Kem Udél Hlalak Tehe Selumun 9:7 - Udél Dwata: Gna Kesfasad ne Lomi Kesfasad

⁷ Ke bnólówem yóm tau gel sedekà mom henwogen uu. Ne ke bnólówem yóm tau gel mò sidek mom hen-gnómen uu des.

Kem Udél Hlalak Tehe Selumun 9:7 Referans Kwoze

Kem Udél Hlalak Tehe Selumun 15:12

Yóm tau gel semdekà là kóen móyô bnólów ne là se kóen halak bè yóm tau hulung hedem.

Kem Udél Hlalak Tehe Selumun 23:9

Yóm tau book béem dog tolok du ne yóm hyu yakà mom sendekaen du yóm kóm khulung hedem.

2 Tutul Israél 36:16

Okóm deng mom hennê le yó kem tugod Dwata yó kem tau, là kô hnungol le kul, mom knuli le lu, efet là bud gbek Dwata hembala nawan, ne laen kô dù bud lan le gewà bè yóm kebuten kul.

1 Bok Kem Tau Hol Geta 22:27

Mon ye mò kul, ni udél yóm tau hol geta bélê ye, ‘Bnanggù ye tau ni, béen wen dumu hken ye du olon mambang ne él efet kkólu gu bè sgida ke laen dù hemenu.’ ”

1 Bok Kem Tau Hol Geta 22:24

Omin Sidikaya, ngà Kinaana, tódô mógów ebè Mikaya nan e tódô dnofì lem uyóhen, yó monen, “Kilón de ktagaken do yóm Tulus Dwata anì nan e stulón kóm?”

1 Bok Kem Tau Hol Geta 21:20

Timbow ton Ahab Ilaydya, yó monen mò du, “Na, deng tonen o yóm hohonu.” Bnalà Ilaydya se, monen, “Él, tonu uu. Ni gónów mógów edini, abay se deng mom hotuhem nawam mò du yóm sidek bè kton Dwata kóm.

1 Bok Kem Tau Hol Geta 18:17

Timbow ton Ahab Ilaydya, yó monen mò du, “Na, uu kô ni, yóm tau mit kesbeweg bè Israél?”

Job 5:17

Okóm hligal kun yóm tau ke wen gónó Dwata semtódô du. Hol béem tnagaw nawa ke wen gónó Dwata mólów kóm.

Kem Udél Hlalak Tehe Selumun 13:1

Yóm logi hulung hedem hnungolen yóm hlau maen du, okóm yóm tau sedekà là kóen hmungol bólów.

Isaya 36:21

Yóm kdéen tau hmungol bè yó, tódô le gotu neb. Bà sekteb ke tô le mudél, hol lómón yóm deng mon Hisikaya mò kul.