolen ni kem udél ni, temnù yóm ketngónen ne gbeken se malak yóm kun kmò kógów kehedem.

1 Jan 5:13

Yu kem tau deng hemtahu bè kun Ngà Dwata, yó gónóhu smulat ebélê ye ni anì hol tngón ye yóm deng eles kwen yóm kuy klowil laen dù sónen.

Kem Udél Hlalak Tehe Selumun 25:12

Yóm kbólów yóm tau deng hulung hedem tey bong muhen bè yóm tau mimón senta yóm tising blówón megélék.

Husiya 6:3

Tey hyu dé ke hol tngón tekuy Dwata. Henlel tekuy hloni ebéléen anì hol tngón tekuy. Ke yó nmò tekuy, angat dohò yóm kehegfanen bélê tekuy lómón kdohò kebtù mata kdaw ke hlafus ne lómón kdohò yóm kulón bè bulón mò hulu.”

2 Pitér 3:18

Yó dé hyu bélê ye ke hol tendo temnù yóm ketngón ye yóm gónó tekuy mogot Jisas Krays, yóm deng lemwà tekuy gu lem hatay, ne ke hol temnù yóm keskél ye béléen. Hol bê tekuy abay nmò sónen yóm kdóyón tekuy du.

Kem Udél Hlalak Tehe Selumun 10:14

Yóm tau hulung hedem nan tógón yóm kwen muhen bemsut du yóm ketngónen, okóm yóm tau book tódô faen mudél ne là dog hendemen du yóm gfaen du.