Kem Udél Hlalak Tehe Selumun 9:8 - Udél Dwata: Gna Kesfasad ne Lomi Kesfasad

⁸ Béem dog bnólów ne yóm tau sedekà, déke mom knutó nawahen uu. Ke bnólówem yóm tau hulung hedem mom kenbong nawan uu.

Kem Udél Hlalak Tehe Selumun 9:8 Referans Kwoze

Kem Lingón 141:5

Mom hyu he ke yó dmofì do yóm tau tedeng kmoen. Wen gónón hyu béléu se yó. Ke wen bnólów le béléu, hol lómón ke henged bulung bè lówóhu. Hol tnóbóngem o anì là gekbéu du. Okóm sónmou gel mni du bè Dwata anì hensengen yóm sidek gel nmò le, ne anì hensengen se yó kem tau mò du.

Kem Udél Hlalak Tehe Selumun 13:18

Baling élél ne henyaken knóen yóm tau là kenmónen yóm kehlau le du, okóm yóm tau kenmónen yóm kbólów le du, megdóyón.

Kem Udél Hlalak Tehe Selumun 23:9

Yóm tau book béem dog tolok du ne yóm hyu yakà mom sendekaen du yóm kóm khulung hedem.

Kem Udél Hlalak Tehe Selumun 15:12

Yóm tau gel semdekà là kóen móyô bnólów ne là se kóen halak bè yóm tau hulung hedem.

Matyu 7:6

Bud monen, “Bê ye duil tmulón yóm Udél Dwata bè yó kem tau gel hemnê du, lómón ke blay ye bè ohu yóm kimu alì mebtes. Ngem kà mom nékéten kuy. Ne lómón ke blay ye bè sdô yóm ngom libun alì mebtes. Ngem kà gotu sninà ndaen du elem hitok.”

Kem Udél Hlalak Tehe Selumun 29:1

Yóm tau là kenmónen du yóm kbólów du ne mom temnù kgel kuluhen wen glumfak mekto sut béléen ne là kô bud lowilen du.

Kem Udél Hlalak Tehe Selumun 28:23

Yóm tau ke bnólówen kdumun, tonen kogolen se yóm tey kehyu nawahen ebéléen yóm tau yó senta yóm tau olon smalù là tahuhen.

Hlolò 19:17

Bê ye senmò knutó nawa kem dumu ye. Ke uu yóm sotu tau knutó nawahen gu lem kem dumun, yó nmoem miti sefyu béléen bè yóm gónó ye seglius anì là gemsalai bè Dwata lemwót béléen.

Matyu 15:14

Tódô bayà ye lu yó kem Farisi yó. Hol lómón ke tau le butô tô nalak le kem dumu le butô. Ke salak honon butô, kaem angat le gotu geblos elem sol.”

1 Bok Kem Tau Hol Geta 1:23

Yó mon le mò bè yóm tau hol geta yó kem tau gónón gel hmungol hlau, “Deng kól bè ni, Natan yóm tugod Dwata, nan e ston kóm kun.” Omin Natan husek elemen, ne hegdufok ebè seel bè solu yóm tau hol geta.

1 Bok Kem Tau Hol Geta 22:8

Bnalà Ahab se, monen, “Wen sotu duen tugod Dwata, okóm tey keklitu du. Laen kô dù hyu deng tulónen do, són yóm sidek. Yó boluyen Mikaya ngà Imla.” Bnalà Jihusafat se, monen, “Béem abay mon yóm yó. Na te na hnungol ke tedu yóm kun tulón.”

1 Bok Kem Tau Hol Geta 1:32

Omin Dabid yóm tau hol geta mon du, “Htaba ye le Sadok yóm tau gel blóng ebè Dwata, ne Natan yóm tau tugod Dwata, ne Binaya ngà Jihuyada.” Tahu se, timbow le kól bè yó,

Kem Udél Hlalak Tehe Selumun 10:8

Kenmónen yó kem hlolò yóm tau hulung hedem, okóm yóm tau mò kestulón nungel heglaen knóen.

Kem Udél Hlalak Tehe Selumun 13:1

Yóm logi hulung hedem hnungolen yóm hlau maen du, okóm yóm tau sedekà là kóen hmungol bólów.

Kem Udél Hlalak Tehe Selumun 19:25

Lemwót bè yóm ktafak le du yóm tau heklabak gónón baling hulung milô se kun yóm tau là dengen ngelem kehedemen. Ne ke bnólówem yóm tau hulung temnef temnù ketngónen.

Isaya 36:21

Yóm kdéen tau hmungol bè yó, tódô le gotu neb. Bà sekteb ke tô le mudél, hol lómón yóm deng mon Hisikaya mò kul.

Kem Udél Hlalak Tehe Selumun 1:5

Balù yóm tau hulung hedem ne hulung temnef sok gungolen ni kem udél ni, temnù yóm ketngónen ne gbeken se malak yóm kun kmò kógów kehedem.

Kem Udél Hlalak Tehe Selumun 23:23

Hol nwahem bè nawahem yóm tahu ne béem glus, senged se yóm khulung hedem ne ketngón ne khulung temnef.